Isaia 32:18 - Buki Tabu Lowaenei 1919

¹⁸ Ta ‘igu tomota anua guguia ‘ena si da miami, ta anua pa‘ara ‘ai‘ailina ‘edia, ta ‘ebeeiawai‘ata mia‘enono ‘edia.

Isaia 32:18 ပူးပေါင်းရင်းမြစ်များ

Salamo 107:7

Wate ‘i nuganedi ‘eda paruparunega, Be ‘enega si da tauia ‘ebemia ‘ana ‘asa ‘enaia.

Si Apwesa 9:26

‘Asa Gosena namo ‘enaia, ‘ena Iseraela tubunao si miami, ‘ena nigea ‘e bweu ‘usana‐patuna.

Isaia 11:10

Ta gete ‘i da apwesa asiata gote, Iese ramuna, tauna ‘i tooro tomotaiao ‘adi doe manuna, ‘ebeloinao ‘ena si da ‘ebesa; ta ‘ina ‘ebe‘eiawai‘ata ‘i da esaesa.

Isaia 14:3

Ta asiata ‘enega Ieoba ‘i da gieiawai‘ateio ‘imu dedoi ‘enega, ta ‘imu ate‘uiauia ‘enega, ta guinua pa‘ara ‘enega, tauna ‘enega si loineio be ‘u guinua, gete ‘i da apwesa,

Isaia 2:4

Ta ‘i da etara ‘ebeloinao gamwagamwanidia, ta tomota iauiauna ‘i da ba‘edi: ta ‘idi sisi‐saiao si da ‘elotutudi be si da e‘ebegesoalisilisi matana, ta ‘idi gita be si e‘ebe‘upwawiti: ‘asa gea‘abo sisi‐saia ‘i da gilagasi ‘asa ‘enaia, ta gea‘abo wate losaia si da panapana‘ite.

Isaia 26:12

Ieoba, guguia ‘u da loinei manuma: ‘oio ‘imu guinua iauiauna wate ni‘atu ‘u bubudi manuma.

Isaia 26:3

Tauna ‘ina nuena ‘emuia i ‘emisa, tauna ‘u da ‘ita‘i‘isina guguia ‘ai‘aila ‘enega: i ‘emiseio ta ‘enega.

Isaia 28:12

Taudi ‘edia ‘i gwae, Gete eiawai‘ata nina, tauna ‘i lo‘ame‘ame eiawai‘ata wa da ‘ebwaena; ta gete ‘ebebobo‘ana: ta nigea si da nono.

Isaia 30:15

Gete nadigega ‘Inapwana Eaubada ‘i gwae, Iseraela ‘ina Tabu Tebweuna, ‘Ilama ta eiawai‘ata ‘enega wa da bobo‘ana; mia‘emwa‘ule ‘ena ta nuaiai ‘ena ‘imi pa‘ara ‘i da miami: ta geanuami.

Isaia 33:6

Ta ‘imu tutao ‘ediega miaiaina ‘i da miami, ‘etoseana iauiauna, sinasinapu ta mwaramwaratoni: Ieoba ‘ana matauta tauna ‘ina gwegwe.

Isaia 65:21

Ta anua si da ‘abidi, ta ‘edia si da miami; ta bagura oineao si da ‘aso, ta uadi si da ‘e‘ani.

Isaia 65:9

Ta Iakobo ‘enega tubuna ia da me‘ena, ta Iuda ‘enega ‘igu ‘oeao ‘adi to ‘ewa: ta ‘agu ‘esi‘esinuao si da ‘ewena, ta ‘igu to guinuao ‘edia si da miami.