Isaia 43:12 - Buki Tabu Lowaenei 1919

¹² ‘Abo‘agu ni‘atu ia simana, ta ni‘atu ia ‘eto‘etoseana, ta ni‘atu ia e‘ita‘ita, ta nigea ‘e bweu eaubada dumadumana gamwagamwanimia: ta ‘enega ‘omi ‘igu to‐‘itao, Ieoba ‘i gwae, ta ‘abo‘agu Eaubada.

Isaia 43:12 ပူးပေါင်းရင်းမြစ်များ

Isaia 37:20

Ta ‘enega, Ieoba ie ‘ima Eaubada, gete ‘enega ‘u da ‘etoseema nimanega, be ‘enega bare‘u ‘ina ‘ebeloina iauiauna si da mwaratoni ‘aene ‘oio Ieoba, tuga tebweumumo.

Isaia 37:7

Wa ‘ita, iaruiarua ia da sa‘u rugu ‘enaia, ta ‘are ‘i da nonona, ta ‘ina ‘asa tauna ‘ena ‘i da ‘ila; ta ia da loina be sisisaiega ‘i da be‘u tauna ‘ina ‘asa ‘enaia.

Isaia 43:10

‘Omi ‘igu to‐‘itao, Ieoba ‘i gwae, ta ‘igu to‐guinua tauna ia ‘esinua; be ‘enega wa da mwaratonigu ta wa da iaregu, ta wa da sinapuna ‘aene ‘Abo‘agu Tauna; nuganiguia nigea ‘e bweu Eaubada mwerumweruruina, ta gea‘abo ‘e bweu muriguia.

Isaia 44:8

Gea‘abo wa matauta, nai wa da ‘atesa‘ara: nigea nai ia simana ‘emuia lowaeneiega, ta ia e‘ita‘ena? ta ‘omi ‘igu to‐‘itao. Wate ‘e bweu Eaubada ‘i miami ‘agu erua? tamo, nigea ‘e bweu Gurewa Sinabwana; nigea ‘e bweu ia mwaratoni.

Isaia 45:19

Nigea ia ona kwaia, guguioi ‘ina ‘asa ‘ina esena ‘enaia; nigea ia ona Iakobo tubunao ‘edia, Wa da ‘ebesa iogenegu; ‘Abo‘agu Ieoba bubuna paruparu ia oneone, iage si paruparu ia simana.

Isaia 55:4

Wa ‘ita, ni‘atu ia ‘ebwaea‘ena to ‘ita tomota ‘edia, to nugana be to loina tomota ‘edia.