Isaia 43:11 - Buki Tabu Lowaenei 1919

¹¹ ‘Abo‘agu, tuga ‘Abo‘agu, taugu Ieoba: ta ‘abo‘agu nigea, to‐‘etoseana nigea ‘e bweu.

Isaia 43:11 ပူးပေါင်းရင်းမြစ်များ

Salamo 3:8

‘Etoseana Ieoba ‘ina iage: ‘Imu ona‐oboboma ‘imu tomota ‘edia ‘i da miami. (Sela.)

Isaia 12:2

Wa ‘ita, Eaubada ‘agu ‘etoseana; ia da ‘emisa, ta gea‘abo ia da ‘atesa‘ara; Eaubada Ieoba tauna ‘igu waiwai ta ‘igu wariwari ta ‘enega; ta tauna ni‘atu ‘agu ‘etoseana.

Isaia 19:20

Ta ‘i da we‘iwe‘iiaia manuna ta ‘ebe‘ita manuna bodao ‘idi Ieoba ‘enaia ‘asa Aigupito ‘enaia: si da bwau Ieoba ‘ena ta ‘enega to‐didiga manudi, ta to ‘etoseana ‘i da etunena ‘edia, ta to leme, ta ‘i da ‘etoseedi.

Isaia 42:8

‘Abo‘agu Ieoba; gote ‘agu esana: ta ‘igu esaesa gea‘abo wate ‘e bweu ‘ena ia da ‘ebwaea, nai ‘agu tuputupu tokwarui daiadaiagidi ‘edia.

Isaia 43:3

‘Abo‘agu Ieoba ‘imu Eaubada, Iseraela ‘ina Tabu Tebweuna, ‘amu to‐‘eto‐seana; Aigupito ia ‘ebwaea ‘amu e‘isa, Aitiope ta Seba manuio.

Isaia 44:6

Gete nadigega Ieoba ‘i gwae, Iseraela ‘ana King, ta ‘ina to‘ewa‘limana bodao ‘idi Ieoba: ‘Abo‘agu nugana nina, ta muria nina; ta nigea ‘e bweu Eaubada ‘abo ‘abo‘agu nigea.

Isaia 44:8

Gea‘abo wa matauta, nai wa da ‘atesa‘ara: nigea nai ia simana ‘emuia lowaeneiega, ta ia e‘ita‘ena? ta ‘omi ‘igu to‐‘itao. Wate ‘e bweu Eaubada ‘i miami ‘agu erua? tamo, nigea ‘e bweu Gurewa Sinabwana; nigea ‘e bweu ia mwaratoni.

Isaia 60:16

‘Ebeloinao ‘idi susu ‘u da numa wate, ta kiniao susudi ‘u da esusu: ta ‘u da mwaratoni ‘aene ‘abo‘agu Ieoba ‘abo‘agu ‘amu To‘Etoseana, ta ‘amu to‘ewalima, Iakobo ‘ina Waiwai Tebweuna.

Iona 2:10

Ta Ieoba iana ‘i eonena, ga Iona ‘i maiwena bwa‘a iadaiadana ‘enaia.