Isaia 44:24 - Buki Tabu Lowaenei 1919

²⁴ Ieoba, ‘amu To‘ewalimana, ta tauna gamwega ‘i mweruruimu, gete nadigega ‘i gwae: ‘Abo‘agu Ieoba, tauna iage iauiauna ‘i mweruruidi; tauna tebweuna garewao ‘i lisidi: tauna bare‘u ‘i neasina; iaita ma‘ieagu?

Isaia 44:24 ပူးပေါင်းရင်းမြစ်များ

Salamo 104:2

Tauio ‘u bodemu ma‘edanega ‘atua ‘oamega; Tauio garewao ‘u lisidi ‘atua ‘aubodakaleko:

Salamo 136:6

Tauna bare‘u ‘i gineasina boasi debadia ‘enaia: ‘Ina nua‘ole‘ole ‘i mia ‘ataia ta ‘enega.

Salamo 71:6

‘Oio ‘u giiaigu goama ‘ina ‘ebetubua ‘enega: ‘Oio sinagu dianega u ‘au‘ewegu: ‘Igu tuputupu manuio ataia.

Salamo 78:35

Ta si nua‘i‘isina ‘aene Eaubada ‘idi gurewa, Ta Eaubada To Lo‘Etana ‘adi to ‘au‘ewa lima.

Isaia 40:22

Tauna ‘i miatoa bare‘u ‘ana mweii debanaia, ta ‘ana tomi nadigega gipawa; tauna garewa ‘i lisidi kaleko ‘atua, ta ‘i loneasidi ‘atua anuanaia ‘ena si miami:

Isaia 41:14

Gea‘abo wa matauta, ‘oio didimwana Iakobo, ta ‘omi tai Iseraela; ia da lemeio, Ieoba ‘i gwae, ta ‘imu to‐e‘isa‐limana tauna Iseraela ‘ina Tabu Tebweuna.

Isaia 42:5

Gete nadigega Eaubada Ieoba ‘i gwae, tauna garewa ‘i mweruruidi, ta ‘i lisineasidi; tauna bare‘u ta iage ‘enega ‘i apwesa ‘i neasidi bababadi; tauna tomota ‘ena si miami iawasidi ‘i sa‘u, ta taudi ‘ena si lopilidadana iaruiaruadi i ‘ebwaedi:

Isaia 43:1

Ta gete ‘enega Ieoba, tauna ‘i mweruruiio, Iakobo ie, ta tauna ‘i bubuio, Iseraela ie, gete nadigega ‘i gwae: Gea‘abo ‘u matauta, ni‘atu ia ‘ewalimemu ta ‘enega; ni‘atu ia bwauiemu ‘amu esanega, ‘oio ‘igu iage.

Isaia 43:14

Ieoba, ‘imi to‐‘ewalimana, Iseraela ‘ina Tabu Tebweuna, gete nadigega ‘i gwae; Leleami Babulonia ‘ena ia etune, ta iauiaudi ia da ‘au‘ewa mwa‘utedi to denadena ‘atua, tuga me Kalidea, ‘idi guausoara ‘idi waga ‘edia.

Isaia 43:7

‘E bweuna ‘e bweuna si bwauiedi ‘agu esanega, ta tauna ia mweruruina ‘igu esaesa manuna; ni‘atu ia bubuna; tamo, ia mweruruina.

Isaia 44:2

Gete nadigega Ieoba ‘i gwae tauna ‘i mweruruiio, ta ‘i bubuio gamwa ‘enega, tauna ‘i da lemeio: Gea‘abo ‘u matauta, Iakobo ie ‘igu toguinua: ta ‘oio, Iesuruna, tauna ia ‘esinuena.

Isaia 44:6

Gete nadigega Ieoba ‘i gwae, Iseraela ‘ana King, ta ‘ina to‘ewa‘limana bodao ‘idi Ieoba: ‘Abo‘agu nugana nina, ta muria nina; ta nigea ‘e bweu Eaubada ‘abo ‘abo‘agu nigea.

Isaia 45:12

‘Abo‘agu bare‘u ia mweruruina, ta tai ia mweruruina debanaia: ‘Abo‘agu, tuga nimaguao, garewa ia lisidi, ta ‘idi boda maibo‘ana ia loinei.

Isaia 45:18

Gete nadigega Ieoba tauna garewao ‘i mweruruidi ‘i gwae; tauna Eaubada; tauna bare‘u ‘i gibubuna ta ‘i mweruruina; ‘i sa‘u ‘ai‘ailina, ‘i mweruruina nigea iagedaisinamo, ‘i gibubuna be iauna ‘ana tomi: ‘Abo‘agu Ieoba; ta nigea wate ‘e bweu.

Isaia 45:7

Ma‘edana ia bubuna, ta guguioi ia mweruruina; guguia ia bubuna, ta to‘umalina ia mweruruina; ‘Abo‘agu Ieoba, tauna iage iauiauna getedi ‘i guinuedi.

Isaia 45:8

‘Omi garewao, wa da pesuma, ‘etanega, ta garewa bubuna paruparu ‘i da siwa mwa‘utena: bare‘u ‘i da egegena, be ‘enega ‘etoseana si da uaua, ta bubuna paruparu ‘i da gietabwa rererea; ‘Abo‘agu Ieoba ni‘atu ia mweruruina.

Isaia 48:13

Tamo, nimagu bare‘u ‘ana ‘autui ‘i sa‘una, ta ‘ataigu garewa ‘i neasidi: ‘ena ia bwau ‘edia, si tooro rererea.

Isaia 48:17

Gete nadigega Ieoba ‘amu to‘ewalimana, Iseraela ‘ina Tabu Tebweuna ‘i gwae: ‘Abo‘agu Ieoba ‘imu Eaubada, tauna ‘i e‘iteio be ‘u loeposeana, tauna i ‘au‘ewemu ‘eda sawesawemuia ‘enega.

Isaia 49:1

‘Omi saruiao, wa da nono ‘eguia: ta ‘omi tomota, ‘edasorega wa da nono: Ieoba ‘i bwauiegu gamwega; sinagu dianega ‘agu esana i ‘inana:

Isaia 49:26

Ta taudi si giemwa‘utemi ia da ‘e‘enidi taudi esiodi ‘enega: ta si da elolaulausi taudi raradiega, ‘atua oine dibidibiega: ta esio maibo‘ana ‘i da mwaratoni ‘aene ‘abo‘agu Ieoba ‘imu to‐‘etoseana, ta ‘amu to ‘ewa limana, Iakobo ‘ina Waiwai Tebweuna.

Isaia 49:7

Gete nadigega Ieoba ‘i gwae, Iseraela ‘ana to‘ewa limana, ta ‘ina Tabu Tebweuna, tauna tai ‘i sinarina ‘enaia, tauna ‘asa ‘i guitoasena ‘enaia, ‘inapwanao ‘idi toguinua ‘enaia: Kiniao si da ‘ita ta si da tooro; ‘inapwanao, ta si da bwago: Ieoba tauna to bubu ‘ai‘aila manuna, tuga Iseraela ‘ina Tabu Tebweuna, tauna i ‘esinueio.

Isaia 51:13

Ta Ieoba ‘amu Tomwerurua ‘u nuapupurena, tauna garewa ‘i neasidi ta bare‘u ‘ina ‘autu ‘i sa‘udi; ta ‘u matauta ‘ataia asiata maibo‘anega to didiga ‘ina egamwagamwagu didiga manuna, ‘ena ‘i abe ‘i giesaoora? ta to didiga ‘ina egamwagamwagu didiga mane?

Isaia 54:5

‘Amu Tomwerurua mwaneio ta ‘enega: bodao ‘idi Ieoba ‘ana esana: ta Iseraela ‘ina Tabu Tebweuna tauna ‘amu to‐‘ewalimana; si da eesena bare‘u maibo‘ana ‘ina Eaubada.

Isaia 54:8

Egamwagamwagu maa‘apu‘apu ‘ena maninigu ia kwaiena ‘emuiega tuta tomwanega; ta oboboma mia ‘ataiega ia da ‘atenua‘ole‘oleio, Ieoba ‘amu to ‘ewalimana ‘i gwae.

Isaia 59:20

Ta to‐‘ewalima ‘i da mai Siona ‘ena, ta taudi li‘oa‐loinega Iakobo ‘ena si sana‘ilama ‘edia, ‘Ieoba ‘i gwae.

Isaia 60:16

‘Ebeloinao ‘idi susu ‘u da numa wate, ta kiniao susudi ‘u da esusu: ta ‘u da mwaratoni ‘aene ‘abo‘agu Ieoba ‘abo‘agu ‘amu To‘Etoseana, ta ‘amu to‘ewalima, Iakobo ‘ina Waiwai Tebweuna.

Isaia 63:16

‘Oio tamama tuga ta ‘enega, ‘abo Aberaamo nigea ‘i mwaramwaratonima, ta Iseraela nigea i ‘awanatunema; ‘oio, Ieoba ie, ‘oio tamama; ‘amu esana ‘ama to‘ewalima tuta ‘ataia ‘enega.