Isaia 41:17 - Buki Tabu Lowaenei 1919

¹⁷ Gomabeso ta nanaewadi boasi si ‘ebesa ta nigea ‘e bweu ‘i miami, ta meiadi ‘i taba tonaadi ‘i iapasa manuna; ‘Abo‘agu Ieoba ‘edia ia da ona limana, ‘abo‘agu Iseraela ‘ina Eaubada nigea ia da e‘idi‘idiedi.

Isaia 41:17 ပူးပေါင်းရင်းမြစ်များ

Nugana 28:15

Ta, u ‘ita, ‘Abo‘agu ma‘ieaio, ta ‘ena ‘u tatauia ‘ena ia da ‘ita‘i‘isio, ta ‘asa gete ‘ena ia da ‘au‘ewalimemuma; gea‘abo ia da e‘idi‘idieio, ga iage ni‘atu manuna ‘emuia ia onaona ia da guinue.

Salamo 22:15

‘Igu waiwai ‘i medarina ‘urena senasenamina ‘atua; Ta meiagu aseasegu ‘ena ‘i tuiaina; Ta ni‘atu u ‘au‘eweguma mwawasa ‘ina kau ‘enaia.

Salamo 34:6

Tai gomabeso gete ‘i bwau, ta Ieoba ‘i nonona, Ta ‘ina elo‘uia iauiauna ‘ediega i ‘etoseena.

Salamo 37:25

Ni‘aenei ia egoama, ta gete ‘enega ia etai sinabwa; Ta nigea to bubu paruparuna ia ‘itena si da pilisinena, Nai tubunao ‘adi masura si esidasida.

Salamo 42:2

Iaruiaruagu Eaubada manuna tona‘ana ‘i iapasa, Eaubada maiawasina manuna: Maisa nai ia da mai be Eaubada matanaia ia da apwesa?

Salamo 50:15

Asiata ‘ate‘uia‘uia ‘eguia ‘u da bwau; Ia da ‘etoseemu, ta ‘u da ‘awaeseesegu.

Salamo 74:21

Taudi to mia mwaumwau gea‘abo si da ‘ilama ma‘idi omaiamaia: Gomabeso ta nanaewadi ‘amu esana si da tupuna.

Salamo 94:14

Ieoba ‘ina tomota gea‘abo ‘i da ‘ewaiauledi ta ‘enega, Nai ‘ana ‘egu‘eguia ‘i da e‘idi‘idia.

Si Apwesa 17:3

Ta tomota boasi manuna tonaadi ‘i iapasa; ta tomota si onaonaolilisana Mose ‘enaia, ta si gwae, To‘ase manuna u ‘au‘ewatu‘eiemama Aigupitoega, be ‘u loemwawasima ta natumao ta ‘ima bulomakau tona‘ama ‘idi iapasa ‘enega?

Si Apwesa 17:6

U ‘ita, nada ia da tooro matamuia gurewa ‘enaia Oreba ‘ena; ta gurewa ‘u da ununa, ta boasi ‘enega ‘i da apwesama, be ‘enega tomota si da numa. Ta Mose ‘i guinua nadigega Iseraela ‘ana inapwanao matadia.

Isaia 30:19

Tomota Siona ‘ena si da miami Ierusalema ‘enaia ta ‘enega: gea‘abo wate ‘u da dedoi; ‘imu bwau ‘enanega ‘i da nua‘ole‘ole ‘ai‘aila ‘emuia; ‘ena ‘i da nono, ‘i da ona limana ‘emuia.

Isaia 42:16

Ta matakebokebodi ia da me‘edi ‘eda nigea si mwaratoni ‘enega; ‘edao nigea si mwaratoni ‘edia ia da ‘au‘ewedi: guguioi ia da bubuna be ‘i ma‘edana matadia, ta esena bokobokodi be si paruparu. Iage getedi ia da guinua, ta gea‘abo ia da e‘idi‘idiedi.

Isaia 43:20

Mitawa ‘ina iobai si da ‘amaiabegu, warigoao be kasuweriao: boasiao ia sa‘u mitawaia manuna, ta boasi‐daudauiao kaukaudaisinamo ‘enaia, sabi enuma ‘igu tomota, ‘agu esi‘esinuao:

Isaia 44:3

Tauna tonaana ‘i iapasa boasi ‘ena ia da siwa, ta boasi‐dauiaiowao bwa‘a iadaiada ‘enaia; iaruiaruagu ia da siwa tubumuao ‘edia, ta ‘igu onaoboboma natumuao ‘edia:

Isaia 48:21

Ta tonaadi nigea si iapasa tuta ‘enega i ‘au‘ewedi kaukaudaisidimo ‘edia: boasi ‘i giedau gurewega manudi: gurewa wate ‘i wearina, ta boasi si dau.

Isaia 49:10

Gea‘abo si da botana nai tonaadi ‘i da iapasa; nai ara nai sinara ‘i da unudi: tauna i ‘atenua‘ole‘oleiedi ‘i da ‘au‘ewedi ta ‘enega, tuga boasi wewerupwa ‘ediega ‘i da nuganedi.

Isaia 55:1

Ie, iauiaumi tona‘ami ‘i iapasa, wa da mai boasi ‘edia, ta tauna nigea ‘ina manimo; wa da ma, wa da gimwani, wa da ‘e‘ai; tamo, wa da mai, oine be susu wa da gimwani ta nigea maniega ta nigea e‘isega.

Isaia 58:11

Ta Ieoba ‘i da nuganeio tuta iauiauna, ta iaruiaruaio ‘i da loemaa esena iapaiapasidi ‘edia, ta lulumuao ‘i da giewaiwai; ta ‘u da nadigega bagura si loepwasa, ta nadigega wewerupwa, tauna ‘ina boasiao nigea si gumwagumwara.

Isaia 61:1

‘Inapwana Eaubada iaruiaruana ‘eguia; Ieoba ‘i eoroigu ta ‘enega be tetera bobo‘ana ia da guguiaei gomabeso ‘edia: i ‘etunegu be ‘ate‘e‘episaridi ia da paimidi, ‘etoli‘ama ia da guguiaei ioniionidi ‘edia, ta anua‘ebeiona ‘ana gigege taudi si losipwedi ‘edia;

Isaia 62:12

Ta si da eesedi Tomota tabu, Ieoba ‘ana ‘ewa‘ewalima: ta si da eeseio ‘Ebe‘ebesaio, ‘Asa nigea si e‘idi‘idia.

Isaia 65:13

Ta ‘enega gete nadigega ‘Inapwana Eaubada ‘i gwae, Wa ‘ita, ‘igu to‐guinuao si da ‘e‘ai, ta wa da botana: wa ‘ita, ‘igu toguinuao si da numa, ta ‘omi tona‘ami ‘i da iapasa: wa ‘ita, ‘igu to‐guinuao si da guausoara, ta ‘omi wa da omaiamaia:

Isaia 65:24

Ta gete ‘i da apwesa, ‘idi bwau nuganinaia, ia da onalimana, ta tuta ‘enega si onaona, ia da nono.

Isaia 66:2

Iage iauiauna getedi nimagu ‘i mweruruina ta ‘enega, ta nadigega iage iauiauna getedi si apwesama, Ieoba ‘i gwae: ta tai gete ‘ena ia da dune, tuga tauna ‘i gomabeso ta iaruiaruana i ‘aue‘umula ‘enaia, ta tauna ‘i dededera ‘igu ona ‘enega.