Isaia 26:20 - Buki Tabu Lowaenei 1919

²⁰ ‘Igu tomota, wa da mai, ‘imu anuao ‘edia ‘u da rugu, ta ‘imu ‘auboda ‘u da gibodedi deimuia: ‘u da ‘akwaiemu ga tuta tomwana gidarina, be gamwasoara ‘i da gumwara bemi.

Isaia 26:20 ပူးပေါင်းရင်းမြစ်များ

Nugana 7:1

Ta Ieoba Noa ‘ena ‘i ona, ‘Oio ta ‘imu susu maibo‘ana waga ‘ena wa da mai; ‘oio ia ‘itemu ta ‘enega ‘imu bubuna ‘i paruparuna epata tomota gete ‘ena mataguia.

Nugana 7:16

Ta taudi si rugu, esio iauiauna ‘enega me‘olotona ta mewainena si rugu, na‘ieana Eaubada ‘ena ‘i onaona: ta Ieoba ‘i gibodena.

Salamo 143:9

Ieoba ie, ‘u da ‘etoseegu ‘agu tarauwarao ‘ediega: ‘Emuia ia dena sabi ‘akwaiegu.

Salamo 17:8

‘U da ‘ita‘i‘isigu mata‐poupou ‘atua, Papemuao iauiaukwidi ‘agarauninaia ‘u da kwaiegu,

Salamo 27:5

Asiata ‘ebeloniu ‘enega ‘i da ‘egagara kwaiegu ‘ina anua‐‘ebe‘eiauiaukwa ‘enaia ta ‘enega: ‘Ina anua‐tabenakele ‘ina esena kwaia ‘ena ‘i da kwaiegu; ‘I da gilagasigu gurewa debanaia.

Salamo 30:5

‘Ina gamwasoara tuta matana ‘e bweuna tugama; Iawasida ‘ina nuabobo‘ana ‘enaia: Dedoi ‘i da miami nai boiboi ‘enega, Ta guausoara ‘i da mai gonagonaia.

Salamo 31:20

Mataio iauiaukwana ‘ena ‘u da kwaiedi tai ‘ina wasegigi ‘ediega: ‘U da ‘ita‘i‘ita kwaiedi anua‐‘ebe‘eiauiaukwa ‘enaia meia si losaia ‘enega.

Salamo 32:7

‘Oio ‘igu esena ‘ebemiakwaia; ‘ate‘uia‘uia ‘enega ‘u da egagaregu; ‘Etoseana ‘ana wari ‘ediega ‘u da giesakowasiegu. (Sela.)

Salamo 57:1

Eaubada ie, ‘u da ‘atenua‘ole‘oleiegu, ‘u da ‘atenua‘ole‘oleiegu; Iaruiaruagu ‘i denadena ‘emuia ta ‘enega: Tamo, papemuao iauiaukwadi ‘ena ia da dena, Ga iage to‘umalidi gete si da gumwara.

Salamo 57:2

Ia da bwau Eaubada To ‘Etana Sana ‘enaia; Eaubada ‘ena tauna iage iauiauna ‘i bubudi manugu.

Salamo 91:1

Tauna To Lo ‘Etana Sana ‘ina esena kwaia ‘ena ‘i miamia Tauna Toewaiwai Sana iauiaukwana ‘ena ‘i da mia baula.

Salamo 91:4

Dagurinega ‘i da tara‘apwariio Ta papena ‘agaraudia ‘u da dena; ‘Ina ona‘ai‘aila lawa ta lobodaboda.

Salamo 94:13

Be ‘enega to‘umalina ‘ana asiatao ‘ediega eiawai‘ata u ‘ebwaena, Ga siusiu si salena to‐to‘umalidi manudi.

Isaia 10:25

Tuta gidarina tuga ta ‘enega, ta egamwagamwagu ‘i da apwesa ai‘aila, ta ‘igu gamwasoara, ‘idi saoora ‘enega.

Isaia 10:5

Oioi me Asiria, ‘igu gamwasoara ‘ina keweliwelili, guna nina tauna nimanaia ‘igu egamwagamwagu ‘i miami!

Isaia 13:5

‘Asa ‘edasorega si mai, garewa esenana ‘ebelosaroniega, tuga Ieoba, ta ‘ina nuaiaiiai ‘ana ‘ebelosaiao, sabi giesaoora ‘asa maibo‘ana.

Isaia 34:2

Ieoba ma‘ina gamwasoara ‘ebeloina iauiaudi ‘edia ta ‘enega, ta egamwagamwagu ‘idi boda maibo‘ana ‘edia: ni‘atu ‘i giesaoora ‘aiailidi, unuunu ‘ena ‘i tagwaredi.

Isaia 51:16

Ta ‘igu ona ni‘atu ia sa‘u ‘awamuia, ta nimagu ‘ina iauiaukwa ‘ena ia bodemu, be ‘enega garewa ia da sa‘u ‘ai‘ailidi, ta bare‘u ‘ana ‘autu ia da sa‘udi, ta ia da ona Siona ‘ena, ‘Oio ‘igu tomota.

Isaia 51:4

‘Omi ‘igu tomota, ‘eguia wa da sana‘ilama; ‘Oio ‘igu ‘asa, ‘eguia ‘u da enonotenasi: loina ‘i da tauiawa ‘eguiega ta ‘enega, ta ‘igu etara ia da sa‘u ‘ai‘aili tomota ‘idi ma‘edana manuna.

Isaia 66:14

Ta wa da ‘itena, ta ‘atemi ‘i da guausoara, ta lulumi si da sinabwa ‘ai‘aila nedu nuana nadigega: ta Ieoba nimana ‘i da e‘ita ‘ina to‐guinuao ‘edia, ta nuana ‘i da to‘umalina ‘ana tarauwarao ‘edia.