Isaia 43:19 - Buki Tabu Lowaenei 1919

¹⁹ Wa ‘ita, iage auauna ia da guinua; gete ‘enega ‘i da apwesama: gea‘abo nai wa da mwaratonina? ‘Eda ia da bubu tuga mitawaia, ta boasi‐daudauiao kaukaudaisinamo ‘enaia.

Isaia 43:19 ပူးပေါင်းရင်းမြစ်များ

Salamo 105:41

Gurewa ‘i gigegena, ta boasi si dau toitoilama; Si pili esena iadaiadadi ‘edia boasi‘awa ‘atua.

Salamo 126:4

Ieoba ie, ‘ima miaioniionina ‘u da gibuni limena, ‘Atua boasi daudaudi Iarasi ‘ena.

Si Apwesa 17:6

U ‘ita, nada ia da tooro matamuia gurewa ‘enaia Oreba ‘ena; ta gurewa ‘u da ununa, ta boasi ‘enega ‘i da apwesama, be ‘enega tomota si da numa. Ta Mose ‘i guinua nadigega Iseraela ‘ana inapwanao matadia.

Isaia 30:25

Ta ‘oea miatu‘e iauna, ta ‘oea kesora iauna ‘edia, boasi‘awanao ta boasi‐daudauiao ‘edia, si da miami, esilae sinabwana ‘ina asiata ‘enega, ‘ena anua ‘etosora si be‘u:

Isaia 32:2

Ta tai ‘e bweu ‘i da na‘ieana ‘ebekwaia iagilega, ta ‘ebedena wediliega; nadigega boasi‐daudauiao esena iapasina ‘enaia, nadigega gurewa sinabwana iauiaukwana ‘asa ‘ebelo‘ame‘ame ‘enaia.

Isaia 33:21

Ta ‘ena Ieoba ma‘eda ‘ina esaesa ‘enega, boasi‘awana bababadi ta boasi daudauna ‘idi esena; ‘ena gea‘abo ‘e bweu waga ma‘ina nea ‘i da tauia, nai waga esaesa ‘i da taona ‘enega.

Isaia 35:1

Mitawa ta esena waborebore si da ‘uiawana; ta kaukaudaita ‘i da guausoara ta ‘i da senina rose ‘atua.

Isaia 41:18

‘Oea daisidimo ‘edia boasi‐daudauna ia da gigege, ta wewerupwao sa‘ara gamwagamwanidia: mitawa ia da bubuna be ‘i sewasewa boasi, ta bwa‘a iadaiadana wewerupwa‐boasi.

Isaia 41:19

Maruana be, kaiwe akasia be, matele be, kaiwe olibe be, ia da ‘asodi mitawaia; ta kaukaudaisinamo ‘ena keigwana be, damanu be, saiperesa be, ia da ‘asodi rererea;

Isaia 42:9

Wa ‘ita, gimi iage ni‘atu si apwesa, ta iage auaudi ia simana: ‘idi apwesama nuganinaia ia simanedi ‘emia.

Isaia 48:5

Ta ‘enega ia simanena ‘emuia lowaeneiega; nigea ‘i apwesa ta ia e‘itena ‘emuia: ‘abona nai ‘u da gwae, ‘Igu tokwarui ‘i guinuedi, ta ‘igu goamamea daiadaiagina, ta ‘igu goamamea e‘ue‘urenina, si loinedi.

Isaia 48:6

‘Oio ni‘atu ‘u nonona; iage iauiauna gete ‘u da ‘ita; ta ‘omi, gea‘abo wa simanena? Iage auaudi ia e‘ita ‘emuia ni‘atu tuta gete ‘enega, tuga iage si miakwaia, taudi nigea ‘u mwaratoni.

Isaia 49:10

Gea‘abo si da botana nai tonaadi ‘i da iapasa; nai ara nai sinara ‘i da unudi: tauna i ‘atenua‘ole‘oleiedi ‘i da ‘au‘ewedi ta ‘enega, tuga boasi wewerupwa ‘ediega ‘i da nuganedi.

Isaia 51:3

Ieoba Siona ‘ana guausoara ‘i sa‘u ta ‘enega: ‘ina esena waborebore iauiaudi ‘adi guausoara ‘i sa‘u, ta ‘ina mitawa ‘i bubuna Edena nadigega, ta ‘ina kaukaudaisinamo nadigega Ieoba ‘ina bagura; guausoara ta ‘uiawana si da lobedi ‘enaia, lotuputupu, ta wari ‘ai‘aila ‘enana.