Isaia 14:32 - Buki Tabu Lowaenei 1919

³² Ga toase ‘e bweu ‘i da ona limana ‘ebeloina ‘ina etuetune ‘enaia? Ieoba Siona ‘ana ‘autui ‘i sa‘ui, ta ‘ena ‘ina tomota ‘elo‘uiadi si da denadena.

Isaia 14:32 ပူးပေါင်းရင်းမြစ်များ

Salamo 102:16

Ieoba Siona i ‘abi tu‘e ta ‘enega, Ni‘atu ‘i apwesa ‘ina esaesa ‘enaia;

Salamo 102:28

‘Imu to guinuao natudiao si da miami, Ta tubudiao si da pa‘ara matamuia.

Salamo 48:4

Wa ‘ita ta ‘enega, king si egogona taudi, Si tauia rererea, deinaia.

Salamo 87:1

‘Ina ‘autui ‘oea ‘e‘etabudi ‘edia ‘i miami.

Salamo 87:5

Tamo, Siona manuna si da gwae, Tauna gete ta tauna gote ‘ena ‘i tubua; To To Lo‘etana Sana tauna i da giepa‘arina.

Isaia 11:4

Ta bubuna paruparuiega gomabeso ‘i da loinedi, ta bubuna ‘ai‘ailega ‘i da ba‘e ‘asa ‘ana to nuana manudi: ta ‘asa ‘i da ununa ‘awana ‘ina keweliweliliega, ta sopana iawasinega to to‘umalidi ‘i da loemwawasidi.

Isaia 12:6

Wa da ona toila ta wa da bwau, ‘oio Siona ‘ana tomi: Iseraela ‘ina Tabu Tebweuna ‘i sinabwa gamwagamwaniio ta ‘enega.

Isaia 25:4

‘Oio ‘ebepa‘ara gomabeso ‘edia ta ‘enega, ‘ebepa‘ara nanaewa ‘enaia ‘ina ‘atesa‘ara ‘enega, ‘ebedena wediliega, iauiaukwa iaiiaiega, ‘ena to didiga ‘idi apwesama nadigega wedilia ‘arigurewa ‘enaia.

Isaia 28:16

Ta ‘enega ‘Inapwana Eaubada gete nadigega ‘i gwae, Wa ‘ita, Siona ‘ena gurewa ia sa‘una ‘autu manuna, gurewa tootoona, ‘autui ‘ai‘aila gurewana tupitupina bobo‘ai‘ailina: tauna ‘i iareiare gea‘abo ‘i da lomanini.

Isaia 29:19

Taudi si mia oonua wate ‘idi guausoara si da giesinabwa Ieoba ‘ena, ta gomabeso tomota ‘edia si da uiawana Iseraela ‘ina Tabu Tebweuna ‘enaia.

Isaia 37:32

Ierusalemega tupwana ‘i da apwesa ta enega, ta ‘oea Sionega taudi si da dena; bodao ‘idi Ieoba ‘ina waiwai iage gete ‘i da bubuna.

Isaia 37:9

Ta ona ‘i nonona Tiraka Aitiope ‘ana king manuna, Ni‘atu ‘i apwesama sabi saia ‘emuia. Ta ni‘atu ‘i nonona ga topiliiareiare ‘i etunedi Esekia ‘ena, ‘i gwae,

Isaia 39:1

Tuta gote Merodakabaladana tauna Baladana natuna, tauna Babulonia ‘ana king, leta ta ‘ebwaeadaita ‘i etunedi Esekia ‘ena: ‘i nono ‘aene ‘i le‘oasa, ta ‘i bobo‘ana limana ta ‘enega.

Isaia 4:6

Ta tabenakele ‘i da miami iauiaukwa manuna asiata ‘enega iaiiaiega, ta ‘ebedena manuna ta ‘auboda manuna iagila sinabwanega ta ‘usanega.

Isaia 44:28

Tauna ‘i gwae Koresa manuna, Tauna ‘igu to‐‘ita‘i‘isi‐sipi, ta ‘igu nuena iauiauna ‘i da guinua: tuga Ierusalema manuna ‘i gwae, si da ‘abina; ta anuatabu ‘ena, ‘Imu ‘autui si da sa‘u.

Isaia 54:11

‘Oio ‘elo‘uiaio, wedilia i ‘ula tu‘eieio, ta nigea ‘imu guausoaramo, u ‘ita, ‘imu gurewao ia da sa‘u mena‘arega, ta ‘imu ‘autuiao sapairega.

Isaia 57:13

‘Ena ‘u dedoi, taudi ‘u egogonedi si da ‘etoseemu: ta iagila ‘i da tauiedi, uweuwenunu ‘i da siieiedi iauiaudi: ta tauna ‘eguia i ‘emisa ‘asa ‘i da ‘ewa, ta ‘igu ‘oea tabu ‘i da ‘ewena.