Isaia 10:20 - Buki Tabu Lowaenei 1919

²⁰ Ta gete ‘i da apwesa asiata gote ‘enega, ‘aene Iseraela tupwana, ta taudi susu Iakobo si denadena, gea‘abo wate tauna ‘i unuunudi ‘ena si da ‘emisa; ta Ieoba, Iseraela ‘ina Tabu Tebweuna, tauna ‘ena si da ‘emisa ‘ai‘aila.

Isaia 10:20 ပူးပေါင်းရင်းမြစ်များ

Isaia 1:9

‘Abo bodao ‘idi Ieoba nigea ‘i gisine ‘edaia tupwana gidarasedaina, ‘abo ta da ‘e Sodoma, ‘abo ta da ‘e Gomora.

Isaia 11:11

Ta gete ‘i da apwesa asiata gote, ‘Inapwana nimana ‘i da sa‘u limana ‘e ruena be ‘ina tomota tupwadi ‘i da ‘ewalimedi, taudi si da miami, Asiriega, Aigupitoega be, Patarosega be, Kusega be, Elamega be, Sinaega be, Amatega be, ora saruna ‘ediega be.

Isaia 11:16

Ta ‘eda sinabwana ‘i da miami ‘ina tomota tupwadi manudi, taudi si miami, Asiriega; nadigega lowa ‘i miami Iseraela manuna asiata ‘enega ‘i tu‘ema ‘asa Aigupitoega.

Isaia 37:4

Nai Ieoba ‘imu Eaubada Rabasakei ‘ina ona ‘i da nonodi, tauna ‘ina ‘inapwana Asiria ‘ana king ni‘atu ‘i etunena be Eaubada maiawasina ‘i ba‘ena, ta ona nidi Ieoba ‘imu Eaubada ‘i nonodi ‘i da ba‘edi: ta ‘enega ‘imu sidasida ‘u da gitu‘e tupwana ‘i miami manuna.

Isaia 46:3

‘Eguia wa da nono, Iakobo ‘ina anua ie, ta Iseraela ‘ina anua tupwana maibo‘ana, taudi gamwaguiega ia ‘a‘aridi, taudi si ‘a‘aridi gamwa ‘enega:

Isaia 50:10

Iaita ‘emia Ieoba ‘i matautena, ‘ina to‐guinua ‘enana ‘ena ‘i ematamatana? tauna ‘i lopilidadana guguioi ‘ena, ta nigea ‘ina ma‘edananamo, tauna Ieoba ‘ana esana ‘ena ‘i da ‘emisa, ta ‘ina Eaubada ‘ena ‘i da tugadara.

Isaia 6:13

Ta ‘abo ‘e bweu sanauna ‘ena ‘i mi‘ami, ‘i da gumwara limana; na‘ieana kaiwe terebina, ta na‘ieana keigwana, tauna ‘arena ‘i miami, ‘ena si ‘upwedi; nadigega ‘atuna tabu tauna ‘arena.