Isaia 25:11 - Buki Tabu Lowaenei 1919

¹¹ Ta gamwagamwanaia nimanao ‘i da iasitoto, ‘atua tauna ‘i tutube nimanao ‘i iasitoto sabi tube: ta ‘ina gagasa ‘i da sa‘u mwa‘utena nimanao ‘idi pana‘ita rererea ma‘ieana.

Isaia 25:11 ပူးပေါင်းရင်းမြစ်များ

Salamo 2:5

Ga ‘ina gamwasoara ‘enega ‘i da ona ‘edia, Ta ‘ina egamwagamwagu ‘enega ‘i da gie‐edeededonidi:

Isaia 10:33

Wa ‘ita, ‘Inapwana, bodao ‘idi Ieoba, kaiwe narina garudi ‘i da ‘upwa iauledi didigega: ta taudi ‘adi ketosora ‘i lo‘etana ‘i da tara mwa‘utedi, ta to mia tu‘e si da mia mwa‘uta.

Isaia 13:11

Ta gabura ia da ununa ‘idi to‘umalina manuna, ta to to‘umalidi ‘idi bubuna bokobokona manuna; ta to gagasa ‘idi esinasinara ia da loegumwarina, ta to didiga ‘idi gagasa ia da ulamwa‘uta.

Isaia 14:26

Gete loina nina ia loina bare‘u maibo‘ana ‘enaia: ta gete nima nina ia iasitoto ‘ebeloina iauiaudi ‘edia.

Isaia 16:14

Ta gete ‘enega Ieoba ni‘atu ‘i onaona, ‘i gwaegwae, Iakwara ‘e toi nigea si da gumwara, nadigega to‐guinua e‘isa ‘ana iakwarao, ga Moaba ‘ina esaesa si da sinarina, ‘ina boda sinabwana iauiaudi ma‘enao; ta tupwana si da gidara ta nigea ‘e bweu ‘i da ‘amaiabena.

Isaia 16:6

Moaba ‘ina gagasa manuna ‘a nonona, ‘aene ‘i gagasa sinabwana; tuga ‘ina bubuna tu‘e, ‘ina gagasa be, ‘ina gamwasoara be, manudi; ‘ina ona gagasa ni‘atu nigea ‘e bweu.

Isaia 2:10

Gurewa ‘ena ‘u da rugu, ta kau ‘ena ‘u da ‘akwaiemu, Ieoba ‘ina didigega, ta ‘ina sinabwa ‘ana esaesa ‘enega.

Isaia 2:11

Ta tai ‘ana ‘itatu‘eiao si da mia mwa‘uta, ta tai ‘idi gagasa ‘i da mia ‘opu‘opu, ta Ieoba tebweuna ‘i da miatu‘e asiata gote ‘enega.

Isaia 2:15

Ta anua ‘ebe‘ita‘i‘isi ‘etosora iauna ‘enaia, ta ‘ari gurewa iauna ‘enaia;

Isaia 25:5

‘Atua iaiiai esena iadaiada ‘ena to‘u‘umara ‘idi dududu ‘u da ‘ewa mwautenama; ‘atua iaiiai poana iauiaukwana ‘enega, to didiga ‘idi wari ‘i da mwa‘uta.

Isaia 5:25

Ta ‘enega Ieoba ‘ina gamwasoara i ‘ara‘arata ‘ina tomota ‘edia, ta ni‘atu nimana ‘i gilagasina ‘edia, ta ‘i unudi, ta ‘oea gidaridi si dedera, ta ‘idi kokoao si esumwana ‘atua ‘eda gamwagamwanidia. Iage maibo‘ana gete manuna ‘ina gamwasoara nigea ‘i sana‘ilawa, ta nimana ‘i iasitoto ‘ataena.

Isaia 53:12

Ta ‘enega tomwana ia da ‘eguiai‘ena mesinabwadi ma‘edi, ta tauna gwegwe‘oae ‘i da ‘eguiai e‘ewaiwaidi ma‘edi; iaruiaruana ‘i siwena mwawasa ‘enaia ia ‘enega, ta si sawena to li‘oa‐loina ma‘edi: ta iauiaudi ‘idi loegesi i ‘a‘ara, ta ‘i sidasida to li‘oa‐loina manudi.

Isaia 65:2

Asiata maibo‘ana nimaguao ia iasitoto tomota loguitoasa ‘edia, taudi ‘eda nigea bobo‘ana ‘enega si tautauia, taudi ‘idi nuanua nadigega: