Isaia 32:17 - Buki Tabu Lowaenei 1919

¹⁷ Ta bubuna paruparu ‘ina guinua guguia; ta bubuna paruparu uana miaemwa‘ule ta nuaiai ‘ataia.

Isaia 32:17 ပူးပေါင်းရင်းမြစ်များ

Esiteri 9:30

Ta letao ‘i etunedi me Iuda iauiaudi ‘edia, Aasaberosa ‘ina ‘ebeloina ‘ina esena ‘e wan anaredi ta tweniti sebeni ‘edia, guguia ta ona ‘ai‘aila ‘adi ona,

Salamo 119:165

Taudi ‘imu loina si obobomena guguia sinabwana si ‘ewa; Ta nigea ‘e bweu ‘idi ‘ebeesetupe.

Salamo 85:10

Nua‘ole‘ole ta ona ‘ai‘aila si eloba; Bubuna paruparuna ta guguia ni‘atu si e‘awamui.

Salamo 85:8

Iage Eaubada Ieoba ‘i da one ia da nonona: ‘I da ona guguia ‘ina tomota ‘edia ta ‘enega, ta ‘ina to ‘esasena ‘edia: Ta gea‘abo si sanasana‘ila limana euwauwa ‘enaia.

Isaia 11:10

Ta gete ‘i da apwesa asiata gote, Iese ramuna, tauna ‘i tooro tomotaiao ‘adi doe manuna, ‘ebeloinao ‘ena si da ‘ebesa; ta ‘ina ‘ebe‘eiawai‘ata ‘i da esaesa.

Isaia 11:13

Eparaima ‘ana e‘ipi‘ipi wate ‘i da sawara, ta taudi Iuda si ‘eiabena si da ‘upwa iauledi: Eparaima gea‘abo ‘i da e‘ipi‘ipi Iuda manuna, ta Iuda gea‘abo Eparaima ‘i da ‘eiaba.

Isaia 26:3

Tauna ‘ina nuena ‘emuia i ‘emisa, tauna ‘u da ‘ita‘i‘isina guguia ‘ai‘aila ‘enega: i ‘emiseio ta ‘enega.

Isaia 28:12

Taudi ‘edia ‘i gwae, Gete eiawai‘ata nina, tauna ‘i lo‘ame‘ame eiawai‘ata wa da ‘ebwaena; ta gete ‘ebebobo‘ana: ta nigea si da nono.

Isaia 30:15

Gete nadigega ‘Inapwana Eaubada ‘i gwae, Iseraela ‘ina Tabu Tebweuna, ‘Ilama ta eiawai‘ata ‘enega wa da bobo‘ana; mia‘emwa‘ule ‘ena ta nuaiai ‘ena ‘imi pa‘ara ‘i da miami: ta geanuami.

Isaia 33:6

Ta ‘imu tutao ‘ediega miaiaina ‘i da miami, ‘etoseana iauiauna, sinasinapu ta mwaramwaratoni: Ieoba ‘ana matauta tauna ‘ina gwegwe.

Isaia 48:18

‘Eguma ‘igu ona ni‘atu ‘u nonodi! ga ‘imu guguia ‘i da boasi‘awa ‘atua, ta ‘imu bubuna paruparu ora ‘ina lisuiao nadigega:

Isaia 55:12

Ma‘imi guausoara wa da apwesawa ta ‘enega, ta si da ‘au‘ewemi guguiega: ‘oea sinabwadi ta ‘oea gidaridi si da weari matamia wariwariega, ta mitawa ‘ina kaiwe iauiauna nimadi si da pwasi.

Isaia 57:19

Sopa uadi ia mwerurua: Guguia, guguia, tauna ‘edasora ‘ena ta tauna serabeguia ‘ena, Ieoba ‘i gwae; ta ia da giebobo‘anena.

Isaia 66:12

Gete nadigega Ieoba ‘i gwae ta ‘enega, Wa ‘ita, guguia ia da ginao ‘enaia ‘atua boasi‘awana, ta ‘ebeloinao ‘idi esaesa boasi‘awana ‘i maa‘apu‘apu ‘atua, ta ‘enega wa da esusu; si da sumwagidimi, ta si da giesuiasuiami ‘aetubwe ‘edia.

Isaia 9:7

‘Ina Loina ‘ana sinabwa ta guguia ‘ana sinabwa nigea ‘e bweu ‘ana ‘ebelosaroni, Dabida ‘ina ebemi‐esaesa ‘enaia, ta ‘ina ‘ebeloina ‘enaia, sabi giepa‘arina, ta sabi giiaina etaraiega ta bubuna paruparuiega gete ‘enega ga tuta ‘ataiamo. Bodao ‘idi Ieoba ‘ina waiwai iage gete ‘i da guinuena.