Isaia 33:16 - Buki Tabu Lowaenei 1919

¹⁶ Tauna ‘i da mia ‘etanaia: ‘ina ‘ebedena ‘i da gurewao ‘idi anua pa‘ara: ‘ana masura si da ‘ebwaena; ‘ana boasi ‘i da mia ‘ai‘aila.

Isaia 33:16 ပူးပေါင်းရင်းမြစ်များ

Salamo 107:41

Ta gomabesodi ‘i sa‘u tu‘eiedi elo‘uia ‘enega, Ta susu ‘i bubudi ‘enaia ‘atua iau.

Salamo 111:5

Taudi si matautena masura i ‘ebwaedi: ‘Ina ona‘upa‘upa ‘i da nua‘i‘isi ‘ataia.

Salamo 15:1

Ieoba, iaita ‘imu anua‐tabenakele ‘ena ‘i da miami? Iaita ‘imu anua tabu ‘ena ‘i da miami?

Salamo 18:33

‘Aegu ‘i bubudi be si da ‘egota mewainena ‘aedi nadigega: Ta ‘igu esena ‘ebemiatu‘e ‘edia ‘i sa‘ugu.

Salamo 33:18

Wa ita, Ieoba matana taudi si matautena ‘edia ‘i miami, Taudi ‘ina nua‘ole‘ole si nuaiaina ‘edia;

Salamo 34:10

Laione menonoiadi si miamia daita, ta si botana: Ta taudi Ieoba si ‘ebesena gea‘abo ‘e bweu iage bobo‘ana ‘i da kakae ‘edia.

Salamo 37:3

Ieoba ‘ena ‘u da ‘emisa, ta bobo‘ana ‘u da guinuei; ‘Asa ‘ena ‘u da miami, ta bubuna ‘ai‘aila ‘u da muriena.

Salamo 62:7

‘Agu ‘etoseana ta ‘igu esaesa Eaubada ma‘ieana ta ‘enega: ‘Igu pa‘arina ‘ina gurewa, ta ‘igu ‘ebedena, Eaubada ‘enaia.

Salamo 90:1

Ieoba, ‘Oio ni‘atu ‘ima ‘ebemia Epatatomota iauiauna ‘ediega.

Salamo 91:14

‘Ina oboboma ‘eguia ‘i sa‘u, ta ‘enega ia da ‘etoseena: Ia da sa‘u tu‘eiena, ‘agu esana ‘i mwaratonina ta ‘enega.

Isaia 25:4

‘Oio ‘ebepa‘ara gomabeso ‘edia ta ‘enega, ‘ebepa‘ara nanaewa ‘enaia ‘ina ‘atesa‘ara ‘enega, ‘ebedena wediliega, iauiaukwa iaiiaiega, ‘ena to didiga ‘idi apwesama nadigega wedilia ‘arigurewa ‘enaia.

Isaia 30:20

Ta ‘abo ‘Inapwana mia to‘umalina ‘ana masura i ‘ebwaemi, ta elo‘uia ‘ana boasi, ta gea‘abo ‘imu to e‘itao si da miakwaia wate, ta mataio ‘imu to e‘itao si da ‘ita:

Isaia 32:18

Ta ‘igu tomota anua guguia ‘ena si da miami, ta anua pa‘ara ‘ai‘ailina ‘edia, ta ‘ebeeiawai‘ata mia‘enono ‘edia.

Isaia 49:10

Gea‘abo si da botana nai tonaadi ‘i da iapasa; nai ara nai sinara ‘i da unudi: tauna i ‘atenua‘ole‘oleiedi ‘i da ‘au‘ewedi ta ‘enega, tuga boasi wewerupwa ‘ediega ‘i da nuganedi.

Isaia 58:14

Ga tauio ‘u da ‘uiawana Ieoba ‘enaia: ta ia da bubuio be bare‘u ‘ina esena lo‘etanidi ‘edia ‘u da geru; ta ia da e‘eniio Iakobo tamaio ‘ina ‘egu‘eguiaiega: Ieoba ‘awana ni‘atu i ‘inana ta ‘enega.