Isaia 44:22 - Buki Tabu Lowaenei 1919

²² ‘Imu li‘oa‐loinao ni‘atu ia kweuiedi, na‘ieana poana badona, ta ‘imu loegesiao, na‘ieana poana: ‘eguia ‘u da ‘ilama: ‘abo‘agu ia ‘ewalimemu ta ‘enega.

Isaia 44:22 ပူးပေါင်းရင်းမြစ်များ

Salamo 103:12

Nadigega bomatu ‘i mia ‘edasora ‘ebwagega, Nadigega ‘ana ‘edasora ‘ida li‘oaloina i ‘ewedi ‘edega.

Salamo 109:14

Tamanao ‘idi bubuna bokobokona Ieoba ‘i da nua‘i‘isina; Ta sinana ‘ina loegesi gea‘abo ‘i da kweu.

Salamo 130:8

Ta Iseraela ‘i da ‘ewa‐limana ‘Ina bubuna bokoboko iauiaudi ‘ediega.

Salamo 51:1

Eaubada ie, ‘u da ‘atenua‘ole‘oleiegu, ‘imu oboboma‐nua‘oleole na‘ieana; Na‘ieana ‘imu nua‘ole‘ole nuana ‘ana iauiaudidigana ‘igu li‘oaloina ‘u da kweudi.

Salamo 51:9

Maniniio ‘u da kwaiena ‘igu loegesi ‘ediega, Ta ‘igu bubuna bokobokona iauiauna ‘u da giekweudi.

Si Apwesa 18:9

Ta Ietoro ‘i guausoara bubuna bobo‘ana iauiauna Ieoba ‘i guinua ni‘atu Iseraela ‘ena manuna, i ‘etoseedi me Aigupito nimadiega ta ‘enega.

Isaia 1:18

Gete ‘enega wa da mai, be ta da eonaona, Ieoba ‘i gwae; ‘abo imi bubuna to‘umalidiao si bweabweara ‘atua, si da wakewakeke sinou ‘atua; ‘abo si bweabweara rara ‘atua, si da wula ‘atua.

Isaia 1:27

Siona si da e‘isa limena etaraiega, ta ‘ina to‐nuaebuniao bubuna paruparuiega.

Isaia 31:6

Iseraela natunao ie, Tauna ‘enega wa loguitoasa didiga ‘ena wa da sana‘ila.

Isaia 33:24

Ta to‐mia gea‘abo si da gwae, Ia le‘oasa: tomota ‘ena si miami ‘idi bubuna bokobokona gea‘abo ‘ana e‘isa.

Isaia 41:14

Gea‘abo wa matauta, ‘oio didimwana Iakobo, ta ‘omi tai Iseraela; ia da lemeio, Ieoba ‘i gwae, ta ‘imu to‐e‘isa‐limana tauna Iseraela ‘ina Tabu Tebweuna.

Isaia 43:1

Ta gete ‘enega Ieoba, tauna ‘i mweruruiio, Iakobo ie, ta tauna ‘i bubuio, Iseraela ie, gete nadigega ‘i gwae: Gea‘abo ‘u matauta, ni‘atu ia ‘ewalimemu ta ‘enega; ni‘atu ia bwauiemu ‘amu esanega, ‘oio ‘igu iage.

Isaia 43:25

‘Abo‘agu, tuga ‘abo‘agu, tauna ‘imu li‘oa‐loina ‘i kweudi manugu taugu; ta ‘imu loegesiao gea‘abo ia da nua‘i‘isidi.

Isaia 48:20

Babuloniega wa da tauiawa, me Kaledea ‘ediega wa da dena; wari ‘enanega wa da simana, gete wa da oneone, wa da ‘inana ga bare‘u ‘ina ‘ebelosaroni: wa da gwae, Ieoba ‘ina toguinua Iakobo ni‘atu i ‘ewa limena.

Isaia 51:11

Ta Ieoba ‘ina li‘ali‘amidi si da ‘ilama, ta Siona ‘ena si da mai wariwariega; ta guausoara ‘ataia debadia ‘i da miami: guausoara ta ‘uiawana si da ‘ewa, ta dedoi be eiawasilagalaga si da dena.

Isaia 52:9

Guausoara ‘enega wa da weari, wa da wari rererea, ‘omi Ierusalema ‘ina esena waborebore: Ieoba ni‘atu ‘ina tomota ‘adi guausoara ‘i sa‘u ta ‘enega, Ierusalema ni‘atu i ‘ewalimena.

Isaia 55:7

To to‘umalina ‘ina ‘eda ‘i da pilisinena, ta tai nigea bubuna paruparu ‘ina nuanua: ta Ieoba ‘ena ‘i da ‘ilama, ta ‘i da ‘atenua‘ole‘oleiena: ta ‘ida Eaubada ‘ena, tauna to‘umalina ‘i da giekweu ‘ai‘ailina ta ‘enega.