Isaia 45:11 - Buki Tabu Lowaenei 1919

¹¹ Gete nadigega Ieoba ‘i gwae, Iseraela ‘ina Tabu Tebweuna, ta ‘ana Tomwerurua: Iage si da mai manudi wa da eonegu; natuguao me‘olotodi manudi, ta nimaguao ‘idi guinua manuna, ‘eguia wa da loina.

Isaia 45:11 ပူးပေါင်းရင်းမြစ်များ

Nugana 32:26

Ta ‘i ona, ‘U da gisinegu, tomwa ‘i ulisina ta ‘enega. Ta ‘i ona, Gea‘abo ia gisineio, ‘abo nigea ‘u onaonaobobomegu.

Isaia 19:25

Bodao ‘idi Ieoba ‘i onaobobomedi ta ‘enega, ‘i gwae, Aigupito ‘igu tomota si da miabobo‘ana, ta Asiria nimaguao ‘idi ‘ebeguinua, ta Iseraela ‘igu ‘egu‘eguiai.

Isaia 29:23

Ta ni‘atu natunao i ‘itedi, nimagu ‘idi guinua, gamwagamwanaia, ga ‘agu esana si da etabuna; tamo, Iakobo ‘ina Tabu Tebweuna si da etabuna, ta Iseraela ‘ina Eaubada si da matautena.

Isaia 43:1

Ta gete ‘enega Ieoba, tauna ‘i mweruruiio, Iakobo ie, ta tauna ‘i bubuio, Iseraela ie, gete nadigega ‘i gwae: Gea‘abo ‘u matauta, ni‘atu ia ‘ewalimemu ta ‘enega; ni‘atu ia bwauiemu ‘amu esanega, ‘oio ‘igu iage.

Isaia 43:15

‘Abo‘agu Ieoba, ‘imi Tabu Tebweuna, Iseraela ‘ana To Mwerurua ‘imi King.

Isaia 43:21

Tomota nidi ia bubudi manugu taugu, be ‘enega ‘agu tuputupu si da gieapwese.

Isaia 43:3

‘Abo‘agu Ieoba ‘imu Eaubada, Iseraela ‘ina Tabu Tebweuna, ‘amu to‐‘eto‐seana; Aigupito ia ‘ebwaea ‘amu e‘isa, Aitiope ta Seba manuio.

Isaia 43:7

‘E bweuna ‘e bweuna si bwauiedi ‘agu esanega, ta tauna ia mweruruina ‘igu esaesa manuna; ni‘atu ia bubuna; tamo, ia mweruruina.

Isaia 44:2

Gete nadigega Ieoba ‘i gwae tauna ‘i mweruruiio, ta ‘i bubuio gamwa ‘enega, tauna ‘i da lemeio: Gea‘abo ‘u matauta, Iakobo ie ‘igu toguinua: ta ‘oio, Iesuruna, tauna ia ‘esinuena.

Isaia 45:10

‘Oioi ‘enaia tauna ‘i gwae tamana ‘ena, To‘ase ‘u enatunena? nai waine ‘enaia, To‘ase ‘enega ‘u edaedadama?

Isaia 48:17

Gete nadigega Ieoba ‘amu to‘ewalimana, Iseraela ‘ina Tabu Tebweuna ‘i gwae: ‘Abo‘agu Ieoba ‘imu Eaubada, tauna ‘i e‘iteio be ‘u loeposeana, tauna i ‘au‘ewemu ‘eda sawesawemuia ‘enega.

Isaia 54:5

‘Amu Tomwerurua mwaneio ta ‘enega: bodao ‘idi Ieoba ‘ana esana: ta Iseraela ‘ina Tabu Tebweuna tauna ‘amu to‐‘ewalimana; si da eesena bare‘u maibo‘ana ‘ina Eaubada.

Isaia 60:21

‘Imu tomota wate iauiaudi si da paruparu, ‘asa si da ‘ewa ‘ataia; ‘igu asoa narina, nimaguao ‘idi guinua, be ‘enega ma‘igu esaesa.

Isaia 63:16

‘Oio tamama tuga ta ‘enega, ‘abo Aberaamo nigea ‘i mwaramwaratonima, ta Iseraela nigea i ‘awanatunema; ‘oio, Ieoba ie, ‘oio tamama; ‘amu esana ‘ama to‘ewalima tuta ‘ataia ‘enega.

Isaia 64:8

Ta gete ‘enega, Ieoba ie, ‘oio tamama; ‘abo‘ama bwa‘adegudegu, ta ‘oio to bubu‘urena, ta iauiauma nimaio ‘ina guinua.

Isaia 8:19

Ta tuta ‘enega si da ona ‘emia, Taudi to lo iaruiarua besobeso ‘edia wa da ‘ebesa, to barau ‘edia be, taudi si gwanegwane ta si onamugimugi; gea‘abo nai tomota si da ‘ebesa ‘idi Eaubada ‘enaia? Maiawasidi manuna si da ‘ebesa nai to mwawasa ‘edia?