Isaia 24:20 - Buki Tabu Lowaenei 1919

²⁰ Bare‘u ‘i da gadogado tai numanumabolausina ‘atua, ta ‘i da loniu dadana ioeioe ‘atua; ta ‘ana li‘oaloina ‘i da mwau ‘enaia, ta ‘i da be‘u, ta gea‘abo ‘i da tooro limana.

Isaia 24:20 ပူးပေါင်းရင်းမြစ်များ

Nugana 41:31

ta masura sinabwana nina gea‘abo si da mwaramwaratonina ‘asa ‘enaia botana gote ‘i murimuriama leleana; ‘i da mwauwawasae ta ‘enega.

Salamo 107:27

Si loniu dadana, ta si gado gado ‘atua tai ‘i numa bolausa, Ta ‘idi sinasinapu ‘i gumwara ‘ai‘aila.

Salamo 38:4

‘Igu bubuna bokobokodi si mia debaguia; ‘Atua ‘a‘ara mwauna si mwauwawasae ‘eguia.

Isaia 1:28

Ta to‐li‘oa‐loinao ta to‐to‘umalidi ‘adi weara ‘i da erererea, ta taudi Ieoba si e‘idi‘idiena ‘i da‘arata ‘e gumwaridi.

Isaia 1:8

Ta Siona natuna me wainena si pilisinena ‘atua ioeioe baguraoine ‘enaia, ‘atua miakabo ‘ana anua bagura‐pai ‘enaia, ‘atua ‘asa si sakowasiena.

Isaia 19:14

Ieoba iaruiarua loguitoasa ‘i ilia soranaia: Aigupito si gieloegesiei guinua iauna ‘enega, ‘atua tai ‘i numa bolausa ‘i gadogado ‘ina maiwa ‘ena.

Isaia 24:1

Wa ‘ita, Ieoba bare‘u ‘i giekakaena, ta ‘i giewaboreboreiena, ta ‘i gibunina, ta ‘ana tomi ‘i lelewana dadanedi.

Isaia 28:7

Taudi gete wate si loegesi oineega, ta boasi pa‘arina ‘enega si tauia gesi; to taria ta paropita si loegesi boasi pa‘arina ‘enega, oineega si maa, si tauia gesi boasi pa‘arina ‘enega; si loegesi ‘ita‘ita ‘enega, si esetupedi etara ‘enega.

Isaia 29:9

Wa da iamwaiamwa ta nuami ‘i da owana; ‘imi ‘ebeguausoara wa da ‘ewa, ta wa da matakebo: si elausi, ta nigea oineega; si gadogado, ta nigea boasi pa‘arega.

Isaia 38:12

‘Agu tuta ni‘atu ‘i tauia, ta ‘eguiega si tauiena ‘atua to‐‘ita‘i‘isi‐sipi ‘ina ‘etoioburu; Iawasigu ia nunumina towasiwasi nadigega; ‘ebewasiwasiega ‘i da ‘upwaiaulegu; Asiata ‘enega ga boiboi ‘u da loegumwariguia.

Isaia 43:27

Gimi tamaio ‘i loegesi, ta ‘imu to‐gibuniona ‘eguia si li‘oa‐loina.

Isaia 66:24

Ta si da apwesawa, ta tai si li‘oa loina ‘eguia ‘adi kokoa si da duneedi: ‘idi didimwana gea‘abo ‘i da mwawasa ta ‘enega, nai ‘idi awe‘ara‘arata ‘i da kweu; ta si da ‘ebegadilulu esio maibo‘ana ‘enaia.