Isaia 29:5 - Buki Tabu Lowaenei 1919

⁵ Ta ‘amu tarauwarao ‘adi iau si da kau matagidarina na‘ieana, ta to‐didigao ‘adi iau na‘ieana witibwarana ‘i sawasawara: tamo, ‘i da apwesama manini.

Isaia 29:5 ပူးပေါင်းရင်းမြစ်များ

Salamo 1:4

To‐to‘umalidi nigea si da nadigega; Taudi witi bwarana ‘atua iagila ‘i siiesiiei iauiaule.

Salamo 35:5

Si da ‘esumwana ‘atua iagila matanaia, Ta Ieoba ‘ina anelose ‘i da pa‘idi.

Isaia 13:11

Ta gabura ia da ununa ‘idi to‘umalina manuna, ta to to‘umalidi ‘idi bubuna bokobokona manuna; ta to gagasa ‘idi esinasinara ia da loegumwarina, ta to didiga ‘idi gagasa ia da ulamwa‘uta.

Isaia 25:3

Ta ‘enega tomota waiwaidi si da ‘awaeseeseio, ‘ebeloinao didiga ‘idi ‘asa si da matauteio.

Isaia 25:4

‘Oio ‘ebepa‘ara gomabeso ‘edia ta ‘enega, ‘ebepa‘ara nanaewa ‘enaia ‘ina ‘atesa‘ara ‘enega, ‘ebedena wediliega, iauiaukwa iaiiaiega, ‘ena to didiga ‘idi apwesama nadigega wedilia ‘arigurewa ‘enaia.

Isaia 25:5

‘Atua iaiiai esena iadaiada ‘ena to‘u‘umara ‘idi dududu ‘u da ‘ewa mwautenama; ‘atua iaiiai poana iauiaukwana ‘enega, to didiga ‘idi wari ‘i da mwa‘uta.

Isaia 29:20

To didiga ni‘atu si gibesobeso‘ena, ta to sinasinara ‘i sa‘u, ta iauiaudi si ‘ita‘i‘isi bubuna bokobokona manuna si da ‘upwaiauledi:

Isaia 30:13

Ta ‘enega bubuna bokobokona gete ‘i da nadigega weara i ‘abe ‘i be‘u ‘emia, ‘i sinasinabwa ‘arigurewa ‘etosora ‘enaia, tauna ‘ina weara ‘i lomaninisanama.

Isaia 31:3

Ta gete me Aigupito tai tugai, ta nigea Eaubada; ta ‘idi ose esio, ta nigea iaruiarua: ta ni‘atu eoba nimana ‘i da iasitoto, ga ruarua tauna ‘i leme ‘i da setupe, ta tauna ‘i lemena ‘i da be‘u, ta iauiaudi si da neneta rererea.

Isaia 31:8

Ga goma Asiria nina ‘i da be‘u sisi‐saiega, nigea tai ‘ina sisisaiega; ta sisi‐saia nina, nigea tai ‘idi sisi‐saia, ‘i da loegumwarina: ta sisi‐saiega ‘i da dena, ta ‘ina tubuau si da etamapu.

Isaia 37:36

Ta Ieoba ‘ina anelose ‘i apwesawa, ta me Asiria ‘idi ‘ebe‘eno ‘ena ‘i unudi wan anaredi ta eti paibe tausana: ta ni‘atu tai si tooro manini gonagonaia, ga wa ‘ita, iauiaudi kokoa mwawamwawasidi.

Isaia 40:15

Wa ‘ita, ‘ebeloinao ‘atua baketa ‘ina pesu, ta si sawedi ‘atua ‘ebekuge ‘ina kau gidarina: wa ‘ita, saru ‘i gilagasidi na‘ieana iage togidarasana.

Isaia 41:11

U ‘ita, iauiaudi nuadi ‘i to‘umali ‘emuia si da omaiamaia ta si da loniu: taudi wa e‘upwa ma‘ieaio si da nadigega nigea ‘e bweu, ta si da saoora.

Isaia 41:15

U ‘ita, ia da bubuio be u ‘ebetutu mamatana auauna masarana: ‘oea ‘u da sapidi, ta ‘u da tutudi matagidarina, ta ‘oea gidaridi ‘u da bubudi sumwana ‘stua.

Isaia 41:16

‘U da louweuwenunudi, ta iagila ‘i da ‘ewa iauledi, ta bwawabwawa ‘i da lelewanedi: ta ‘u da guausoara Ieoba ‘ena, ‘u da lotuputupu Iseraela ‘ina Tabu Tebweuna ‘enaia.

Isaia 47:11

Ta ‘enega iage to‘umalina ‘emuia ‘i da mai; ‘ina gimi apwesama nigea ‘u da mwaratoni: ta wasegigi ‘i da be‘u emuia; gea‘abo ‘u da ewaiwai be ‘u da ‘ewaiaulena: ta waborebore ‘i da apwesa maninima ‘emuia, tauna nigea ‘u mwaratonina.

Isaia 48:3

Gimi iage ni‘atu ia simanedi lowaeneiega: tamo, ‘awaguiega si apwesawa, ta ia e‘itedi: manini ia guinuedi, ta si apwesa.