Isaia 43:13 - Buki Tabu Lowaenei 1919

¹³ Tamo, asiata ‘i gimi apwesa ‘enega ‘Abo‘agu tauna; ta nigea ‘e bweu nimaguiega ‘i da ‘ewa‘ewa; ‘abo‘agu ia da guinua, ta iaita ‘i da ‘etobodena?

Isaia 43:13 ပူးပေါင်းရင်းမြစ်များ

Salamo 102:28

‘Imu to guinuao natudiao si da miami, Ta tubudiao si da pa‘ara matamuia.

Salamo 50:22

Gete ‘enega gete ‘u da nuena, ‘omi Eaubada wa nuapupurena, ‘Abona nai ia sabu lelewanemi, ta gea‘abo ‘e bweu ‘i da ‘eto‘etoseemi:

Salamo 90:2

‘Oeao nigea si apwesama, Nai bare‘u ta gabura ‘u mweruruidi, Tuga tuta nigea ‘i apwesa ga tuta nigea ‘i da gumwara, ‘Oio Eaubada.

Salamo 93:2

‘Imu ‘ebemi‐esaesa lowaeneiega ‘i pa‘ara: ‘Oio gimi lowaeneiega.

Isaia 14:27

Bodao ‘idi Ieoba ni‘atu ‘i loina ta ‘enega, ta iaita ‘i da li‘oena? ta nimana ‘i iasitoto, ta iaita ‘i da ‘ilenawa?

Isaia 41:4

Iaita ‘i mwerurua ta ‘i guinuena, epatatomota ‘i bwauiedi nuganega? ‘Abo‘agu Ieoba, nuganigu, ta to muri ma‘ieana, ‘abo‘agu tauna.

Isaia 46:10

‘Ebelosaroni ia simana nuganega, ta gimi tutao ‘ediega iage nigea si apwesa gete; ia onaona, ‘Igu nuanua ‘i da tooro, ta ‘igu nuena maibo‘ana ia da guinua:

Isaia 46:4

Ta ‘abo‘agu tauna tuga tuta dudurana ‘ena, ta sikaa tuga ‘ena ia da ‘a‘arimi: ‘abo‘agu ia mweruruina, ta ia da ‘a‘ara; tamo, ia da ‘a‘ara, ta ia da li‘amina.

Isaia 47:15

Gote nadigega iage ‘enega ‘u guinua si da miami: taudi ma‘ieaio wa ‘egimwagimwani ‘imu tuta gomagweineega si da tauia ‘e bweuna ‘e bweuna ‘ina esena ‘enaia; gea‘abo ‘e bweu ‘i da ‘etoseeio.

Isaia 48:16

Serabeguia wa da mai, gete wa da nonona; nuganega nigea ia ona kwaia; tuta ‘i miami ‘enega, ‘ena ‘abo‘agu: ta gete ‘enega ‘Inapwana Eaubada ‘i etunegu, ta iaruiaruana.

Isaia 57:15

Tebweuna to mia tu‘e ta to lo‘etana tauna tuta ‘ataia ‘ena ‘i miami, tauna ‘ana esana Tabu, gete nadigega ‘i gwae: ‘abo‘agu esena lo‘etana ta tabu ‘ena ia miami, wate tauna iaruiaruana nua‘ebuni ta nuana ma‘ieana, be taudi si nuana iaruiaruadi ia da giewaiwai, ta taudi si nua‘ebuni ‘atedi ia da giewaiwai.