Isaia 32:19 - Buki Tabu Lowaenei 1919

¹⁹ Ta ‘usana ‘i da patu, mitawa ‘ina be‘u ‘ena; ta ‘asa ‘i da ‘eno mwa‘uta ‘ai‘aila.

Isaia 32:19 ပူးပေါင်းရင်းမြစ်များ

Isaia 10:18

Ta ‘ina o‘ai ‘ina esaesa, ta ‘ina bagura ua loebwaina ‘ina esaesa, ‘i da ‘arasidi, iaruiaruana ta oona ruarua: ta ‘i da nadigega tuta ‘enega to ‘a‘ara doe ‘i mwawamwawasa.

Isaia 10:19

Ta ‘ina o‘a ‘ina kaiwe si da pu‘epu‘e, be ‘enega goama ‘i da ‘etoladidi.

Isaia 10:33

Wa ‘ita, ‘Inapwana, bodao ‘idi Ieoba, kaiwe narina garudi ‘i da ‘upwa iauledi didigega: ta taudi ‘adi ketosora ‘i lo‘etana ‘i da tara mwa‘utedi, ta to mia tu‘e si da mia mwa‘uta.

Isaia 24:10

‘Asa kakaena ‘i lasena: anua iauiauna si gibodedi, be ‘enega gea‘abo ‘e bweu ‘ena ‘i da ruguma.

Isaia 24:12

‘Asaia waborebore si pilisinena, ta ‘eberugu si ununa saoorega.

Isaia 25:2

‘Asa ‘u bubuna ga sa‘usa‘u epopona ta ‘enega; ‘asa ma‘ana ‘ari ga ‘asa weawearina; to‘u‘u‘mara ‘idi anua esaesa ga asa nigea ‘e bweu; gea‘abo si da ‘abina.

Isaia 25:4

‘Oio ‘ebepa‘ara gomabeso ‘edia ta ‘enega, ‘ebepa‘ara nanaewa ‘enaia ‘ina ‘atesa‘ara ‘enega, ‘ebedena wediliega, iauiaukwa iaiiaiega, ‘ena to didiga ‘idi apwesama nadigega wedilia ‘arigurewa ‘enaia.

Isaia 26:5

Taudi si miatu‘e ni‘atu i ‘ewa‐mwa‘utedi ta ‘enega, ‘asa mi‘atu‘e; ‘i e‘enoina, ‘i e‘enoina ga bare‘uia; ‘i me‘ena kau ‘enaia.

Isaia 27:10

‘Asa si ‘ari‐sakowasiena ni‘atu ‘i waborebore ta ‘enega, ‘ebemia si pilisinena ta si e‘idi‘idiena, nadigega mitawa: ‘ena bulomakau menonoiana ‘i da ‘e‘ai, ta ‘ena ‘i da ‘eno, ta narinao ‘i da loegumwaridi.

Isaia 28:17

Ta etara ia da bubuna ‘ebe‘etopwapwa‐loesanena manuna, ta bubuna paruparu aweata manuna: ta ‘usana patuna ‘ebedena onakabokabo nina ‘i da ‘ewaiaulei, ta boasi‐murua ‘ebe kwaia ‘i da loemaa‘apu‘apuie.

Isaia 28:2

Wa ‘ita, ‘Inapwana ma‘ina iage waiwai ta pa‘ara; ‘atua ‘usana patuna wedilia ma‘ieana, iagila didiga ‘i unuunua, ‘atua murua waiwai maa‘apu‘apu wedilia ma‘ieana, ‘i da ulamwa‘uta bare‘uia nimanega.

Isaia 29:4

Ta ‘u da mia mwa‘uta, ta bare‘uiega ‘u da onaona, ta ‘enaio ‘i da mia mwa‘uta kauiega; ta ‘enaio ‘i da nadigega to loiaruiarua besobeso ‘enana, bare‘uiega, ta ‘imu gwae ‘i da gwanegwane kauiega.

Isaia 30:30

Ta Ieoba ‘enana esaesa ‘i da loina be si da nonona, ta nimana ‘ina e‘etomwa‘uta ‘i da e‘ita, ‘ina gamwasoara ‘ina egamwagamwagu ma‘ieana, ta ‘awe ‘ara‘arata meiana, ‘atumaninisa ma‘ieana, wedilia be, ‘usana patuna be.

Isaia 37:24

‘Imu to‐guinuao ‘ediega ‘Inapwana ‘u ba‘ena, ta ‘u ona, ‘Igu salioteao ‘adi iau ‘enega ia tu‘ema ‘oeao ‘idi kesora ‘enaia, Lebanona ‘ina esenao si mia soranaia; ta maruanina duduradi ia da tara mwa‘uta, ta kaiwena keigwana bobo‘ai‘ailidi: ta ‘ana kesora sana ‘ena ia da rugu, bagurina ualoebwaina o‘enina.