Isaia 25:8 - Buki Tabu Lowaenei 1919

⁸ Mwawasa ni‘atu ‘i tonena ‘ataia; ta ‘Inapwana Eaubada mataseru ‘i da lo‘i‘ili iaulei iauiaudi maninidiega; ta ‘ina tomota ‘adi ‘ebesinasinara ‘i da ‘ewa bare‘u maibo‘anega: Ieoba ni‘atu ‘i oneonena ta ‘enega.

Isaia 25:8 ပူးပေါင်းရင်းမြစ်များ

Salamo 116:8

Iaruiaruagu u ‘etoseena mwawasega ta ‘enega, Matagu mataseru ‘ediega, Ta ‘aegu be‘u ‘enega.

Salamo 69:9

‘Imu anua ‘ina waiwai ni‘atu i ‘eegumwarigu ta enega; Ta taudi si ba‘eba‘emu ‘idi ba‘eao ‘eguia si be‘u.

Isaia 26:19

‘Imu to mwawasa si da bobo‘ana; ‘igu kokoaiao si da tooro. Wa da tooro be wa da wari, ‘omi kau ‘ena wa miami: ‘imu gaguna ‘atua pwatura gagunidi ta ‘enega, ta bare‘u to kwaia ‘i da ‘ula apwesedi.

Isaia 30:19

Tomota Siona ‘ena si da miami Ierusalema ‘enaia ta ‘enega: gea‘abo wate ‘u da dedoi; ‘imu bwau ‘enanega ‘i da nua‘ole‘ole ‘ai‘aila ‘emuia; ‘ena ‘i da nono, ‘i da ona limana ‘emuia.

Isaia 30:26

Wate nawarae ‘ina ma‘edana ‘i da na‘ieana sinara ‘ina ma‘edana, ta sinara ‘ina ma‘edana ‘i da esebeni, ‘atua asiata ‘e sebeni ‘adi ma‘edana, asiata nina ‘enega Ieoba ‘ina tomota ‘idi elo‘uia ‘i paimina, ta ‘idi ‘abiiama ‘ina ‘ebeunua ‘i giebobo‘anena.

Isaia 35:10

Ta Ieoba ‘ina lagwalagwadi si da ‘ilama, ta Siona ‘ena si da mai wariega; ta guausoara mia ‘ataia debadi, ‘edia ‘i da miami: ‘uiawana ta guausoara si da ‘ewa, ta dedoi be eiawasilagalaga si da denawa.

Isaia 37:3

Ta si eonena, Gete nadigega Esekia ‘i gwae, Asiata gete asiata loniu, ta asiata elia, ta asiata ‘ebesinara: gogama i ‘abe si tubua, ta nigea waiwai be si da enatunedi.

Isaia 51:11

Ta Ieoba ‘ina li‘ali‘amidi si da ‘ilama, ta Siona ‘ena si da mai wariwariega; ta guausoara ‘ataia debadia ‘i da miami: guausoara ta ‘uiawana si da ‘ewa, ta dedoi be eiawasilagalaga si da dena.

Isaia 51:7

‘Eguia wa da nono, ‘omi bubuna paruparu wa mwaratoni, ‘omi tomota ‘igu loina ‘atemia ‘i miami; tai ‘idi ba‘e gea‘abo wa matautena, nai wa da ‘atesa‘ara ‘idi eliao manudi.

Isaia 54:4

Gea‘abo ‘u matauta; gea‘abo ‘u da omaiamaia ta ‘enega: nai nuaio ‘i da owana; gea‘abo ‘amu omaiamaiamo ta ‘enega: ‘imu tuta gomagweine ‘ina omaiamaia ‘u da nuapupure ta ‘enega, ta ‘imu tuta ‘oabura ‘ana ‘ebesinara gea‘abo wate ‘u da nua‘i‘isina.

Isaia 60:15

Lowa si e‘idi‘idiemu ta si guitoasemu, ta ‘enega nigea ‘e bweu tai ‘i rubwareio, ta gete ia da bubuio be ‘u da bobo‘ai‘ailina ‘ataia, ‘epata tomota iauna ‘idi ‘ebeguausoara.

Isaia 61:7

‘Imi omaiamaia manuna girua wa da ‘ewa: ta nuaowana manuna si da guausoara ‘idi esena ‘enaia: ta ‘enega ‘idi ‘asa ‘ena e rua si da ‘ewa: guausoara ‘ataia ‘i da miami ‘edia.

Isaia 65:19

Ta Ierusalemega ia da guausoara, ta ‘igu tomota ‘ediega ia da ‘uiawana: ta dedoi ‘enana gea‘abo wate ‘ena si da nono, nai bwau ‘enana.

Isaia 66:5

Ieoba ‘ina ona wa da nonona, ‘omi wa dedera ‘ina ona ‘enega: Tasimiao si guitoasemi, taudi si ‘ulaapwesemi ‘agu esana manuna, ni‘atu si gwae, Ieoba si da ‘awaeseesei, be ‘enega ‘imi guausoara ‘a da ‘itena; ta si da omaiamaia.