Isaia 29:6 - Buki Tabu Lowaenei 1919

⁶ Bodao ‘idi Ieoba ‘ena ‘i da apwesa wepararega, ta mwani‘ini‘iega, ta ‘enana sinabwanega, bwawabwawa ta wedilia ‘ediega, ta awe ‘eni‘enina meianega.

Isaia 29:6 ပူးပေါင်းရင်းမြစ်များ

Salamo 55:8

Ia da lomanini ‘ebe‘eiauiaukwa ‘enaia Iagila sinabwana ta wedilia ‘ediega.

Isaia 10:3

Ta toase wa da guinua asiata ‘ebe‘ita ‘enega, ta waborebore ‘enega tauna ‘i da mai ‘edasorega? Iaita ‘ena wa da dena leme manuna? ta mane ‘ena ‘imi esaesa wa da sa‘u?

Isaia 26:14

Si mwawasa, gea‘abo si da bobo‘ana; si kwaia, gea‘abo si da tooro; ta ‘enega ni‘atu ‘edia ‘u apwesa ta ‘u giesaooridi, ta ‘adi ‘ebenua‘i‘isi ni‘atu ‘u giesaoorina maibo‘ana.

Isaia 26:21

Wa ‘ita, ta ‘enega, Ieoba ‘ina esenega ‘i apwesama be to mia bare‘u ‘i da unudi ‘idi bubuna bokobokona manuna: bare‘u wate ‘ina rara ‘i da giapwesei, ta gea‘abo wate ‘ina toesilae ‘i da bodedi.

Isaia 28:2

Wa ‘ita, ‘Inapwana ma‘ina iage waiwai ta pa‘ara; ‘atua ‘usana patuna wedilia ma‘ieana, iagila didiga ‘i unuunua, ‘atua murua waiwai maa‘apu‘apu wedilia ma‘ieana, ‘i da ulamwa‘uta bare‘uia nimanega.

Isaia 30:30

Ta Ieoba ‘enana esaesa ‘i da loina be si da nonona, ta nimana ‘ina e‘etomwa‘uta ‘i da e‘ita, ‘ina gamwasoara ‘ina egamwagamwagu ma‘ieana, ta ‘awe ‘ara‘arata meiana, ‘atumaninisa ma‘ieana, wedilia be, ‘usana patuna be.

Isaia 31:9

Ta ‘ina gurewa ‘i da sawara ‘ebedidiga manuna, ta ‘ina ‘inapwanao si da ‘atesa‘ara doedoe ‘enaia, Ieoba ‘i gwae, tauna ‘ina awe ‘ara‘arata Siona ‘ena ‘i miami, ta ‘ina umura Ierusalema ‘enaia.

Isaia 43:2

‘Ena boasi u da rubwaredi, ‘Abo‘agu ma‘ieaio; ta boasidaudau ‘u rubwaredi, gea‘abo si da siwabodeio: ‘ena ‘awe ‘u tauia bwarena, gea‘abo ‘i da ‘ara‘arasiio; nai ‘awe meiana ‘i da sabelulu ‘emuia.