Isaia 11:14 - Buki Tabu Lowaenei 1919

¹⁴ Ta si da taea mwa‘uta me Pilisitia ‘aradi ‘ena ‘ebwaga ‘enaia; rererea bomatu gogamadi si da ‘oaedi: nimadi si da sa‘u Edoma ta Moabe ‘edia; ta Amona natunao si da ematamatana ‘edia.

Isaia 11:14 ပူးပေါင်းရင်းမြစ်များ

Isaia 14:29

Pilisitia ie, gea‘abo ‘u guausoara, maibo‘aio, keweliwelili ‘i unumu ‘i elasena manuna: moata ramunega moata darerena ‘i da apwesa ta ‘enega, ta uana ‘i da moata ‘ara‘arata taetae.

Isaia 15:1

Moabe ‘ana ona. Boiboi ‘e bweuna ‘enega Moaba ‘ina Ara ‘i kakaena, ta si bubuna ga nigea ‘e bweu ta ‘enega; boiboi ‘e bweuna ‘enega Moaba ‘ina Kira ‘i kakaena, ta si bubuna ga nigea ‘e bweu ta ‘enega.

Isaia 16:14

Ta gete ‘enega Ieoba ni‘atu ‘i onaona, ‘i gwaegwae, Iakwara ‘e toi nigea si da gumwara, nadigega to‐guinua e‘isa ‘ana iakwarao, ga Moaba ‘ina esaesa si da sinarina, ‘ina boda sinabwana iauiaudi ma‘enao; ta tupwana si da gidara ta nigea ‘e bweu ‘i da ‘amaiabena.

Isaia 25:10

‘Oea gete ‘ena Ieoba nimana ‘i da toa ta ‘enega, ta Moaba si da ‘aiaina ‘ina esena ‘enaia, nadigega witi sumwanina si ‘aiaina sumwana ‘ana boasi ‘enaia.

Isaia 33:1

‘Oioi ‘emuia ‘u to e‘oae‘oae, ta nigea si ‘oaeio; ta ‘u bubu geiogeioi, ta nigea si bubuna geiogeioi ‘emuia! Ni‘atu e‘oae‘oae ‘u sa‘una, ga si da ‘oaeio; ta ni‘atu bubuna geiogeioi ‘u sa‘una, ga si da bubuna geiogeioi ‘emuia.

Isaia 59:19

Nadigega Ieoba ‘ana esana si da matautena ‘ebwagega, ta ‘ina esaesa sinara ‘ina sae ‘enega: ‘i da mai ‘atua murua ta ‘enega, tauna Ieoba iawasina ‘i giedau.

Isaia 60:14

Ta taudi si unuio natudiao me‘olotodi ‘emuia si da mai bwagobwago; ta iauiaudi si sinariio si da a‘opu‘opu ‘aeiapaiapamuao ‘edia; ta si da eesemu Ieoba ‘ina asa, Iseraela ‘ina Tabu Tebweuna ‘ina Siona.

Isaia 63:1

Iaita gete Edomega ‘i mai, ‘ana ‘oama bweabwearidi Bosira ‘enega? tauna gete ‘ana ‘oamega ‘i esaesa, ‘i tautauia ‘ina waiwai ‘ana sinabwa ‘enega? ‘Abo‘agu ia onaona bubuna paruparuiega, waiwai sabi ‘etoseana.

Isaia 9:12

Me Siria nuganaia, ta me Pilisitia murinaia; ta Iseraela si da ‘enina ‘awa ‘eebarinega. Ga iage maibo‘ana gete ‘i apwesa ta ‘ina gamwasoara nigea i ‘ilawa, ta nimana ‘i iasitoto ‘ataena.