Isaia 40:31 - Buki Tabu Lowaenei 1919

³¹ Ta taudi Ieoba ‘ena si iamwaiamwa taudi ‘idi pa‘ara si da ‘ewa limena; si da tu‘e pape ‘ediega ‘atua magisubu; si da pili, ta gea‘abo si da lo‘ame‘ame; si da tautauia, ta gea‘abo oodi ‘i da taba.

Isaia 40:31 ပူးပေါင်းရင်းမြစ်များ

Salamo 103:5

Tauna ‘awaio ‘i loema‘ena iage bobo‘adi ‘ediega; Ta ‘enega ‘amu tuta tubuau ‘i apwesa limana magisubu ‘atua.

Salamo 123:2

Wa ‘ita, na‘ieana to guinuao matadi ‘idi ‘inapwana nimana ‘ena si ‘ita, Na‘ieana gomagweine matana ‘ina ilemwaia nimana ‘ena; Na‘ieana matada si ‘ita Ieoba ‘ida Eaubada ‘enaia, Ga tuta ‘enega ‘i da ‘atenua‘ole‘oleieda.

Salamo 138:3

Asiata ‘ena ia bwau ‘eguia ‘u onalimana, Waiwaiega ‘u lemegu iaruiaruagu ‘enaia.

Salamo 20:9

Ieoba, ‘u da ‘etoseema; ‘Ena ‘a bwau King ‘i da ona limana ‘emaia.

Salamo 25:21

Bubuna ‘ai‘aila ta bubuna paruparuna si da egagaregu, ‘Emuia ia iamwaiamwana ta ‘enega.

Salamo 25:3

Tamo, nigea ‘e bweu ‘emuia ‘i iamwaiamwana ‘i da omaiamaia; Taudi si wasegigi daita si da omaiamaia.

Salamo 25:5

‘Imu ona ‘ai‘aila ‘ena ‘u da ‘au‘ewegu, ta ‘u da e‘itagu; ‘Oio ‘agu ‘etoseana ‘ina Eaubada ta ‘enega; ‘Emuia ia iamwaiamwana asiata maibo‘ana ‘enaia.

Salamo 37:34

Ieoba ‘ena ‘u da iamwaiamwana, ta ina ‘eda ‘u da ‘ita‘i‘isi, Ta ‘i da gitu‘eieio be ‘asa ‘u da ‘ewena: ‘Ena to to‘umalidi si ‘upwa‐iauledi, ‘u da ‘itena.

Salamo 40:1

Ia iamwaiamwana ma‘anuaegu Ieoba manuna; Ta ‘eguia ‘i sana‘ilama, ta ‘igu bwau ‘i nonona.

Salamo 84:7

Si tauia waiwai ga waiwai ‘enaia, Iauiaudi si apwesa Eaubada matanaia Siona ‘ena.

Salamo 84:8

Bodao ‘idi Ieoba Eaubada ie, ‘igu sidasida ‘u da nonona; Iakobo ‘ina Eaubada ie, ‘u da enonotenasi. (Sela.)

Salamo 92:1

Iage bobo‘ana ‘a da lo tuputupu Ieoba ‘enaia, Be ‘a da wari tuputupu ‘amu esana ‘ena, ‘oio To Lo‘etana Sana:

Salamo 92:13

Taudi ni‘atu si aso‘idi Ieoba ‘ina anuaia Si da uiawana Eaubada ‘ina atamana ‘edia.

Si Apwesa 19:4

iage ia guinua me Aigupito ‘edia ni‘atu wa ‘itena, ta ia ‘a‘arimi magisubu papedi ‘edia, ta ia ‘au‘ewemima ‘eguia.

Isaia 25:9

Ta asiata gote ‘enega si da gwae, Wa ‘ita, gete ‘ida Eaubada; manuna ta iamwaiamwa, ta ‘i da ‘etoseeda; gete Ieoba; manuna ta iamwaiamwa, ta da uiawana be ta da guausoara ‘ina ‘etoseana ‘enega.

Isaia 30:15

Gete nadigega ‘Inapwana Eaubada ‘i gwae, Iseraela ‘ina Tabu Tebweuna, ‘Ilama ta eiawai‘ata ‘enega wa da bobo‘ana; mia‘emwa‘ule ‘ena ta nuaiai ‘ena ‘imi pa‘ara ‘i da miami: ta geanuami.

Isaia 30:18

Ta ‘enega Ieoba ‘i da iamwaiamwa, be ‘i da nuabobo‘ana ‘emia, ta ‘enega ‘i da mia tu‘e, be ‘i da nua‘ole‘ole ‘emia: Ieoba loina ‘ina Eaubada ta ‘enega; taudi manuna si iamwaiamwa si bobo‘ana.

Isaia 41:1

Mataguia wa da enono, ‘Omi saru ie; ta tomotaiao ‘idi pa‘ara si da ‘ewa limena: si da mai deiguia; ga si da ona: ta da deriegogona etara deinaia.

Isaia 64:4

Lowaeneiega tai nigea si nonono ta ‘enega, nai tenadiega si sinapu, nai mata i ‘ita mari Eaubada ‘e bweuna tebweuio tuga, tauna ‘i guinua tauna ‘i iamwaiamwana manuna.

Isaia 8:17

Ta ia da iamwaiamwa Ieoba manuna, tauna maninina ‘i e‘etokwaiena Iakobo ‘ina susu ‘enega, ta ia da ‘ebesena.