Isaia 30:9 - Buki Tabu Lowaenei 1919

⁹ Tomota gete loguitoasidi, gogama onakabokabo, gogama Ieoba ‘ina loina nigea si da nono:

Isaia 30:9 ပူးပေါင်းရင်းမြစ်များ

Salamo 78:8

Ta gea‘abo si da nadigega tubudiao, Epata‐tomota nuapa‘ara ta loguitoasa; Epata‐tomota ‘atedi nigea si sa‘usa‘u‘ai‘aili, Ta iaruiaruadi nigea ‘i miamia pa‘ara Eaubada ma‘ieana.

Salamo 81:12

Ta ‘enega ia tagwaredi ‘atedi ‘idi pa‘arina ‘enaia, Be ‘enega taudi ‘idi nuanua ‘edia si da tautauia.

Isaia 1:10

‘Omi Sodoma ‘ina to‐loinao, Ieoba ‘ina ona wa da nono; ‘omi Gomora ‘ina tomota, ‘ida Eaubada ‘ina e‘ita ‘ena wa da enonotenasi.

Isaia 1:2

Garewa ie, ‘u da nono, ta ‘u da enonotenasi, bare‘u ie, Ieoba ni‘atu ‘i ona ta ‘enega: gogama ia e‘enidi ta ia amwamwedi, ta si loguitoasa ‘eguia.

Isaia 1:4

Ie ‘asa ma‘imi to‘umalina, tomota ‘imi ‘a‘ara bubuna bokobokona, to‐guinua to‘umalina tubudi, gogama to bubu geiogeioi: ni‘atu Ieoba si e‘idi‘idiena, Iseraela ‘ina Tabu Tebweuna ni‘atu si sinarina, si mia dumaduma ta si ‘ilawa.

Isaia 10:5

Oioi me Asiria, ‘igu gamwasoara ‘ina keweliwelili, guna nina tauna nimanaia ‘igu egamwagamwagu ‘i miami!

Isaia 10:6

‘Ebeloina ona besobeso ‘ena ia da etunena, ta ‘igu gamwasoara ‘ina tomota manudi ia da ba‘ena, be gwegwe ‘i da ‘ewa, ta ‘ebe‘oae ‘i da ‘ewa, ta ‘i da ‘aiaidi ‘edaiao sepwaridi ‘atua.

Isaia 24:5

Bare‘u wate ‘i baila ‘ana tomi ‘ubunidia: loina si li‘oedi ta ‘enega, loina tomwana si gibunina, ona‐‘upa‘upa mia‘ataia si li‘oena.

Isaia 28:15

Wa ona ta ‘enega, mwawasa ma‘ieana ‘a ona‘upa‘upa, ta Seola ma‘ieana ‘a egosigosiana: ‘ena ‘ebeunua maa‘apu‘apu ‘i rubwarena, gea‘abo ‘emaia ‘i da mai; onakabokabo ‘a bubudi ‘ima ‘ebedena ta ‘enega, ta onakabokabo ‘ubunaia ‘a kwaiema:

Isaia 30:1

Oioi gogama loguitoasa ‘edia, Ieoba ‘i gwae, loina si ‘ebesa, ta nigea ‘eguiega; ta bwasega si bwasa, ta nigea iaruiaruagu ‘enega, be ‘enega loegesi si sa‘uepopo loegesi ‘enaia:

Isaia 48:4

Ia mwaratoni oio guauio ‘i toiasa manuna, ta ‘otoio waro kainumu, ta ‘asuio barasa:

Isaia 5:24

Ta ‘enega na‘ieana awe meiana sumwana ‘i e‘egumwarina, ta na‘ieana nedu iadaiadana ‘i mwa‘uta awe sabelulu ‘ena, na‘ieana ramudi ‘i da bila ‘atua, ta senidi ‘i da tu‘e kau ‘atua: bodao ‘idi Ieoba ‘ina loina si e‘idi‘idiena ta ‘enega, ta Iseraela ‘ina Tabu Tebweuna ‘ina ona si sinarina.

Isaia 63:8

‘I gwae ta ‘enega, Ona ‘ai‘aila, taudi ‘igu tomota, natuguao nigea si da bubu kabokabo: nadigega tauna ‘adi to‘etoseana.

Isaia 65:2

Asiata maibo‘ana nimaguao ia iasitoto tomota loguitoasa ‘edia, taudi ‘eda nigea bobo‘ana ‘enega si tautauia, taudi ‘idi nuanua nadigega: