Isaia 30:30 - Buki Tabu Lowaenei 1919

³⁰ Ta Ieoba ‘enana esaesa ‘i da loina be si da nonona, ta nimana ‘ina e‘etomwa‘uta ‘i da e‘ita, ‘ina gamwasoara ‘ina egamwagamwagu ma‘ieana, ta ‘awe ‘ara‘arata meiana, ‘atumaninisa ma‘ieana, wedilia be, ‘usana patuna be.

Isaia 30:30 ပူးပေါင်းရင်းမြစ်များ

Salamo 2:5

Ga ‘ina gamwasoara ‘enega ‘i da ona ‘edia, Ta ‘ina egamwagamwagu ‘enega ‘i da gie‐edeededonidi:

Salamo 46:6

‘Ebeloinao si egamwagamwagu, ‘asa si loniu: ‘Enana ‘i gieapwesena, bare‘u ‘i doga.

Salamo 98:1

Wari auauna wa da wariei Ieoba ‘enaia; Iage ‘ebenuaowana ni‘atu ‘i guinuedi ta ‘enega; Ataina, ta nimana tabu, ni‘atu si bubu ‘etoseana manuna.

Si Apwesa 15:16

‘Atesa‘ara ta matauta ‘edia si be‘u; Nimaio ‘ina sinabwana ‘enega si miaenono gurewa ‘atua; Ga ‘imu tomota si taona, Ieoba Ie. Ga tomota taudi u ‘ewedi si da taona.

Si Apwesa 9:23

Ta Mose ‘ina keweliwelili ‘i e‘etotu‘eiena garewa ‘enaia: ta Ieoba weparara ta ‘usana patuna i ‘etunedi, ta ‘awesabelulu ‘i pili mwa‘uta bare‘u ‘enaia; ta Ieoba ‘usana‐patuna ‘i gie‘usana ‘asa Aigupito ‘enaia.

Si Apwesa 9:24

Ta ‘enega ‘usana patuna ‘i apwesama, ta ‘awesabelulu ‘usana‐patuna ma‘ieana gamwanaia, mwau‐wawasae, nadigega nigea ‘i apwesa ‘asa Aigupito maibo‘ana ‘enaia tuta ‘enega ‘i e ‘asa.

Isaia 10:16

Ta ‘enega ‘Inapwana, bodao ‘idi ‘Inapwana, ‘ebewakaka ‘i da etunena ‘ina iapaiapadi ‘edia; ta ‘ina esaesa ‘ubunaia ‘arata nadigega ‘awe ‘ina ‘ara‘arata si da loe‘abia.

Isaia 10:26

Ta bodao ‘idi Ieoba ‘ebesapi ‘i da giniuie matanaia, nadigega Midiana ‘ana unua nina ‘enega gurewa Oreba ‘enaia; ta ‘ina keweliwelili ‘i da eora debanaia, ta ‘i da gilagasina Aigupito ‘ina bubuna ‘atua.

Isaia 10:5

Oioi me Asiria, ‘igu gamwasoara ‘ina keweliwelili, guna nina tauna nimanaia ‘igu egamwagamwagu ‘i miami!

Isaia 28:2

Wa ‘ita, ‘Inapwana ma‘ina iage waiwai ta pa‘ara; ‘atua ‘usana patuna wedilia ma‘ieana, iagila didiga ‘i unuunua, ‘atua murua waiwai maa‘apu‘apu wedilia ma‘ieana, ‘i da ulamwa‘uta bare‘uia nimanega.

Isaia 29:6

Bodao ‘idi Ieoba ‘ena ‘i da apwesa wepararega, ta mwani‘ini‘iega, ta ‘enana sinabwanega, bwawabwawa ta wedilia ‘ediega, ta awe ‘eni‘enina meianega.

Isaia 30:29

Wari wa da ‘ewa na‘ieana boiboi nina ‘enega sagari tabu si iagei; ta ‘ate‐guausoara, na‘ieana ‘ena ‘e bweu ‘i tauia ma‘ana lololi sabi rugu Ieoba ‘ina ‘oea ‘enaia, Iseraela ‘ina Gurewa ‘enaia.

Isaia 30:31

Ieoba ‘enanega goma Asiria ‘i da weara lelewane ta ‘enega, tauna ‘i unua keweliweliliega.

Isaia 31:4

Ieoba gete nadigega ‘i gwae ‘eguia ta ‘enega, Nadigega ‘ena laione ‘i onamugimugi ta laione menonoiana ‘ina iage i ‘oae debanaia, ‘abo to‘ita‘i‘isi‐sipi iauiaudi si bwauiedi manuna, gea‘abo ‘i da ‘atesa‘ara ‘enadiega, nai ‘i da giemwa‘utena tauna ‘idi edududu manuna: nadigega bodao ‘idi Ieoba ‘i da mwa‘utama sabi saia ‘oea Siona ‘enaia, ta ‘ina ‘oea ‘enaia.

Isaia 32:19

Ta ‘usana ‘i da patu, mitawa ‘ina be‘u ‘ena; ta ‘asa ‘i da ‘eno mwa‘uta ‘ai‘aila.

Isaia 33:14

To to‘umalidi Siona ‘ena si matauta; taudi nigea si tapwaroro dedera ‘i unudi. Iaita nai gamwagamwanidaia ‘i da miami ‘awe ‘e‘enina ma‘ieana? Iaita gamwagamwanidaia ‘i da miami ‘awe ‘ara‘arata ‘ataia ma‘edi?

Isaia 4:6

Ta tabenakele ‘i da miami iauiaukwa manuna asiata ‘enega iaiiaiega, ta ‘ebedena manuna ta ‘auboda manuna iagila sinabwanega ta ‘usanega.

Isaia 51:9

‘U da tooro, ‘u da tooro, waiwai ‘u da ‘otena, Ieoba nimana ie; ‘u da tooro, ‘atua gimi asiatao ‘edia, gimi tutao ‘idi epata‐tomota. Nigea ‘oio nai tauna Raaba i ‘upwa tomwatomwa, tauna waregoa ‘i badi be ‘i sasa‘a?

Isaia 52:10

Ieoba ni‘atu nimana tabu ‘ana ‘oama ‘i lolona ‘ebeloina iauiauna matadia; ta bare‘u ‘ana ‘ebelosaroni iauiauna ‘ida Eaubada ‘ina ‘etoseana si da ‘ita.

Isaia 62:8

Ieoba ni‘atu ‘i ona‘upa‘upa atainega, ta ‘ina waiwai nimanega, Ona‘ai‘aila ‘imu witi nigea wate ia da ‘ebwaea be ‘i da emasura ‘amu tarauwarao manudi; ta to‘u‘umara gea‘abo ‘imu oineuana si da numena, tauna manuna ni‘atu ‘u guinua:

Isaia 66:15

Wa ‘ita, ta ‘enega, Ieoba ‘i da mai awe‘ara‘aratega, ta ‘ina salioteao si da ‘ebwawabwawa nadigega; sabi ‘ebwaea ‘ina gamwasoara egamwagamwaguiega, ta ‘ina ba‘e awesabeluluiega.

Isaia 66:16

Awe‘ara‘aratega, ta ‘ina sisi‐saiega, Ieoba esio iauiauna ‘i da eonedi: ta to esilae Ieoba ‘enega si da iauiau.