Isaia 30:13 - Buki Tabu Lowaenei 1919

¹³ Ta ‘enega bubuna bokobokona gete ‘i da nadigega weara i ‘abe ‘i be‘u ‘emia, ‘i sinasinabwa ‘arigurewa ‘etosora ‘enaia, tauna ‘ina weara ‘i lomaninisanama.

Isaia 30:13 ပူးပေါင်းရင်းမြစ်များ

Salamo 62:3

Tuta eisa tai wa da ununa, Be wa da loemwawasina, iauiaumi, ‘Atua pita ‘i bwago, nai ‘ari ‘i loniu?

Salamo 62:4

Si wasegiginamo be ‘ina bobo‘ai‘ailinega si da ‘ausepara mwa‘utena; Ona kabokabo ‘idi ‘ebe‘eguausoara: ‘Awadiega si onaoboboma, ta ‘atediega si elia. (Sela.)

Isaia 22:14

Ta bodao ‘idi Ieoba ‘i e‘ita‘ena tauna tenagu ‘edia, Ona ‘ai‘aila bubuna bokobokona gete gea‘abo ‘i da ‘ewaiaule ‘emiega ga wa mwawasa, ‘Inapwana ‘i gwae, bodao ‘idi Ieoba.

Isaia 26:21

Wa ‘ita, ta ‘enega, Ieoba ‘ina esenega ‘i apwesama be to mia bare‘u ‘i da unudi ‘idi bubuna bokobokona manuna: bare‘u wate ‘ina rara ‘i da giapwesei, ta gea‘abo wate ‘ina toesilae ‘i da bodedi.

Isaia 29:5

Ta ‘amu tarauwarao ‘adi iau si da kau matagidarina na‘ieana, ta to‐didigao ‘adi iau na‘ieana witibwarana ‘i sawasawara: tamo, ‘i da apwesama manini.

Isaia 30:26

Wate nawarae ‘ina ma‘edana ‘i da na‘ieana sinara ‘ina ma‘edana, ta sinara ‘ina ma‘edana ‘i da esebeni, ‘atua asiata ‘e sebeni ‘adi ma‘edana, asiata nina ‘enega Ieoba ‘ina tomota ‘idi elo‘uia ‘i paimina, ta ‘idi ‘abiiama ‘ina ‘ebeunua ‘i giebobo‘anena.

Isaia 47:11

Ta ‘enega iage to‘umalina ‘emuia ‘i da mai; ‘ina gimi apwesama nigea ‘u da mwaratoni: ta wasegigi ‘i da be‘u emuia; gea‘abo ‘u da ewaiwai be ‘u da ‘ewaiaulena: ta waborebore ‘i da apwesa maninima ‘emuia, tauna nigea ‘u mwaratonina.

Isaia 48:3

Gimi iage ni‘atu ia simanedi lowaeneiega: tamo, ‘awaguiega si apwesawa, ta ia e‘itedi: manini ia guinuedi, ta si apwesa.

Isaia 58:12

Ta taudi ‘emuiega si da mai ‘esena kakaedi kadekaderidi si da ‘abidi: epatatomota iauna ‘idi ‘autuiao ‘u da gitu‘e; ta si da eesemu, ‘Ebeweara ‘ana togiebobo‘ana limana, ‘Edao ‘adi to‐kakari‐limalimana be ‘ena si da miami.

Isaia 65:7

Taumimo ‘imi bubuna bokobokoiao, ta tamamiao ‘idi bubuna bokobokoiao rererea, Ieoba ‘i gwae, taudi mu‘ana si gabu ‘oea sinabwadi ‘edia, ta si ona besobeso ‘eguia ‘oea gidaridi ‘edia; ta ‘enega nugana ‘idi guinua ia da ‘etopwapwa lumalumadi ‘enaia.