Isaia 31:2 - Buki Tabu Lowaenei 1919

² Ta tauna wate ‘i sinasinapu, ta to‘umalina ‘i da me‘ei, ta ‘ina ona gea‘abo ‘i da ‘ewalimedi: ta ‘i da tooro toumalina ‘ina toguinuao ‘idi anua ‘enaia, ta taudi bubuna bokobokona si guinua ‘idi leme ‘enaia.

Isaia 31:2 ပူးပေါင်းရင်းမြစ်များ

Isaia 1:4

Ie ‘asa ma‘imi to‘umalina, tomota ‘imi ‘a‘ara bubuna bokobokona, to‐guinua to‘umalina tubudi, gogama to bubu geiogeioi: ni‘atu Ieoba si e‘idi‘idiena, Iseraela ‘ina Tabu Tebweuna ni‘atu si sinarina, si mia dumaduma ta si ‘ilawa.

Isaia 14:20

Gea‘abo ‘u miami ma‘edi sa‘u ‘ari‘ari‘ena, ‘imu ‘asa ‘u giesaoorina ta ‘enega, ‘imu tomota ‘u loemwawasidi; toguinua‐to‘umalina tubudiao gea‘abo si da ‘inana ga tuta ‘ataia.

Isaia 21:17

Ta to‐tupu ‘adi iau tupwana, Kedara natunao ‘idi tai waiwai, si da pu‘epu‘e: Ieoba, Iseraela ‘ina Eaubada, ni‘atu ‘i onena.

Isaia 22:14

Ta bodao ‘idi Ieoba ‘i e‘ita‘ena tauna tenagu ‘edia, Ona ‘ai‘aila bubuna bokobokona gete gea‘abo ‘i da ‘ewaiaule ‘emiega ga wa mwawasa, ‘Inapwana ‘i gwae, bodao ‘idi Ieoba.

Isaia 28:21

Ieoba ‘i da tooro nadigega ‘oea Perisima ‘enaia ta ‘enega, ‘i da egamwagamwagu nadigega sa‘ara Gibeona ‘enaia; be ‘enega ‘ina guinua ‘i da iagena, ‘ina guinua dumadumana, ta ‘ina iage ‘i da gieapwesena, ‘ina iage dumadumana.

Isaia 28:29

Gete wate ‘i apwesama bodao ‘idi Ieoba ‘enega, tauna ‘ina ona lemeega ‘i tosinabwasana, ta sinasinapuiega ‘i bobo‘ai‘ailina.

Isaia 30:3

Ta ‘enega Parao ‘ina pa‘ara ‘i da ‘ami omaiamaia, ta ‘emisa Aigupito ‘ina iauiaukwa ‘enaia ‘imi ‘ebeloniu.

Isaia 30:7

Aigupito ‘i leme besobeso ta ‘enega, ta nigea ‘e bweu ‘ina bobo‘ana: ta ‘enega ‘ana esana ia ‘inana Raaba to miatoa enono.

Isaia 31:3

Ta gete me Aigupito tai tugai, ta nigea Eaubada; ta ‘idi ose esio, ta nigea iaruiarua: ta ni‘atu eoba nimana ‘i da iasitoto, ga ruarua tauna ‘i leme ‘i da setupe, ta tauna ‘i lemena ‘i da be‘u, ta iauiaudi si da neneta rererea.

Isaia 32:6

Tai geigeioi iage euwauwa ‘i da oneone, ta ‘atena bubuna bokobokona ‘i da guinuei, sabi bubu besobeso, ta sabi ‘inana loegesi Ieoba matanaia, be to botana iaruiaruana ‘i giekakaena, ta taudi tona‘adi ‘i iapasa ‘adi boasi ‘i loegumwarina.

Isaia 45:7

Ma‘edana ia bubuna, ta guguioi ia mweruruina; guguia ia bubuna, ta to‘umalina ia mweruruina; ‘Abo‘agu Ieoba, tauna iage iauiauna getedi ‘i guinuedi.

Isaia 9:17

Ta ‘enega ‘Inapwana gea‘abo ‘i da guausoara ‘idi tubuau manudi, nai ‘i da ‘atenua‘ole‘ole ‘idi pesiedao ta ‘idi kwaburao ‘edia; iauiaudi ‘e bweuna ‘e bweuna ‘i ona besobeso ta ‘i to‘umali ‘ina to‐guinua, ta ‘awa iauiauna si ona euwauwa. Ga iage maibo‘ana gete ‘i apwesa ta ‘ina gamwasoara nigea i ‘ilawa, ta nimana ‘i iasitoto ‘ataena.