Isaia 27:13 - Buki Tabu Lowaenei 1919

¹³ Ta gete ‘i da apwesa asiata gote, ioguli sinabwana si da mu‘e; ta taudi ‘i abe si saoora ‘asa Asiria ‘enaia, ta taudi si mia apwesa ‘asa Aigupito ‘enaia, si da mai; ta Ieoba ‘ena si da bwagobwago Ierusalema ‘ina ‘oea tabu ‘enaia.

Isaia 27:13 ပူးပေါင်းရင်းမြစ်များ

Salamo 47:5

Eaubada ‘i tu‘e bwauiega, Ieoba ioguli ‘enanega.

Salamo 81:3

Nawarae auauna ‘enega ioguli wa da mu‘e tu‘eie, Nawarae maibo‘ana ‘enaia, ‘ida sagari mwaumwau ‘enaia.

Salamo 89:15

Tomota guausoara ‘enana si mwaramwaratoni taudi si bobo‘ana: Ieoba ie, maniniio ‘ina ma‘edana ‘ena si lopilidadana.

Isaia 11:11

Ta gete ‘i da apwesa asiata gote, ‘Inapwana nimana ‘i da sa‘u limana ‘e ruena be ‘ina tomota tupwadi ‘i da ‘ewalimedi, taudi si da miami, Asiriega, Aigupitoega be, Patarosega be, Kusega be, Elamega be, Sinaega be, Amatega be, ora saruna ‘ediega be.

Isaia 11:12

Ta doe ‘i da sa‘u tu‘e ‘ebeloinao manudi, ta me Iseraela ‘ina to mia apwesa ‘i da egogonedi, ta me Iuda ‘ina to sawarao ‘i da egogonedi bare‘u tupitupina ‘e ata ‘ediega.

Isaia 11:16

Ta ‘eda sinabwana ‘i da miami ‘ina tomota tupwadi manudi, taudi si miami, Asiriega; nadigega lowa ‘i miami Iseraela manuna asiata ‘enega ‘i tu‘ema ‘asa Aigupitoega.

Isaia 18:3

Iauiaumi gabura ‘ana tomi, ta ‘omi bare‘u ‘ana tomi, ‘ena doe si gilagasina ‘oeao ‘edia, wa da ‘ita; ta ‘ena ioguli si mu‘e, wa da nono.

Isaia 19:21

Ta Ieoba ‘i da e‘ita‘ena tauna Aigupito ‘enaia, ta me Aigupito Ieoba si da mwaratonina asiata gote; tamo, si da bwagobwago taria ta ‘ebwaeadaita ‘ediega, ta ona‘upa‘upa si da ona‘upa‘upa‘ena Ieoba ‘enaia, ta si da guinuena.

Isaia 19:22

Ta Ieoba Aigupito ‘i da ununa, ‘i da unuunu ta ‘i da giebobo‘ana; ta si da ‘ila Ieoba ‘enaia, ta ‘ena si da sidasida, ta ‘i da giebobo‘anedi.

Isaia 2:11

Ta tai ‘ana ‘itatu‘eiao si da mia mwa‘uta, ta tai ‘idi gagasa ‘i da mia ‘opu‘opu, ta Ieoba tebweuna ‘i da miatu‘e asiata gote ‘enega.

Isaia 2:2

Ta asiata muriega gete ‘i da apwesa, ‘aene Ieoba ‘ina anua ‘ana ‘oea ‘i da mia pa‘ara ‘oea debadia, ta ‘i da mia tu‘e ‘oea ‘etanidia; ta ‘ebeloina iauiaudi si da daudau ‘enaia.

Isaia 2:3

Ta tomota iauiauna si da tauia ta si da ona, Wa da mai, be ta da tu‘e Ieoba ‘ina ‘oea ‘enaia, Iakobo ‘ina Eaubada ‘ina anua ‘enaia; ta ‘ina ‘edao manudi ‘i da e‘iteda, be ta da tautauia ‘ina ‘edao ‘edia: Sionega loina ‘i da apwesawa ta ‘enega, ta Ieoba ‘ina ona Ierusalemega.

Isaia 25:6

Ta ‘oea gete ‘ena bodao ‘idi Ieoba tomota iauiauna ‘edia sagari ‘i da bubuna, iapaiapadi sagarina, sagari oine ‘arena ‘enega, iapaiapadi si maa lulu soranega ‘ediega, oine ‘arena si gi‘esasena ‘ai‘aila ‘enega.

Isaia 43:6

Iaarata ‘ena ia da ona, ‘U da tagwara; ta iarasi ‘ena, Gea‘abo ‘u egagara; natuguao me‘olotodi ‘edasorega wa da me‘edi, ta natuguao me wainedi bare‘u ‘ana ‘ebelosaroniega;

Isaia 49:7

Gete nadigega Ieoba ‘i gwae, Iseraela ‘ana to‘ewa limana, ta ‘ina Tabu Tebweuna, tauna tai ‘i sinarina ‘enaia, tauna ‘asa ‘i guitoasena ‘enaia, ‘inapwanao ‘idi toguinua ‘enaia: Kiniao si da ‘ita ta si da tooro; ‘inapwanao, ta si da bwago: Ieoba tauna to bubu ‘ai‘aila manuna, tuga Iseraela ‘ina Tabu Tebweuna, tauna i ‘esinueio.

Isaia 56:8

‘Inapwana Eaubada Tauna Iseraela ‘ina to mia apwesa ‘i egogonedi ‘i gwae, Ta ‘ena ‘aidi wate ia da egogonedi, ta nigea taudimo ‘ina tomota ni‘atu si egogona.

Isaia 66:18

‘Idi guinuao ta ‘idi nuanuao ia mwaramwaratoni ta ‘enega: tuta ‘i memai, ‘enega ‘ebeloinao ta meia iauiaudi ia da egogonedi; ta si da mai, ta ‘igu esaesa si da ‘ita.

Isaia 66:23

Ta gete ‘i da apwesa, nawarae auauna ‘e bweuna ga ‘e ruena, ta sabate ‘e bweuna ga ‘e ruena, esio iauiauna si da mai sabi bwagobwago mataguia, Ieoba ‘i gwae.

Loina 25:9

Ga ioguli ‘enana sinabwana ‘u da etune dadane nawarae ‘e sebeni nina ‘ana asiata ‘e teni nina; gienua‐‘ebweuna ‘ana asiata ‘enega ioguli wa da etune dadanei ‘imi ‘asa maibo‘ana ‘enaia.