Isaia 30:18 - Buki Tabu Lowaenei 1919

¹⁸ Ta ‘enega Ieoba ‘i da iamwaiamwa, be ‘i da nuabobo‘ana ‘emia, ta ‘enega ‘i da mia tu‘e, be ‘i da nua‘ole‘ole ‘emia: Ieoba loina ‘ina Eaubada ta ‘enega; taudi manuna si iamwaiamwa si bobo‘ana.

Isaia 30:18 ပူးပေါင်းရင်းမြစ်များ

Salamo 2:12

Natuna me‘olotona wa da ‘awamuina, ‘abona nai ‘i gamwasoara, ta ‘edega wa saoora, ‘Ina gamwasoara ‘i abe i ‘arata ta ‘enega. Taudi ‘ena si ‘emisa si bobo‘ana.

Salamo 27:14

Ieoba ‘ena ‘u da iamwaiamwa: ‘U da pa‘ara, be ‘ateio ‘i da nuanua waiwai; Tamo, Ieoba ‘ena ‘u da iamwaiamwana.

Salamo 34:8

Wa da too ta wa da ‘ita Ieoba ‘i boboana: Tai nina ‘ena i ‘emisa tauna ‘i bobo‘ana.

Salamo 84:12

Bodao ‘idi Ieoba ie, Tauna ‘emuia i ‘emisa tauna ma‘ina guausoara.

Salamo 99:4

King ‘ina pa‘ara wate loina ‘i nuanuana; Bubuna ‘ai‘aila ‘u giepa‘arina, Loina ta bubuna paruparu ‘u bubudi Iakobo ‘enaia.

Si Apwesa 34:6

Ta Ieoba ‘i sakowasi matanaia, ta i ‘inanena, Ieoba, Ieoba, Eaubada ‘i maa nua‘ole‘oleiega ta ‘i oboboma, sabi gamwasoara ‘i so‘iso‘i, nua‘ole‘ole ta ona ‘ai‘aila ‘ediega ‘i maa‘apu‘apu;

Isaia 18:4

Ieoba gete nadigega ‘eguia ‘i gwae ta ‘enega, Ia da enono, ta ‘igu ‘ebemia ‘ena ia da ‘ita; nadigega iaiiai ‘esasena ‘ena sinara ‘i sae, nadigega gaguna umaumana sesoi ‘ina iaiiai ‘enega.

Isaia 2:11

Ta tai ‘ana ‘itatu‘eiao si da mia mwa‘uta, ta tai ‘idi gagasa ‘i da mia ‘opu‘opu, ta Ieoba tebweuna ‘i da miatu‘e asiata gote ‘enega.

Isaia 2:17

Ta tai ‘ina miatu‘e ‘i da mia‘opu‘opu, ta tai ‘idi gagasa ‘i da miamwa‘uta: ta Ieoba tebweuna ‘i da miatu‘e asiata gote ‘enega.

Isaia 25:9

Ta asiata gote ‘enega si da gwae, Wa ‘ita, gete ‘ida Eaubada; manuna ta iamwaiamwa, ta ‘i da ‘etoseeda; gete Ieoba; manuna ta iamwaiamwa, ta da uiawana be ta da guausoara ‘ina ‘etoseana ‘enega.

Isaia 28:17

Ta etara ia da bubuna ‘ebe‘etopwapwa‐loesanena manuna, ta bubuna paruparu aweata manuna: ta ‘usana patuna ‘ebedena onakabokabo nina ‘i da ‘ewaiaulei, ta boasi‐murua ‘ebe kwaia ‘i da loemaa‘apu‘apuie.

Isaia 33:2

‘Ieoba ie, ‘emaia ‘u da nua‘ole‘ole; ni‘atu ‘a iamwaiamwa manuio: ‘oio ‘u da nimadi gonagona iauna, ‘ima ‘etoseana wate tuta loniu ‘enega.

Isaia 33:5

Ieoba ‘i miatu‘e; ‘etanaia ‘i miami ta ‘enega: Siona ‘i loemaa loina ta bubuna paruparu ‘ediega.

Isaia 40:31

Ta taudi Ieoba ‘ena si iamwaiamwa taudi ‘idi pa‘ara si da ‘ewa limena; si da tu‘e pape ‘ediega ‘atua magisubu; si da pili, ta gea‘abo si da lo‘ame‘ame; si da tautauia, ta gea‘abo oodi ‘i da taba.

Isaia 42:14

Tuta dudurana ia enono; ia emwa‘ule, ta ia ‘etobodegu: gete ‘enega ia da bwau waine edaedamina ‘atua; iawasigu ‘i da e‘upa ta ia da eiawasilagalaga rererea.

Isaia 42:16

Ta matakebokebodi ia da me‘edi ‘eda nigea si mwaratoni ‘enega; ‘edao nigea si mwaratoni ‘edia ia da ‘au‘ewedi: guguioi ia da bubuna be ‘i ma‘edana matadia, ta esena bokobokodi be si paruparu. Iage getedi ia da guinua, ta gea‘abo ia da e‘idi‘idiedi.

Isaia 48:9

‘Agu esana manuna ‘igu gamwasoara ia da lo‘ela‘elalawa, ta ‘agu tuputupu manuna ia da egagara manuio, be ‘enega gea‘abo ia da ‘upaiauleio.

Isaia 5:16

Ta bodao ‘idi Ieoba ‘i mia tu‘e loina ‘enega, ta Eaubada tauna Tabu Tebweuna ‘i etabuna bubuna paruparu ‘enega.

Isaia 55:8

‘Igu nuanuaiao nigea ‘imi nuanuaiao ta ‘enega, nai ‘imi ‘edao ‘igu ‘edao, Ieoba ‘i gwae.

Isaia 57:16

Nigea ia da e‘upwa ‘ataia ta ‘enega, ta nigea ia da gamwasoara ‘ataia: iaruiarua ‘i da mwawamwawasa mataguia ta ‘enega, ta iawasidi taudi ni‘atu ia mwerurua.

Isaia 61:8

‘Abo‘agu Ieoba loina ia nuanuana sinabwana ta ‘enega, ‘ipwara bubuna bokoboko ma‘ieana ia guitoasa; ta ‘adi e‘isa ia da ‘ebwa‘edi ona‘ai‘ailega, ta ona‘upa‘upa ‘ataia ia da bubuna ma‘edi.

Isaia 64:4

Lowaeneiega tai nigea si nonono ta ‘enega, nai tenadiega si sinapu, nai mata i ‘ita mari Eaubada ‘e bweuna tebweuio tuga, tauna ‘i guinua tauna ‘i iamwaiamwana manuna.

Isaia 8:17

Ta ia da iamwaiamwa Ieoba manuna, tauna maninina ‘i e‘etokwaiena Iakobo ‘ina susu ‘enega, ta ia da ‘ebesena.