Isaia 19:20 - Buki Tabu Lowaenei 1919

²⁰ Ta ‘i da we‘iwe‘iiaia manuna ta ‘ebe‘ita manuna bodao ‘idi Ieoba ‘enaia ‘asa Aigupito ‘enaia: si da bwau Ieoba ‘ena ta ‘enega to‐didiga manudi, ta to ‘etoseana ‘i da etunena ‘edia, ta to leme, ta ‘i da ‘etoseedi.

Isaia 19:20 ပူးပေါင်းရင်းမြစ်များ

Salamo 50:15

Asiata ‘ate‘uia‘uia ‘eguia ‘u da bwau; Ia da ‘etoseemu, ta ‘u da ‘awaeseesegu.

Si Apwesa 2:23

Ta asiata iauna gotedi ‘ediega gete ‘i apwesa, Aigupito ‘ana king ‘i kwaia: ta Iseraela tubunao si eiawasilagalaga iona manuna, ta si bwaubwau, ta ‘idi bwau ‘i tu‘ema Eaubada ‘enaia iona manuna.

Si Apwesa 3:7

Ta Ieoba ‘i ona, ‘Igu tomota Aigupito ‘ena ‘idi elo‘uia ni‘atu ia ‘ita ‘ai‘ailina, ta ‘idi bwau ‘idi to‐loina‐guinua manudi ni‘atu ia nonona; ‘idi ‘ate‘uia‘uia ia mwaramwaratoni ta ‘enega;

Isaia 19:4

Ta me Aigupito ia da tagwaredi ‘inapwana nuageiogeioi nimanaia; ta king didiga ‘i da loinedi, ‘Inapwana ‘i gwae, bodao ‘idi Ieoba.

Isaia 20:4

Nadigega Asiria ‘ana king me Aigupito ioniionidi, ta me Aitiope ‘idi to mia to‘u‘umara, ‘i da ‘au‘ewedi, me goamadi ta me sinabwadi, bwaradaisidi ta ‘aedaisidi, ta siabe‘ube‘udi nigea ‘aubodedimo, Aigupito ‘ana omaiamaia.

Isaia 37:36

Ta Ieoba ‘ina anelose ‘i apwesawa, ta me Asiria ‘idi ‘ebe‘eno ‘ena ‘i unudi wan anaredi ta eti paibe tausana: ta ni‘atu tai si tooro manini gonagonaia, ga wa ‘ita, iauiaudi kokoa mwawamwawasidi.

Isaia 43:11

‘Abo‘agu, tuga ‘Abo‘agu, taugu Ieoba: ta ‘abo‘agu nigea, to‐‘etoseana nigea ‘e bweu.

Isaia 43:3

‘Abo‘agu Ieoba ‘imu Eaubada, Iseraela ‘ina Tabu Tebweuna, ‘amu to‐‘eto‐seana; Aigupito ia ‘ebwaea ‘amu e‘isa, Aitiope ta Seba manuio.

Isaia 45:15

Ona ‘ai‘aila ‘oio Eaubada ‘u kwaiemu, Iseraela ‘ina Eaubada ie, To ‘Etoseana.

Isaia 52:5

Gete ‘enega, to‘ase ia guinua gete, Ieoba ‘i gwae, ‘igu tomota si ‘au‘ewa daisidi ta ‘enega? Taudi si loinedi si bwaubwau didiga, Ieoba ‘i gwae, ta ‘agu esana asiata maibo‘ana si ‘ina‘inana besobeso ‘ataia.

Isaia 55:13

Kaiwe saiperesa ‘i da tabwa kwakwakwara ‘ana lopa‘eru, ta kaiwe saido ‘i da tabwa kaiwe dakadakana ‘ana lopa‘eru: ta ‘i da esana manuna Ieoba ‘enaia, we‘iwe‘iiaia ‘ataia nigea si da ‘upwa iaulena manuna.

Isaia 60:16

‘Ebeloinao ‘idi susu ‘u da numa wate, ta kiniao susudi ‘u da esusu: ta ‘u da mwaratoni ‘aene ‘abo‘agu Ieoba ‘abo‘agu ‘amu To‘Etoseana, ta ‘amu to‘ewalima, Iakobo ‘ina Waiwai Tebweuna.

Isaia 63:8

‘I gwae ta ‘enega, Ona ‘ai‘aila, taudi ‘igu tomota, natuguao nigea si da bubu kabokabo: nadigega tauna ‘adi to‘etoseana.