Isaia 33:14 - Buki Tabu Lowaenei 1919

¹⁴ To to‘umalidi Siona ‘ena si matauta; taudi nigea si tapwaroro dedera ‘i unudi. Iaita nai gamwagamwanidaia ‘i da miami ‘awe ‘e‘enina ma‘ieana? Iaita gamwagamwanidaia ‘i da miami ‘awe ‘ara‘arata ‘ataia ma‘edi?

Isaia 33:14 ပူးပေါင်းရင်းမြစ်များ

Salamo 11:6

To to‘umalidi ‘edia sikwaiao ‘i da etabe; Awe sabelulu ta mepulupulua ta iagila ‘ara‘arata si da ‘idi keiga ‘ana ‘egu‘eguiai.

Salamo 21:9

‘U da bubudi na‘ieana umura ‘i sabesabelulu ‘imu gamwasoara ‘ana tuta ‘enega. Ieoba ‘i da tonedi ‘ina gamwasoara ‘enega, Ta awesabelulu ‘i da ‘enidi.

Salamo 50:3

‘Ida Eaubada ‘i da mai, ta gea‘abo ‘i da enono: Awe sabelulu ‘i da ‘e‘a matanaia, Ta ‘atua wedilia ‘i da sakowasiena.

Salamo 53:5

Si matauta sinabwana, ‘ena ‘ebematauta nigea ‘i miami: Tauna ‘i miabaula matamuia Eaubada luluna ‘i lelewanedi ta ‘enega; Ni‘atu ‘adi omaiamaia ‘u sa‘una, Eaubada ‘i e‘idi‘idiedi ta ‘enega.

Isaia 1:28

Ta to‐li‘oa‐loinao ta to‐to‘umalidi ‘adi weara ‘i da erererea, ta taudi Ieoba si e‘idi‘idiena ‘i da‘arata ‘e gumwaridi.

Isaia 10:16

Ta ‘enega ‘Inapwana, bodao ‘idi ‘Inapwana, ‘ebewakaka ‘i da etunena ‘ina iapaiapadi ‘edia; ta ‘ina esaesa ‘ubunaia ‘arata nadigega ‘awe ‘ina ‘ara‘arata si da loe‘abia.

Isaia 10:6

‘Ebeloina ona besobeso ‘ena ia da etunena, ta ‘igu gamwasoara ‘ina tomota manudi ia da ba‘ena, be gwegwe ‘i da ‘ewa, ta ‘ebe‘oae ‘i da ‘ewa, ta ‘i da ‘aiaidi ‘edaiao sepwaridi ‘atua.

Isaia 29:13

Ta ‘Inapwana ‘i gwae, Tomota gete deiguia si mai ta ‘enega, ta ‘awadiega ta sopadiega si ‘amaiabegu, ta ‘atedi ‘eguiega edasoraia si tauiena, ta ‘idi matautegu tai ‘idi ona tauna si e‘ita ‘edia:

Isaia 29:6

Bodao ‘idi Ieoba ‘ena ‘i da apwesa wepararega, ta mwani‘ini‘iega, ta ‘enana sinabwanega, bwawabwawa ta wedilia ‘ediega, ta awe ‘eni‘enina meianega.

Isaia 32:11

Wa da dedera, omi mewainemi wa miamia daita; wa da loniu, omi gagasimi: wa da elolo, wa da mabubugewa, ta ‘oama ‘oausega wa da e‘otena tolobwami ‘enaia.

Isaia 34:9

Ta ‘ana boasi‐daudau si da ebuni ga si ebwada, ta ‘ina kau ga ‘i mepulupulua, ta ‘ina bwa‘a ‘i da ebwada ‘ara‘arata.

Isaia 47:14

U ‘ita, si da ‘e witi ‘aredi ‘atua; ‘awe ‘i da ‘arasidi; gea‘abo si da ‘etoseedi awe‐sabelulu ‘ina waiwaiega: gea‘abo ‘i da ‘e kebwanigita ‘ebesi‘asi‘ata, nai ‘awe ‘ebemiatoa matanaia.

Isaia 5:24

Ta ‘enega na‘ieana awe meiana sumwana ‘i e‘egumwarina, ta na‘ieana nedu iadaiadana ‘i mwa‘uta awe sabelulu ‘ena, na‘ieana ramudi ‘i da bila ‘atua, ta senidi ‘i da tu‘e kau ‘atua: bodao ‘idi Ieoba ‘ina loina si e‘idi‘idiena ta ‘enega, ta Iseraela ‘ina Tabu Tebweuna ‘ina ona si sinarina.

Isaia 66:24

Ta si da apwesawa, ta tai si li‘oa loina ‘eguia ‘adi kokoa si da duneedi: ‘idi didimwana gea‘abo ‘i da mwawasa ta ‘enega, nai ‘idi awe‘ara‘arata ‘i da kweu; ta si da ‘ebegadilulu esio maibo‘ana ‘enaia.

Isaia 7:2

Ta Dabida ‘ina susu ‘ena si ona, si gwae, Siria Eparaima ‘ena i ‘emisa. Ta ‘atena ‘i loniu, ta ‘ina tomota ‘atedi, ‘atua kaiwe mitawaia si loniu iagilega.

Isaia 9:17

Ta ‘enega ‘Inapwana gea‘abo ‘i da guausoara ‘idi tubuau manudi, nai ‘i da ‘atenua‘ole‘ole ‘idi pesiedao ta ‘idi kwaburao ‘edia; iauiaudi ‘e bweuna ‘e bweuna ‘i ona besobeso ta ‘i to‘umali ‘ina to‐guinua, ta ‘awa iauiauna si ona euwauwa. Ga iage maibo‘ana gete ‘i apwesa ta ‘ina gamwasoara nigea i ‘ilawa, ta nimana ‘i iasitoto ‘ataena.

Isaia 9:18

Bubuna to‘umalina i ‘ara‘arata awe sabelulu na‘ieana ta ‘enega; kaiwe taritaridi ta kwakwakwara i ‘arasidi: tamo, mitawa o‘enina badodi ‘edia i ‘ara‘arata, ta si tu‘e ‘asu ‘ina poana badodi ‘edia.

Isaia 9:19

Bodao ‘idi Ieoba ‘ina gamwasoarega ‘asa ni‘atu i ‘arasi: tomota wate awe na‘ieana; nigea ‘e bweu tai tasina ‘i lobobo‘anena.