Isaia 17:14 - Buki Tabu Lowaenei 1919

¹⁴ Asunuanua wa ‘ita ‘ebedidiga; ta gonagona nuganinaia nigea si miami. Gete taudi si ‘oaeda ‘idi iage, ta taudi si ‘ipwarida ‘idi ‘egu‘eguiai.

Isaia 17:14 ပူးပေါင်းရင်းမြစ်များ

Salamo 37:36

Ta ia tauia, ta, wa ‘ita, nigea ‘i miami: Tamo, ia ‘ebesena, ta nigea ia lobaloba.

Isaia 10:25

Tuta gidarina tuga ta ‘enega, ta egamwagamwagu ‘i da apwesa ai‘aila, ta ‘igu gamwasoara, ‘idi saoora ‘enega.

Isaia 21:12

To ‘ita‘i‘isi ‘i gwae, Gonagona ‘i memai, ta boiboi wate: ‘abo nuami wa da eona, wa da eona: wa da sana‘ilama, wa da mai.

Isaia 29:2

Ga Ariela ia da e‘atemutuiena, ta dedoi ta ‘ewabamu si da apwesa: ta ‘i da Ariela na‘ieana ‘eguia.

Isaia 29:5

Ta ‘amu tarauwarao ‘adi iau si da kau matagidarina na‘ieana, ta to‐didigao ‘adi iau na‘ieana witibwarana ‘i sawasawara: tamo, ‘i da apwesama manini.

Isaia 29:7

Ta ‘ebeloinao iauiaudi ‘adi iau si losaia Ariela enaia, tuga iauiaudi si losaia matanaia ta ‘ina anua pa‘ara matanaia, ta si e‘atemutuiena, si da madawara ‘atua, boiboi, ‘ina ‘ita‐iage.

Isaia 30:28

Ta iawasina ‘atua boasi‐daudau ‘i maa‘apu‘apu, tauna ‘i tu‘e ga ‘oto ‘enaia, be ‘ebeloinao ‘i da lolulusidi iage besobeso ‘ana ‘ebelolulutega: ta ‘etoboda gieloegesi tomota ‘asemwaudi ‘edia.

Isaia 33:1

‘Oioi ‘emuia ‘u to e‘oae‘oae, ta nigea si ‘oaeio; ta ‘u bubu geiogeioi, ta nigea si bubuna geiogeioi ‘emuia! Ni‘atu e‘oae‘oae ‘u sa‘una, ga si da ‘oaeio; ta ni‘atu bubuna geiogeioi ‘u sa‘una, ga si da bubuna geiogeioi ‘emuia.

Isaia 33:18

‘Ateio ‘i da nuanua didiga manuna: tauna ‘i sawa mane, tauna i ‘etokuge mane? Tauna anua ‘etosoradi ‘i sawedi mane?

Isaia 34:17

Ta i ‘ula‐‘esinua manudi, ta nimana i ‘eguiai ‘edia rabega: si da ‘ewa ‘ataiena, ‘epata‐tomota ga ‘epata‐tomota ‘ena si da miami.

Isaia 41:12

‘U da ‘ebesedi, ta nigea ‘u da lobalobadi, tuga taudi wa e‘upwa ma‘ieaio: taudi si losaia ‘emuia si da na‘ieana nigea ‘e bweu, ta na‘ieana iage besobeso.