Isaia 25:9 - Buki Tabu Lowaenei 1919

⁹ Ta asiata gote ‘enega si da gwae, Wa ‘ita, gete ‘ida Eaubada; manuna ta iamwaiamwa, ta ‘i da ‘etoseeda; gete Ieoba; manuna ta iamwaiamwa, ta da uiawana be ta da guausoara ‘ina ‘etoseana ‘enega.

Isaia 25:9 ပူးပေါင်းရင်းမြစ်များ

Nugana 49:18

Ieoba ie, ‘imu ‘etoseana manuna ia iamwaiamwa ni‘atui.

Salamo 100:1

Omi ‘asa iauiaumi, Wa da bwau ‘enami maguausoarina ‘enega Ieoba ‘enaia.

Salamo 20:5

‘Amu ‘etoseana ‘ena ‘a da ewaiwai, Ta ‘ima Eaubada ‘ana esana ‘ena ‘ima doe ‘a da gietooro; ‘Imu sidasida iauiauna Ieoba ‘i da guinua egumwari.

Salamo 21:1

King ‘i da guausoara ‘imu waiwai ‘ena, Ieoba ie; Ta ‘imu ‘etoseana ‘ena ‘i da uiawana sinabwana!

Salamo 27:14

Ieoba ‘ena ‘u da iamwaiamwa: ‘U da pa‘ara, be ‘ateio ‘i da nuanua waiwai; Tamo, Ieoba ‘ena ‘u da iamwaiamwana.

Salamo 33:20

Iaruiaruada Ieoba manuna ‘i iamwaiamwana: Tauna ‘ada ‘ebelema ta ‘ada lawa.

Salamo 33:21

‘Ateda ‘i da guausoara ‘enaia ta ‘enega, ‘Ana esana tabu ‘ena ni‘atu ta ‘emisa ta ‘enega.

Salamo 40:17

Ta ‘abo‘agu ia goamabeso ta ia nanaewa; Ta ‘Inapwana ‘i nua‘i‘isigu: ‘Oio ‘agu lema ta ‘agu to‘etoseana; Gea‘abo ‘u so‘iso‘i, ‘Igu Eaubada ie.

Salamo 9:14

Be ‘enega ‘amu tuputupu maibo‘ana ia da e‘ita: Siona natuna‐me‐wainena ‘ina ‘awa ‘edia, ‘Imu ‘etoseana ‘ena ia da guausoara.

Salamo 95:1

Wa da mai, ta da wari Ieoba ‘enaia: ‘Ada ‘etoseana ‘ina gurewa ‘ena ta da bwau ‘enada maguausoarina ‘enega.

Isaia 33:2

‘Ieoba ie, ‘emaia ‘u da nua‘ole‘ole; ni‘atu ‘a iamwaiamwa manuio: ‘oio ‘u da nimadi gonagona iauna, ‘ima ‘etoseana wate tuta loniu ‘enega.

Isaia 33:22

Ieoba ‘ida to loina ta ‘enega, Ieoba ‘ida to ‘ebwae‐loina, Ieoba ‘ida king; ‘i da ‘etoseeda.

Isaia 35:1

Mitawa ta esena waborebore si da ‘uiawana; ta kaukaudaita ‘i da guausoara ta ‘i da senina rose ‘atua.

Isaia 35:10

Ta Ieoba ‘ina lagwalagwadi si da ‘ilama, ta Siona ‘ena si da mai wariega; ta guausoara mia ‘ataia debadi, ‘edia ‘i da miami: ‘uiawana ta guausoara si da ‘ewa, ta dedoi be eiawasilagalaga si da denawa.

Isaia 35:2

‘I da senina sinabwana, ta ‘i da ‘uiawana, tamo, guausoarega ta wariega; Lebanona ‘ina esaesa ‘ena si da ‘ebwaea, Kaamela ta Sarona ‘idi bobo‘ai‘ailina: Ieoba ‘ina esaesa si da ‘itena, ‘ida Eaubada ‘ina bobo‘ai‘ailina.

Isaia 35:4

To ‘atesa‘ara wa da eonedi, Wa da ewaiwai, gea‘abo wa ‘atesa‘ara: wa ‘ita, ‘imi Eaubada ‘i da mai e‘isega, Eaubada ‘ina tamapuiega; ‘I da mai ta ‘i da ‘etoseemi.

Isaia 37:20

Ta ‘enega, Ieoba ie ‘ima Eaubada, gete ‘enega ‘u da ‘etoseema nimanega, be ‘enega bare‘u ‘ina ‘ebeloina iauiauna si da mwaratoni ‘aene ‘oio Ieoba, tuga tebweumumo.

Isaia 40:9

‘Oio tetera bobo‘ana ‘u etetera Siona ‘ena, ‘u da tu‘e ‘oea kesora ‘enaia; ‘Oio tetera bobo‘ana ‘u etetera Ierusalema ‘ena, ‘enaio ‘u da gitu‘eiei waiwaiega; ‘u da gitu‘eiei, gea‘abo ‘u matauta; Iuda ‘ina ‘asa ‘edia ‘u da gwae, Wa ‘ita, ‘imi Eaubada!

Isaia 41:16

‘U da louweuwenunudi, ta iagila ‘i da ‘ewa iauledi, ta bwawabwawa ‘i da lelewanedi: ta ‘u da guausoara Ieoba ‘ena, ‘u da lotuputupu Iseraela ‘ina Tabu Tebweuna ‘enaia.

Isaia 49:23

Ta kiniao si da tamamuao to amwamwa, ta ‘idi kuiniao sinamuao to amwamwa: si da bwagobwago sana mwa‘uta bare‘uia ‘emuia, ta ‘aeio ‘ina kau si da loiamosi: ta ‘u da mwaratoni ‘abo‘agu Ieoba, ta taudi si iamwaiamwa manugu gea‘abo si da omaiamaia.

Isaia 51:3

Ieoba Siona ‘ana guausoara ‘i sa‘u ta ‘enega: ‘ina esena waborebore iauiaudi ‘adi guausoara ‘i sa‘u, ta ‘ina mitawa ‘i bubuna Edena nadigega, ta ‘ina kaukaudaisinamo nadigega Ieoba ‘ina bagura; guausoara ta ‘uiawana si da lobedi ‘enaia, lotuputupu, ta wari ‘ai‘aila ‘enana.

Isaia 52:10

Ieoba ni‘atu nimana tabu ‘ana ‘oama ‘i lolona ‘ebeloina iauiauna matadia; ta bare‘u ‘ana ‘ebelosaroni iauiauna ‘ida Eaubada ‘ina ‘etoseana si da ‘ita.

Isaia 60:16

‘Ebeloinao ‘idi susu ‘u da numa wate, ta kiniao susudi ‘u da esusu: ta ‘u da mwaratoni ‘aene ‘abo‘agu Ieoba ‘abo‘agu ‘amu To‘Etoseana, ta ‘amu to‘ewalima, Iakobo ‘ina Waiwai Tebweuna.

Isaia 61:10

Ieoba ‘enega ia da guausoara sinabwana, iaruiaruagu ‘i da guausoara ‘igu Eaubada ‘enega; ni‘atu ‘i e‘otegu ‘etoseana ‘ana ‘oama ‘ediega ta ‘enega, bubuna paruparu ‘ana tara‘apwarega ni‘atu ‘i bodegu, ‘atua toai me‘olotona ‘i eiarina tauna iaiarega, ta ‘atua toai mewainena ‘i eiarina tauna ‘ina oesiega.

Isaia 64:4

Lowaeneiega tai nigea si nonono ta ‘enega, nai tenadiega si sinapu, nai mata i ‘ita mari Eaubada ‘e bweuna tebweuio tuga, tauna ‘i guinua tauna ‘i iamwaiamwana manuna.

Isaia 65:18

Ta wa da guausoara ta wa da ‘uiawana ‘ataia iage ia mweruruina ‘enega: wa ‘ita, ta ‘enega, Ierusalema ia mweruruina ‘ebeguausoara, ta ‘ina tomota ‘ebe‘uiawana.

Isaia 8:17

Ta ia da iamwaiamwa Ieoba manuna, tauna maninina ‘i e‘etokwaiena Iakobo ‘ina susu ‘enega, ta ia da ‘ebesena.