Isaia 33:10 - Buki Tabu Lowaenei 1919

¹⁰ Gete ‘enega ia da tooro, Ieoba ‘i gwae; gete ‘enega ia da tooro ‘ai‘aila; gete ‘enega ia da mia ‘etanaia.

Isaia 33:10 ပူးပေါင်းရင်းမြစ်များ

Salamo 12:5

Gomabeso ‘idi ‘oae manuna, to sida ‘idi eiawasilagalaga manuna, Gete ‘enega ia da tooro, Ieoba ‘i gwae; Tauna ‘ena si mu‘enunu ‘ebebobo‘ana ‘ena ia da sa‘una.

Salamo 12:6

Ieoba ‘ina ona si ona ‘esasena; Na‘ieana sileba si too ‘ebegabu ‘enaia bare‘u ‘enaia, ‘Esasena giesebeni.

Salamo 46:10

Wa da mia oonua, ta wa da mwaratoni ‘abo‘agu Eaubada; Si da gitu‘eiegu ‘ebeloina gamwagamwanidia, Si da gitu‘eiegu bare‘u ‘enaia.

Salamo 7:6

‘U da tooro, Ieoba ie, ‘imu gamwasoara ‘ena, ‘Agu tarauwarao ‘idi gamwasoara ‘edia ‘u da gietu‘eieio: Ta manugu ‘u da iaweiawe; ‘Oio loina ni‘atu ‘u oneone.

Salamo 78:65

Ga ‘Inapwana ‘i losuia‘ena ‘atua ‘e bweu ‘eno‘enoega, ‘Atua tai waiwai ‘i bwau oine manuna.

Salamo 94:16

Iaita ‘i da tooro manugu toguinua to‘umalidi ‘edia? Iaita ‘i da tooro manugu taudi bubuna bokoboko si guinua ‘edia?

Si Apwesa 14:18

Ta me Aigupito si da mwaratoni ‘aene ‘Abo‘agu Ieoba, ‘ena ‘igu ‘amaiaba ia ‘ewena Parao ‘enega, ‘ina wagalisilisi ‘ediega, ta ‘ina togeruoseao ‘ediega.

Isaia 10:16

Ta ‘enega ‘Inapwana, bodao ‘idi ‘Inapwana, ‘ebewakaka ‘i da etunena ‘ina iapaiapadi ‘edia; ta ‘ina esaesa ‘ubunaia ‘arata nadigega ‘awe ‘ina ‘ara‘arata si da loe‘abia.

Isaia 10:33

Wa ‘ita, ‘Inapwana, bodao ‘idi Ieoba, kaiwe narina garudi ‘i da ‘upwa iauledi didigega: ta taudi ‘adi ketosora ‘i lo‘etana ‘i da tara mwa‘utedi, ta to mia tu‘e si da mia mwa‘uta.

Isaia 2:19

Ta tai gurewa gaulidi ‘edia si da rugu, ta bwa‘a gaulina ‘edia, Ieoba ‘ana didiga matanega, ta ‘ina lo‘etana ‘ina esaesa ‘enega, tuta ‘enega ‘i tooro be bare‘u ‘i gieniu sinabwana.

Isaia 2:21

Sabi tauia gurewa gaulidi ‘edia, ta gurewa dakadakadi sa‘aridi ‘edia, Ieoba didigana matanega, ta ‘ina lo‘etana ‘ina esaesa ‘enega, ‘ena ‘i tooro be bare‘u i gieniuie sinabwana.

Isaia 5:16

Ta bodao ‘idi Ieoba ‘i mia tu‘e loina ‘enega, ta Eaubada tauna Tabu Tebweuna ‘i etabuna bubuna paruparu ‘enega.