Isaia 45:21 - Buki Tabu Lowaenei 1919

²¹ Wa da simana, ta wa da apwesenama; tamo, si da onaona rererea: ‘iaita gete ‘i e‘ita tuta lowaeneiega? Iaita ‘i simana lowaeneiega? nigea nai ‘Abo‘agu Ieoba? ta nigea wate ‘e bweu Eaubada tebweugumo; Eaubada loina ‘ai‘ailina ta to‐‘etoseana: nigea wate ‘e bweu tebweugumo:

Isaia 45:21 ပူးပေါင်းရင်းမြစ်များ

Salamo 26:7

Be ‘enega lokagutoki ‘enana ia da bubu be si da nono, Ta imu guinua ‘ebenuaowana iauiauna ia da simanedi.

Salamo 83:18

Be ‘enega si da mwaratoni ‘aene tebweuio, ‘amu esana IEOBA, To Lo‘etana Sana bare‘u maibo‘ana debanaia. ‘Oio.

Salamo 96:10

‘Ebeloinao gamwagamwanidia wa da ona, Ieoba ‘i loiloina; Bare‘u wate ‘i pa‘ara be gea‘abo ‘i da loniu; Tomota ‘i da loinedi bubuna ‘ai‘ailega.

Isaia 19:20

Ta ‘i da we‘iwe‘iiaia manuna ta ‘ebe‘ita manuna bodao ‘idi Ieoba ‘enaia ‘asa Aigupito ‘enaia: si da bwau Ieoba ‘ena ta ‘enega to‐didiga manudi, ta to ‘etoseana ‘i da etunena ‘edia, ta to leme, ta ‘i da ‘etoseedi.

Isaia 41:26

Iaita ‘i simanena nuganega, be ‘enega ‘a da mwaratoni? Ta gimi tutega, be ‘enega ‘a da gwae, Tauna ‘i paruparu? tamo, nigea ‘e bweu ‘i simana, tamo, nigea ‘e bweu ‘i e‘ita, tamo, nigea ‘e bweu ‘imi ona ‘i nonodi.

Isaia 43:11

‘Abo‘agu, tuga ‘Abo‘agu, taugu Ieoba: ta ‘abo‘agu nigea, to‐‘etoseana nigea ‘e bweu.

Isaia 43:3

‘Abo‘agu Ieoba ‘imu Eaubada, Iseraela ‘ina Tabu Tebweuna, ‘amu to‐‘eto‐seana; Aigupito ia ‘ebwaea ‘amu e‘isa, Aitiope ta Seba manuio.

Isaia 43:9

‘Ebeloinao iauiaudi si da egogona rererea, ta tomota si da deriegogona: iaita ‘edia ‘i ewaiwai be gete ‘i da simana, ta gimi iageao ‘i da e‘ita ‘edaia? ‘adi to ‘itao si da me‘edi, be ‘enega si da eparuparu; nai si da nono, ta si da gwae, Tauna ona‘ai‘aila.

Isaia 45:14

Ieoba gete nadigega ‘i gwae, Aigupito ‘ina guinua, ta Aitiope ‘ina gwegwe, ta me Sabea, tai sinabwadi, si da lagama ‘emuia, ta si da ‘imu iage; si da muriemu; ioniionidi ‘aupega si da lagama: si da be‘u mwa‘uta ‘emuia, si da ‘awanoi ‘emuia, si da gwae, Ona ‘ai‘aila Eaubada ‘emuia; ta nigea wate ‘e bweu, nigea ‘e bweu Eaubada.

Isaia 45:18

Gete nadigega Ieoba tauna garewao ‘i mweruruidi ‘i gwae; tauna Eaubada; tauna bare‘u ‘i gibubuna ta ‘i mweruruina; ‘i sa‘u ‘ai‘ailina, ‘i mweruruina nigea iagedaisinamo, ‘i gibubuna be iauna ‘ana tomi: ‘Abo‘agu Ieoba; ta nigea wate ‘e bweu.

Isaia 45:25

Ieoba ‘ena Iseraela tubunao si da paruparu, ta si da tuputupu.

Isaia 45:5

‘Abo‘agu Ieoba, ta nigea wate ‘e bweu; nigea ‘e bweu Eaubada ‘abo ‘abo‘agu nigea: nigea ‘u mwaratonigu, ta ia da paimiio tuga gadiwanega:

Isaia 48:14

Iauiaumi, wa da egogona, ta wa da nono; iaita ‘edia iage getedi ‘i simanedi? Ieoba ‘i obobomena: ‘ina nuena ‘i da bubuna Babulonia ‘enaia, ta nimana me Kaladea ‘edia ‘i da miami.

Isaia 48:3

Gimi iage ni‘atu ia simanedi lowaeneiega: tamo, ‘awaguiega si apwesawa, ta ia e‘itedi: manini ia guinuedi, ta si apwesa.

Isaia 60:16

‘Ebeloinao ‘idi susu ‘u da numa wate, ta kiniao susudi ‘u da esusu: ta ‘u da mwaratoni ‘aene ‘abo‘agu Ieoba ‘abo‘agu ‘amu To‘Etoseana, ta ‘amu to‘ewalima, Iakobo ‘ina Waiwai Tebweuna.

Isaia 63:1

Iaita gete Edomega ‘i mai, ‘ana ‘oama bweabwearidi Bosira ‘enega? tauna gete ‘ana ‘oamega ‘i esaesa, ‘i tautauia ‘ina waiwai ‘ana sinabwa ‘enega? ‘Abo‘agu ia onaona bubuna paruparuiega, waiwai sabi ‘etoseana.