Isaia 37:32 - Buki Tabu Lowaenei 1919

³² Ierusalemega tupwana ‘i da apwesa ta enega, ta ‘oea Sionega taudi si da dena; bodao ‘idi Ieoba ‘ina waiwai iage gete ‘i da bubuna.

Isaia 37:32 ပူးပေါင်းရင်းမြစ်များ

Isaia 10:20

Ta gete ‘i da apwesa asiata gote ‘enega, ‘aene Iseraela tupwana, ta taudi susu Iakobo si denadena, gea‘abo wate tauna ‘i unuunudi ‘ena si da ‘emisa; ta Ieoba, Iseraela ‘ina Tabu Tebweuna, tauna ‘ena si da ‘emisa ‘ai‘aila.

Isaia 26:11

Ieoba, nimaio ‘i tooro, ta nigea si ‘ita‘ita: ta ‘imu waiwai tomota manudi si da ‘itena, ta si da omaiamaia; tamo, awesabelulu ‘amu tarauwarao ‘i da ‘enidi.

Isaia 37:20

Ta ‘enega, Ieoba ie ‘ima Eaubada, gete ‘enega ‘u da ‘etoseema nimanega, be ‘enega bare‘u ‘ina ‘ebeloina iauiauna si da mwaratoni ‘aene ‘oio Ieoba, tuga tebweumumo.

Isaia 37:4

Nai Ieoba ‘imu Eaubada Rabasakei ‘ina ona ‘i da nonodi, tauna ‘ina ‘inapwana Asiria ‘ana king ni‘atu ‘i etunena be Eaubada maiawasina ‘i ba‘ena, ta ona nidi Ieoba ‘imu Eaubada ‘i nonodi ‘i da ba‘edi: ta ‘enega ‘imu sidasida ‘u da gitu‘e tupwana ‘i miami manuna.

Isaia 4:2

Asiata gote ‘enega Ieoba ‘ina iage lobwasila ‘ana ‘ita ‘i da bobo‘ana ta ‘i da esaesa, ta bare‘u uana ‘i da bobo‘ai‘ailina ta ‘ana ‘ita ‘i da bobo‘ana me Iseraela to denadena manudi.

Isaia 42:13

Ieoba ‘i da apwesa tai waiwai ‘atua, e‘ipi‘ipi ‘i da giniuiei nadigega tai losaia; ‘i da bwau, tamo, ‘i da bwau toila, ‘i da guinua waiwai ‘ana tarauwarao ‘edia.

Isaia 59:17

Ta bubuna paruparu ‘i sa‘u ‘ailumaluma manuna, ta ‘etoseana ‘ina peaula debanaia; ta e‘isa ‘ana ‘oama ‘i e‘otedi, ta waiwaiega ‘i e‘oama tara‘apwara ‘atua.

Isaia 63:15

Garewega ‘u da ‘ita mwa‘utama, ta ‘imu tabu ta ‘imu esaesa ‘idi ‘ebemiega ‘u da dune: mane ‘imu gewagewana ta ‘imu guinua waiwaidi? dia ‘ina waiwai ta ‘imu nua‘ole‘oleao si miaiaina manugu.

Isaia 9:6

Goama ‘i tubua ‘edaia ta ‘enega, natuda me‘olotona si ‘ebwaeda ta ‘enega; ta loina ‘i da miami ‘a‘aranaia: ta ‘ana esana si da eesena ‘Ebenuaowana, To E‘ita, Eaubada Waiwai, Tuta ‘ataia Tamana, Guguia ‘ana ‘Inapwana.

Isaia 9:7

‘Ina Loina ‘ana sinabwa ta guguia ‘ana sinabwa nigea ‘e bweu ‘ana ‘ebelosaroni, Dabida ‘ina ebemi‐esaesa ‘enaia, ta ‘ina ‘ebeloina ‘enaia, sabi giepa‘arina, ta sabi giiaina etaraiega ta bubuna paruparuiega gete ‘enega ga tuta ‘ataiamo. Bodao ‘idi Ieoba ‘ina waiwai iage gete ‘i da guinuena.