Isaia 30:28 - Buki Tabu Lowaenei 1919

²⁸ Ta iawasina ‘atua boasi‐daudau ‘i maa‘apu‘apu, tauna ‘i tu‘e ga ‘oto ‘enaia, be ‘ebeloinao ‘i da lolulusidi iage besobeso ‘ana ‘ebelolulutega: ta ‘etoboda gieloegesi tomota ‘asemwaudi ‘edia.

Isaia 30:28 ပူးပေါင်းရင်းမြစ်များ

Salamo 18:15

Ga boasi ‘awadi si apwesama, Ta bare‘u ‘ina ‘autu nigea ‘idi lobodabodamo, ‘Imu ba‘e ‘ena, Ieoba ie, Ubusu gaugauliio iawasidi ‘ina mu‘enunu didiga ‘enaia.

Salamo 32:9

Gea‘abo wa da nadigega ose, nai mule, taudi nigea ma‘idi sinasinapumo: Taudi ‘adi iageao sara kainumu ta leda sabi giiaidi, Nai nigea serabemuia si da mai.

Isaia 11:4

Ta bubuna paruparuiega gomabeso ‘i da loinedi, ta bubuna ‘ai‘ailega ‘i da ba‘e ‘asa ‘ana to nuana manudi: ta ‘asa ‘i da ununa ‘awana ‘ina keweliweliliega, ta sopana iawasinega to to‘umalidi ‘i da loemwawasidi.

Isaia 17:13

‘Ebeloinao si da pili nadigega boasi iauiauna ‘idi daudau murua: ta ‘i da ba‘edi, ta si da dena ‘edasora, ta si da pa‘idi ‘atua ‘oeao sumwanidi iagila matanaia, ta nadigega kau ‘i bwawabwawa wedilia matanaia.

Isaia 17:14

Asunuanua wa ‘ita ‘ebedidiga; ta gonagona nuganinaia nigea si miami. Gete taudi si ‘oaeda ‘idi iage, ta taudi si ‘ipwarida ‘idi ‘egu‘eguiai.

Isaia 19:3

Ta Aigupito iaruiaruana ‘i da elokakae gamwagamwanaia; ta ‘ina loina ia da loegumwarina: ta si da ‘ebesa tokwaruiao ‘edia be, to oba ‘edia be, taudi si loiaruiarua besobeso ‘edia be, to barau ‘edia be.

Isaia 28:15

Wa ona ta ‘enega, mwawasa ma‘ieana ‘a ona‘upa‘upa, ta Seola ma‘ieana ‘a egosigosiana: ‘ena ‘ebeunua maa‘apu‘apu ‘i rubwarena, gea‘abo ‘emaia ‘i da mai; onakabokabo ‘a bubudi ‘ima ‘ebedena ta ‘enega, ta onakabokabo ‘ubunaia ‘a kwaiema:

Isaia 28:2

Wa ‘ita, ‘Inapwana ma‘ina iage waiwai ta pa‘ara; ‘atua ‘usana patuna wedilia ma‘ieana, iagila didiga ‘i unuunua, ‘atua murua waiwai maa‘apu‘apu wedilia ma‘ieana, ‘i da ulamwa‘uta bare‘uia nimanega.

Isaia 29:6

Bodao ‘idi Ieoba ‘ena ‘i da apwesa wepararega, ta mwani‘ini‘iega, ta ‘enana sinabwanega, bwawabwawa ta wedilia ‘ediega, ta awe ‘eni‘enina meianega.

Isaia 30:29

Wari wa da ‘ewa na‘ieana boiboi nina ‘enega sagari tabu si iagei; ta ‘ate‐guausoara, na‘ieana ‘ena ‘e bweu ‘i tauia ma‘ana lololi sabi rugu Ieoba ‘ina ‘oea ‘enaia, Iseraela ‘ina Gurewa ‘enaia.

Isaia 30:33

Topeta ni‘atu ‘i miami lowaenei ta ‘enega; tamo, si sa‘u king manuna; ‘i mweruruina ni‘uni‘u ta sinabwana: ‘ana sa‘uepopo awe ‘ara‘arata ta kaiwe sinabwana; Ieoba ‘ina bwawa, nadigega mepulupulua daudauna, ‘i loe‘abia.

Isaia 37:29

‘Imu egamwagamwagu ‘eguia leleana, ta ‘imu gagasa tenagu ‘edia ‘i tu‘ema manuna, ta ‘enega ‘igu dilu ubusuio ‘ena ia da sa‘u, ta ‘igu ‘ebe‘etobode sopaio ‘edia, ta ia da giesana‘ileio ‘eda ‘enega ‘u mai.

Isaia 59:19

Nadigega Ieoba ‘ana esana si da matautena ‘ebwagega, ta ‘ina esaesa sinara ‘ina sae ‘enega: ‘i da mai ‘atua murua ta ‘enega, tauna Ieoba iawasina ‘i giedau.

Isaia 63:17

Ieoba ie, to‘ase manuna ‘u gieloegesiema ‘imu ‘edao ‘ediega, ta ‘atema ‘u giepa‘arina ‘amu matautega? ‘U da ‘ilama ‘imu toguinuao, ‘imu ‘egu‘eguiai ‘ina susuiao, manudi.

Isaia 8:8

Ta ‘i da dau toilawa Iuda ‘ena; ‘i da dau‘apu‘apu ta ‘i da ‘etobwarena; ‘i da tu‘e ga otonaia; ta papena ‘idi tu‘e‘alele ‘asa ‘ana bababa ‘i da loemaa, Imanuela ie.