Isaia 23:13 - Buki Tabu Lowaenei 1919

¹³ Wa ‘ita, me Kaladea ‘idi ‘asa: tomota gete nigea wate ‘e bweu; goma Asiria i ‘aseiena mitawa ‘ina iobai manudi: ‘idi anua ‘etosoradi si gietoorodi, ‘ina anua esaesa si ‘auseparedi; ‘i giesawaridi.

Isaia 23:13 ပူးပေါင်းရင်းမြစ်များ

Nugana 11:28

Ta Arana ‘i mwawasa tamana Tera matanaia ‘ina ‘asa ‘ina ‘ebetubua ‘enaia, me Kaladea ‘idi Ura ‘enaia.

Nugana 11:31

Ta Tera natuna Aberamo i ‘au‘ewena, ta Lota Arana natuna, natuna natuna, ta Sarai lawana, tauna natuna Aberamo mwanena; ta ma‘ediao si tauiawa me Kaladea ‘idi Ura ‘enega, sabi tauia ‘asa Kanania ‘enaia; ta ‘asa Arana ‘ena si mai, ta ‘ena si miami.

Nugana 11:9

‘Enega si eesena Babela; gote ‘ena Ieoba bare‘u maibo‘ana ‘enana ‘i giekwanikwanina: ta gote ‘enega Ieoba ‘i lolelewana dadanedi bare‘u maibo‘ana matanaia.

Nugana 2:14

Ta ‘awa ‘e tonina ‘ana esana Idekela: tauna Asiria matanaia ‘i daudau. Ta ‘awa ‘e atana Euperatesa.

Salamo 72:9

Taudi mitawaia si miami matanaia si da bwago; Ta ‘ana tarauwarao kau si da loiamosi.

Isaia 10:5

Oioi me Asiria, ‘igu gamwasoara ‘ina keweliwelili, guna nina tauna nimanaia ‘igu egamwagamwagu ‘i miami!

Isaia 10:7

Ta nigea ‘i nuena nadigega, nai ‘atena nadigega ‘i nuanua; ta ‘atenaia ‘aene ‘i da giesaoora, ta ‘aene ‘ebeloina nigea pu‘epu‘edi ‘i da ‘upwa iauledi.

Isaia 13:19

Ta Babulonia, ‘ebeloinao ‘idi esaesa, me Kalidea ‘idi ‘ebegagasa ‘ana ‘ita bobo‘ana, ‘i da nadigega ‘ena Eaubada Sodoma ta Gomora i ‘ulamwa‘utedi.

Isaia 13:21

Ta kaukaudaisinamo bosasana ‘ena si da ‘eno; ta ‘idi anua si da maa manua didiga ‘ediega; ta ositereti ‘ena si da miami, ta gota me‘olotodi ‘ena si da laulausa.

Isaia 18:6

Si da miami rererea ‘oeao ‘idi manua to ‘e‘ai didiga ‘edia, ta bare‘u bomitawana ‘edia: ta manua to ‘e‘ai didiga si da enawarae‐iaiiai ‘edia, ta bare‘u bomitawana iauiaudi si da enawarae‐gogai ‘edia.

Isaia 43:14

Ieoba, ‘imi to‐‘ewalimana, Iseraela ‘ina Tabu Tebweuna, gete nadigega ‘i gwae; Leleami Babulonia ‘ena ia etune, ta iauiaudi ia da ‘au‘ewa mwa‘utedi to denadena ‘atua, tuga me Kalidea, ‘idi guausoara ‘idi waga ‘edia.