Isaia 25:2 - Buki Tabu Lowaenei 1919

² ‘Asa ‘u bubuna ga sa‘usa‘u epopona ta ‘enega; ‘asa ma‘ana ‘ari ga ‘asa weawearina; to‘u‘u‘mara ‘idi anua esaesa ga asa nigea ‘e bweu; gea‘abo si da ‘abina.

Isaia 25:2 ပူးပေါင်းရင်းမြစ်များ

Isaia 13:20

Gea‘abo ‘e bweu ‘ena ‘i da ‘abi anua, nai epata tomota ga epata‐tomota ‘e bweu ‘ena ‘i da miami: nai goma Arabea ‘ina anua ‘ena ‘i da ‘abi; nai to‐ita‘i‘isi‐sipi ‘idi sipi iau si da e‘enoi ‘enaia.

Isaia 13:21

Ta kaukaudaisinamo bosasana ‘ena si da ‘eno; ta ‘idi anua si da maa manua didiga ‘ediega; ta ositereti ‘ena si da miami, ta gota me‘olotodi ‘ena si da laulausa.

Isaia 13:22

Ta wolipa si da bwau ‘idi anua pa‘ara ‘edia, ta kedewamitawa ‘idi anua esaesa ‘adi ‘ita bobo‘ana ‘edia: ta ‘ana tuta i ‘abe ‘i mema, ta ‘ina asiatao gea‘abo si da mia dudura!

Isaia 14:23

Wate ia da bubuna be i ‘egu‘eguia pokupaine manuna, ta sewasewa boasi: ta ia da siaioa esaoori ‘ina ‘ebesiaioaega, bodao ‘idi Ieoba ‘i gwae.

Isaia 17:1

Damaseko ‘ana ona. Wa ‘ita, Damaseko si ‘ewena be gea‘abo ‘i da ‘asa, ta ‘i da siwa ‘epopo geiogeioi.

Isaia 17:3

Anua‐pa‘ara wate ‘i da gumwara Eparaimega, ta ‘ebeloina Damasekoega, ta Siria tupwana; si da nadigega Iseraela tubunao ‘idi esaesa, bodao ‘idi Ieoba ‘i gwae.

Isaia 21:9

Ta, u ‘ita, gete ‘ena tai mabodana ‘i mai, togeruose ruaruadi. Ta ‘i ona limana ta ‘i gwae, Babulonia ‘i be‘u, ‘i be‘u; ta ‘ina eaubadao ‘idi goamamea daiadaiagidi iauiaudi si ‘episaridi ga bare‘uia.

Isaia 23:11

Nimana ni‘atu ‘i iasitoto ora debanaia, ‘ebeloinao ni‘atu ‘i giniuiedi: Ieoba ni‘atu ‘i loina Kanania manuna, be ‘ina anua ‘ebepa‘ara ‘i da giesaooridi.

Isaia 23:13

Wa ‘ita, me Kaladea ‘idi ‘asa: tomota gete nigea wate ‘e bweu; goma Asiria i ‘aseiena mitawa ‘ina iobai manudi: ‘idi anua ‘etosoradi si gietoorodi, ‘ina anua esaesa si ‘auseparedi; ‘i giesawaridi.

Isaia 24:10

‘Asa kakaena ‘i lasena: anua iauiauna si gibodedi, be ‘enega gea‘abo ‘e bweu ‘ena ‘i da ruguma.

Isaia 25:12

Ta ‘imu ‘arigurewa ‘idi anua saia ‘etosorana ‘ina anua‐‘ebe‘ita‘i‘isi ni‘atu ‘i ‘ewamwa‘utena, ‘i sa‘u mwa‘utena, ta ‘i me‘ena bare‘uia, tuga kau ‘enaia.

Isaia 26:5

Taudi si miatu‘e ni‘atu i ‘ewa‐mwa‘utedi ta ‘enega, ‘asa mi‘atu‘e; ‘i e‘enoina, ‘i e‘enoina ga bare‘uia; ‘i me‘ena kau ‘enaia.

Isaia 27:10

‘Asa si ‘ari‐sakowasiena ni‘atu ‘i waborebore ta ‘enega, ‘ebemia si pilisinena ta si e‘idi‘idiena, nadigega mitawa: ‘ena bulomakau menonoiana ‘i da ‘e‘ai, ta ‘ena ‘i da ‘eno, ta narinao ‘i da loegumwaridi.

Isaia 32:14

Anua esaesa si da e‘idi‘idia ta ‘enega; ‘asa tomoiauiau si da pilisinena; ‘oea ta anua ‘ebe‘ita‘i‘isi si da egaula ‘ataia, ‘ase bomitawa ‘idi ‘ebeguausoara, sipi iau ‘adi ‘ebe‘e‘ai;

Isaia 32:19

Ta ‘usana ‘i da patu, mitawa ‘ina be‘u ‘ena; ta ‘asa ‘i da ‘eno mwa‘uta ‘ai‘aila.

Isaia 34:13

Ta ‘ina anua esaesa ‘edia kwakwakwara si da tabwa, dibi ta pwatura ‘ina anua‘ebesaia ‘edia: ta ‘i da ekedewamitawa ‘idi ‘ebemia, ‘atamana kasuweri manudi.

Isaia 37:26

Nigea na ‘u nonona lowaenei ia guinuena, ta gimi tutao ‘ediega ia mweruruina? gete ‘enega ia gieapwesena, be ‘oio ‘u miami be ‘asa ma‘adi ‘arigurewa ‘u giesawaridi ga si esa‘u epopo mudamudaridi.