Isaia 33:8 - Buki Tabu Lowaenei 1919

⁸ ‘Eda loetana si ‘eno waborebore, tai lopilidadana ‘i gumwara: ona ‘upa‘upa ‘i li‘oena, ‘asa ‘i sinaridi, tai nigea i ‘amaiabena.

Isaia 33:8 ပူးပေါင်းရင်းမြစ်များ

Salamo 10:5

‘Ina ‘eda pa‘aridi tuta iauiauna; ‘Imu loina si mia to ‘etana sana nigea ‘i da ‘itedi: ‘Ana tarauwara iauiauna manudi, ‘edia ‘i mu‘enunu.

Isaia 24:5

Bare‘u wate ‘i baila ‘ana tomi ‘ubunidia: loina si li‘oedi ta ‘enega, loina tomwana si gibunina, ona‐‘upa‘upa mia‘ataia si li‘oena.

Isaia 35:8

Ta ‘eda sinabwana ‘ena ‘i da miami, ta ‘eda, ta si da eesena, Iaruiarua esasena ‘ana ‘eda; Baibailidi gea‘abo ‘ena si da etaona; ta tauna taudi manudi: tai to tauia gesi, tamo uwauwadi, gea‘abo ‘ena si da loegesi.

Isaia 36:1

King Esekia ‘ina iakwara ‘e potini nina gete ‘i apwesa, Senakeriba Asiria ‘ina king ‘i tu‘ema Iuda ‘ana ‘asa iauiauna ma‘idi ‘ari matadia, ta i ‘ewedi.

Loina 26:22

Ta mitawa ‘ina bosasa ia da etunena ‘emia, taudi natumiao si da ‘oaemi, ta ‘imi bulomakau si da loesawaridi, ta ‘ami iau si da loesaesapulelena; ta ‘imi ‘edao si da waborebore.