Isaia 45:25 - Buki Tabu Lowaenei 1919

²⁵ Ieoba ‘ena Iseraela tubunao si da paruparu, ta si da tuputupu.

Isaia 45:25 ပူးပေါင်းရင်းမြစ်များ

Salamo 22:23

‘Omi Ieoba wa matautena, wa da tupuna: Iauiaumi Iakobo tubunao wa da ‘awaeseesena; Ta wa da tooro matautena, ‘omi iauiaumi Iseraela tubunao:

Salamo 64:10

Taudi ‘idi bubuna paruparuna si da ‘uiawana Ieoba ‘enaia, ta ‘ena si da ‘emisa; Ta iauiaudi si paruparu ‘atedia si ta tuputupu.

Isaia 26:2

‘Eberugu wa da gigegedi, be ‘enega ‘ebeloina paruparu tauna ona ‘ai‘aila i ita‘i‘isina ‘ena ‘i da rugu.

Isaia 28:5

Asiata gote bodao ‘idi Ieoba ‘i da esaesa ‘ana peaula manuna, ‘ita bobo‘ana ‘ana peaula esaesa manuna, ‘ina tomota tupwadi ‘edia:

Isaia 41:16

‘U da louweuwenunudi, ta iagila ‘i da ‘ewa iauledi, ta bwawabwawa ‘i da lelewanedi: ta ‘u da guausoara Ieoba ‘ena, ‘u da lotuputupu Iseraela ‘ina Tabu Tebweuna ‘enaia.

Isaia 45:17

Iseraela Ieoba ‘i da ‘etoseena ‘etoseana mia‘ataia ‘enega: gea‘abo wa da omaiamaia nai wa da loniu ga bare‘u ‘ana ‘ebelosaroni.

Isaia 45:19

Nigea ia ona kwaia, guguioi ‘ina ‘asa ‘ina esena ‘enaia; nigea ia ona Iakobo tubunao ‘edia, Wa da ‘ebesa iogenegu; ‘Abo‘agu Ieoba bubuna paruparu ia oneone, iage si paruparu ia simana.

Isaia 45:24

Ieoba ‘ena tebweuna, ‘e bweu ‘i da gwae ‘eguia, bubuna paruparu ta pa‘ara ‘ena ‘i miami: tuga tauna ‘ena tai si da mai, ta iauiaudi si gamwasoara ‘enaia si da omaiamaia.

Isaia 50:8

Tauna ‘i ‘awaparuparuiegu ‘i serabeguia: iaita ma‘ieagu ‘a da e‘upwa? ta da tooro rererea: iaita ‘agu tarauwara? ‘i da mai serabeguia.

Isaia 53:11

Iaruiaruana ‘ina edadama ‘i da ‘ita, ta sawesawenaia: ‘ina sinasinapuiega ‘igu toguinua paruparu iauiaudi ‘i da ‘awaparuparuiedi: ta ‘idi bubuna bokobokodi ‘i da ‘a‘ara.

Isaia 60:19

Sinara gea‘abo wate ‘imu ma‘edana asiataia; nai tuiaiara manuna nawarae ‘i da giema‘edaneio: ta Ieoba ‘i da ma‘edana ataia ‘emuia, ta ‘imu Eaubada ‘imu esaesa.

Isaia 60:21

‘Imu tomota wate iauiaudi si da paruparu, ‘asa si da ‘ewa ‘ataia; ‘igu asoa narina, nimaguao ‘idi guinua, be ‘enega ma‘igu esaesa.

Isaia 61:9

Ta tubudi si da mwaratoni ‘ebeloinao gamwagamwanidia, ta natudi tomota gamwagamwanidia: iauiaudi si ‘itedi si da ‘inanedi, ‘aene taudi tubudi taudi Ieoba ‘i onaobobomedi.

Isaia 65:23

Gea‘abo si da guinua besobeso, nai si da me‘ena ‘ebedidiga manuna; taudi Ieoba ‘ana oboobobomao tubudi ta ‘enega, ta natudiao ma‘ediao.

Isaia 65:9

Ta Iakobo ‘enega tubuna ia da me‘ena, ta Iuda ‘enega ‘igu ‘oeao ‘adi to ‘ewa: ta ‘agu ‘esi‘esinuao si da ‘ewena, ta ‘igu to guinuao ‘edia si da miami.