Isaia 10:17 - Buki Tabu Lowaenei 1919

¹⁷ Ta Iseraela ‘ina ma‘edana ‘i da e‘awe manuna, ta ‘ina Tabu Tebweuna sabelulu manuna: ta ‘ina kaiwe taritaridiao ta ‘ina kwakwakwarao ‘i da ‘arasina ta ‘i da loegumwarina asiata ‘e bweuna ‘enega.

Isaia 10:17 ပူးပေါင်းရင်းမြစ်များ

Salamo 18:8

Ubusu gaulina ‘ediega ‘asu ‘i bwawabwawa, Ta awe sabelulu ‘awanega i ‘enidi: Kebwanigita si ‘ara‘arasina ‘enega.

Salamo 21:9

‘U da bubudi na‘ieana umura ‘i sabesabelulu ‘imu gamwasoara ‘ana tuta ‘enega. Ieoba ‘i da tonedi ‘ina gamwasoara ‘enega, Ta awesabelulu ‘i da ‘enidi.

Salamo 27:1

Ieoba ‘igu ma‘edana ta ‘agu ‘etoseana; iaita ia da matautena? Ieoba iawasigu ‘ina waiwai; iaita manuna ia da ‘atesa‘ara?

Salamo 50:3

‘Ida Eaubada ‘i da mai, ta gea‘abo ‘i da enono: Awe sabelulu ‘i da ‘e‘a matanaia, Ta ‘atua wedilia ‘i da sakowasiena.

Salamo 84:11

Ieoba Eaubada Tauna sinara ta lawa ta ‘enega: Ieoba nua‘ole‘ole ta esaesa ‘i da ‘ebwaea: Taudi si tauia ‘ai‘aila gea‘abo ‘e bweu iage bobo‘ana ‘ediega ‘i da egagare.

Salamo 97:3

Matanaia awe sabelulu ‘i tauia, Ta ‘ana tarauwarao i ‘arata dadanedi.

Isaia 26:11

Ieoba, nimaio ‘i tooro, ta nigea si ‘ita‘ita: ta ‘imu waiwai tomota manudi si da ‘itena, ta si da omaiamaia; tamo, awesabelulu ‘amu tarauwarao ‘i da ‘enidi.

Isaia 27:4

Gamwasoara didiga nigea ‘eguia: eguma kaiwe taritarina ta kwakwakwara si tooro ‘eguia saia ‘ena! Eguma ia da tauia ‘edia, ia da gabudi rererea.

Isaia 27:7

Ni‘atu nai ‘i ununa nadigega taudi si ununa ‘i unudi? nai ‘i esilae na‘ieana ‘adi umumwawasa taudi si esilae ‘enega?

Isaia 30:33

Topeta ni‘atu ‘i miami lowaenei ta ‘enega; tamo, si sa‘u king manuna; ‘i mweruruina ni‘uni‘u ta sinabwana: ‘ana sa‘uepopo awe ‘ara‘arata ta kaiwe sinabwana; Ieoba ‘ina bwawa, nadigega mepulupulua daudauna, ‘i loe‘abia.

Isaia 31:1

Oioi ‘edia si mwa‘uta Aigupito ‘ena leme manuna, ta ose ‘edia si tugadara; ta saliote ‘edia si ‘emisa, iauiaudi ta ‘enega, ta togeru ose ‘edia, to waiwai sadi ta ‘enega; ta nigea Iseraela ‘ina Tabu Tebweuna ‘ena si ‘ita, nai Ieoba si ‘ebesa!

Isaia 31:9

Ta ‘ina gurewa ‘i da sawara ‘ebedidiga manuna, ta ‘ina ‘inapwanao si da ‘atesa‘ara doedoe ‘enaia, Ieoba ‘i gwae, tauna ‘ina awe ‘ara‘arata Siona ‘ena ‘i miami, ta ‘ina umura Ierusalema ‘enaia.

Isaia 33:12

Ta tomota si da ‘atua iaguma ‘ana gabu: ‘atua kwakwakwara si tara mwa‘uta, taudi si ‘arasidi ‘awe sabelulu ‘enaia.

Isaia 33:14

To to‘umalidi Siona ‘ena si matauta; taudi nigea si tapwaroro dedera ‘i unudi. Iaita nai gamwagamwanidaia ‘i da miami ‘awe ‘e‘enina ma‘ieana? Iaita gamwagamwanidaia ‘i da miami ‘awe ‘ara‘arata ‘ataia ma‘edi?

Isaia 37:23

Iaita ‘u ba‘ena ta ‘u ona besobeso‘ena? Ta iaita manuna ‘enaio ‘u gitu‘eiei ta matamuiega u ‘ita tu‘e tabwanaia? tuga Iseraela ‘ina Tabu Tebweuna ‘enaia.

Isaia 37:36

Ta Ieoba ‘ina anelose ‘i apwesawa, ta me Asiria ‘idi ‘ebe‘eno ‘ena ‘i unudi wan anaredi ta eti paibe tausana: ta ni‘atu tai si tooro manini gonagonaia, ga wa ‘ita, iauiaudi kokoa mwawamwawasidi.

Isaia 47:14

U ‘ita, si da ‘e witi ‘aredi ‘atua; ‘awe ‘i da ‘arasidi; gea‘abo si da ‘etoseedi awe‐sabelulu ‘ina waiwaiega: gea‘abo ‘i da ‘e kebwanigita ‘ebesi‘asi‘ata, nai ‘awe ‘ebemiatoa matanaia.

Isaia 60:19

Sinara gea‘abo wate ‘imu ma‘edana asiataia; nai tuiaiara manuna nawarae ‘i da giema‘edaneio: ta Ieoba ‘i da ma‘edana ataia ‘emuia, ta ‘imu Eaubada ‘imu esaesa.

Isaia 66:24

Ta si da apwesawa, ta tai si li‘oa loina ‘eguia ‘adi kokoa si da duneedi: ‘idi didimwana gea‘abo ‘i da mwawasa ta ‘enega, nai ‘idi awe‘ara‘arata ‘i da kweu; ta si da ‘ebegadilulu esio maibo‘ana ‘enaia.

Isaia 9:18

Bubuna to‘umalina i ‘ara‘arata awe sabelulu na‘ieana ta ‘enega; kaiwe taritaridi ta kwakwakwara i ‘arasidi: tamo, mitawa o‘enina badodi ‘edia i ‘ara‘arata, ta si tu‘e ‘asu ‘ina poana badodi ‘edia.