Isaia 43:6 - Buki Tabu Lowaenei 1919

⁶ Iaarata ‘ena ia da ona, ‘U da tagwara; ta iarasi ‘ena, Gea‘abo ‘u egagara; natuguao me‘olotodi ‘edasorega wa da me‘edi, ta natuguao me wainedi bare‘u ‘ana ‘ebelosaroniega;

Isaia 43:6 ပူးပေါင်းရင်းမြစ်များ

Salamo 107:3

Ta ‘i egogonedi ‘asa ‘ediega, Bomatuiega ta ‘ebwagega, Iaaratega ta iarasiega.

Isaia 11:12

Ta doe ‘i da sa‘u tu‘e ‘ebeloinao manudi, ta me Iseraela ‘ina to mia apwesa ‘i da egogonedi, ta me Iuda ‘ina to sawarao ‘i da egogonedi bare‘u tupitupina ‘e ata ‘ediega.

Isaia 18:7

Tuta gote ‘ebwaeadaita si da me‘ena bodao ‘idi Ieoba ‘enaia tomota duduradi ta nonokwaikwaidi ‘ediega, ta tomota didiga ‘adi nugana ga muria ‘ediega; ‘ebeloina i ‘etopwapwa ta i ‘aiaina, taudi ‘idi ‘asa boasi ‘awanao si ‘upwaruena, bodao ‘idi Ieoba ‘ana esana ‘ana esena ‘enaia, ‘oea Siona.

Isaia 27:13

Ta gete ‘i da apwesa asiata gote, ioguli sinabwana si da mu‘e; ta taudi ‘i abe si saoora ‘asa Asiria ‘enaia, ta taudi si mia apwesa ‘asa Aigupito ‘enaia, si da mai; ta Ieoba ‘ena si da bwagobwago Ierusalema ‘ina ‘oea tabu ‘enaia.

Isaia 45:22

Wa da ‘ita ‘eguia, ta wa da bobo‘ana, bare‘u ‘ina ‘ebelosaroniao iauiaumi: ‘abo‘agu Eaubada ta ‘enega, ta nigea wate ‘e bweu.

Isaia 49:12

Wa ‘ita, getedi ‘edasorega si da mai: ta, wa ‘ita, getedi iaaratega ta ‘ebwagega; ta getedi ‘asa Sinima ‘enega.

Isaia 49:22

‘Inapwana Eaubada gete nadigega ‘i gwae, Wa ‘ita, nimagu ia da gilagasi ‘ebeloinao ‘edia, ta ‘agu doe ia sa‘u etooro tomota ‘edia: ta natumuao me‘olotodi si da me‘edi lumalumadiega, ta natumuao me wainedi si da ‘a‘aridi.

Isaia 54:3

‘U da sasaila ‘ataimuiega ta gegeumiioega ta ‘enega; ta tubumuao ‘ebeloinao si da ‘ewedi, ta ‘asa waborebore tomota ‘edia si da sa‘u.

Isaia 60:4

‘U da dune tu‘e dadana, be u ‘ita: iauiaudi si egogonedi rererea, si mai ‘emuia: natumuao me‘olotodi si da mai ‘edasorega, ta natumuao me wainedi si da ‘amwamwedi.

Isaia 60:9

Ona ‘ai‘aila saru si da iamwaiamwagu, ta waga Tasisa nugana, sabi me‘edi natumuao me‘olotodi ‘edasorega, ‘idi sileba ta ‘idi gola ma‘edi, Ieoba ‘imu Eaubada ‘ana esana manuna, ta Iseraela ‘ina Tabu Tebweuna manuna, ni‘atu ‘amu tuputupu ‘i sa‘u ta ‘enega.

Isaia 66:20

Ta tasimiao iauiaudi si da ‘au‘ewedima ‘ebeloinao iauiaudi ‘ediega ‘ebwaeadaita manuna Ieoba ‘enaia, ‘ose ‘edia, saliote ‘edia be, ‘ebe‘a‘ara ‘edia be, mule ‘edia be, kameli ‘edia be, ‘igu ‘oea tabu Ierusalema ‘ena, Ieoba ‘i gwae, nadigega Iseraela natunao ‘idi ‘ebwaeadaita si me‘ena gaeba ‘esasena ‘enega Ieoba ‘ina anua ‘enaia.