Isaia 45:14 - Buki Tabu Lowaenei 1919

¹⁴ Ieoba gete nadigega ‘i gwae, Aigupito ‘ina guinua, ta Aitiope ‘ina gwegwe, ta me Sabea, tai sinabwadi, si da lagama ‘emuia, ta si da ‘imu iage; si da muriemu; ioniionidi ‘aupega si da lagama: si da be‘u mwa‘uta ‘emuia, si da ‘awanoi ‘emuia, si da gwae, Ona ‘ai‘aila Eaubada ‘emuia; ta nigea wate ‘e bweu, nigea ‘e bweu Eaubada.

Isaia 45:14 ပူးပေါင်းရင်းမြစ်များ

Nugana 27:29

Tomota emuia si da guinua, Ta ‘asa ‘emuia si da bwagobwago: Tasimuao ‘edia ‘u da e ‘inapwana, Ta sinaio natunao me‘olotodi ‘emuia si da bwagobwago: Iauiauna ‘i eliemu si da eliena, Ta iauiauna ‘i onaobobomeio si da onaobobomena.

Esiteri 8:17

Ta esena ‘e bweuna ‘e bweuna ‘enaia, ta ‘asa ‘e bweuna ‘ebweuna ‘enaia, ‘ena king ‘ina ona ta ‘ina loina ‘i mai, ‘ena me Iuda ‘idi uiawana be guausoara, sagari be asiata bobo‘ana. Ta esena nina ‘ina tomotaiao ‘ediega iauiaudi si e goma Iuda; me Iuda ‘adi matauta ‘edia ‘i be‘u ta ‘enega.

Salamo 149:6

Eaubada ‘ana tuputupu lo‘etanidi ‘awadi ‘ena si da miami, Ta sisi saia mamatana ruarua nimadia;

Salamo 149:8

Be ‘idi kiniao si da ionidi ‘aupa ‘ediega, Ta ‘idi ‘inapwanao ‘ebeiona kainumu ‘ediega;

Si Apwesa 11:8

Ta ‘imu toguinua iauiaudi getedi si da mwa‘utama ‘eguia, ta ‘eguia si da kopukopu, si da gwae, ‘U da apwesa, be tomota iauiauna si muriemu: ta muriega ia da apwesa. Ta Parao ‘enega ‘i apwesa gamwasoara iaiiaiega.

Isaia 10:33

Wa ‘ita, ‘Inapwana, bodao ‘idi Ieoba, kaiwe narina garudi ‘i da ‘upwa iauledi didigega: ta taudi ‘adi ketosora ‘i lo‘etana ‘i da tara mwa‘utedi, ta to mia tu‘e si da mia mwa‘uta.

Isaia 18:1

A, pape ‘idi saeasaea ‘ina ‘asa, tauna Aitiope ‘ina boasi ‘awanao mariesedia:

Isaia 18:7

Tuta gote ‘ebwaeadaita si da me‘ena bodao ‘idi Ieoba ‘enaia tomota duduradi ta nonokwaikwaidi ‘ediega, ta tomota didiga ‘adi nugana ga muria ‘ediega; ‘ebeloina i ‘etopwapwa ta i ‘aiaina, taudi ‘idi ‘asa boasi ‘awanao si ‘upwaruena, bodao ‘idi Ieoba ‘ana esana ‘ana esena ‘enaia, ‘oea Siona.

Isaia 19:21

Ta Ieoba ‘i da e‘ita‘ena tauna Aigupito ‘enaia, ta me Aigupito Ieoba si da mwaratonina asiata gote; tamo, si da bwagobwago taria ta ‘ebwaeadaita ‘ediega, ta ona‘upa‘upa si da ona‘upa‘upa‘ena Ieoba ‘enaia, ta si da guinuena.

Isaia 19:22

Ta Ieoba Aigupito ‘i da ununa, ‘i da unuunu ta ‘i da giebobo‘ana; ta si da ‘ila Ieoba ‘enaia, ta ‘ena si da sidasida, ta ‘i da giebobo‘anedi.

Isaia 23:18

Ta ‘ina gwegwe ta ‘ina ‘ebee‘isa si da iaruiarua‐‘esasena Ieoba ‘enaia; gea‘abo si da egogona nai si da sa‘u kwaia; ‘ina gwegwe ‘i da taudi Ieoba matanaia si miami manudi, be ‘adi e‘ai ‘i da sawesawedia, ta ‘adi ‘oama mia ‘amana manuna.

Isaia 43:3

‘Abo‘agu Ieoba ‘imu Eaubada, Iseraela ‘ina Tabu Tebweuna, ‘amu to‐‘eto‐seana; Aigupito ia ‘ebwaea ‘amu e‘isa, Aitiope ta Seba manuio.

Isaia 44:8

Gea‘abo wa matauta, nai wa da ‘atesa‘ara: nigea nai ia simana ‘emuia lowaeneiega, ta ia e‘ita‘ena? ta ‘omi ‘igu to‐‘itao. Wate ‘e bweu Eaubada ‘i miami ‘agu erua? tamo, nigea ‘e bweu Gurewa Sinabwana; nigea ‘e bweu ia mwaratoni.

Isaia 45:24

Ieoba ‘ena tebweuna, ‘e bweu ‘i da gwae ‘eguia, bubuna paruparu ta pa‘ara ‘ena ‘i miami: tuga tauna ‘ena tai si da mai, ta iauiaudi si gamwasoara ‘enaia si da omaiamaia.

Isaia 49:23

Ta kiniao si da tamamuao to amwamwa, ta ‘idi kuiniao sinamuao to amwamwa: si da bwagobwago sana mwa‘uta bare‘uia ‘emuia, ta ‘aeio ‘ina kau si da loiamosi: ta ‘u da mwaratoni ‘abo‘agu Ieoba, ta taudi si iamwaiamwa manugu gea‘abo si da omaiamaia.

Isaia 54:3

‘U da sasaila ‘ataimuiega ta gegeumiioega ta ‘enega; ta tubumuao ‘ebeloinao si da ‘ewedi, ta ‘asa waborebore tomota ‘edia si da sa‘u.

Isaia 55:5

U ‘ita, ‘ebeloina nigea ‘u mwaramwaratoni ‘u da bwauiena, ta ‘ebeloina ‘e bweuna nigea ‘i mwaratoniio ‘i da pili ‘emuia, Ieoba ‘imu Eaubada manuna, ta Iseraela ‘ina Tabu Tebweuna manuna; ni‘atu i ‘awaeseesemu ta ‘enega.

Isaia 60:3

Ta ‘ebeloinao si da mai ‘imu ma‘edana ‘enaia, ta kiniao ‘imu apwesama ‘ina tuiaiara ‘enaia.

Isaia 61:9

Ta tubudi si da mwaratoni ‘ebeloinao gamwagamwanidia, ta natudi tomota gamwagamwanidia: iauiaudi si ‘itedi si da ‘inanedi, ‘aene taudi tubudi taudi Ieoba ‘i onaobobomedi.