Isaia 1:28 - Buki Tabu Lowaenei 1919

²⁸ Ta to‐li‘oa‐loinao ta to‐to‘umalidi ‘adi weara ‘i da erererea, ta taudi Ieoba si e‘idi‘idiena ‘i da‘arata ‘e gumwaridi.

Isaia 1:28 ပူးပေါင်းရင်းမြစ်များ

Salamo 1:6

Ieoba to‐bubu‐paruparu ‘idi ‘eda ‘i mwaratonina: Ta to‐to‘umalidi ‘idi ‘eda ‘i da saoora.

Salamo 104:35

To loegesiao si da gumwara bare‘uiega, Ta to to‘umalidi gea‘abo si da miami. Iaruiaruagu ie, Ieoba ‘u da tupuna. Ieoba wa da tupuna.

Salamo 125:5

Ta taudi si tauia dumaduma ‘idi ‘eda bokobokodi ‘edia, Ieoba ‘i da tauiediwa bubuna bokoboko ‘ana to‐guinuao ma‘edi. Guguia Iseraela ‘ena ‘i da miami.

Salamo 37:38

Ta to li‘oa‐loina manudi, si da saoora rererea: To to‘umalidi ‘adi ‘ebelosaroni si da ‘upwaiaulei.

Salamo 5:6

Taudi si onakabokabo ‘u da giesaooridi: Tai rara ‘i giedau ta ‘i ekabokabo Ieoba geanuana.

Salamo 73:27

Wa ita, ta ‘enega, taudi ‘emuiega si miami ‘edasora si da saoora: Iauiaudi ‘emuiega si tautauia eiarakwaia ni‘atu ‘u loesawaridi.

Salamo 9:5

‘Ebeloinao ni‘atu ‘u ba‘edi, to‐to‘umalina ni‘atu ‘u gi‘esaooridi, ‘Adi esana ni‘atu ‘u kweu ‘ataena.

Salamo 92:9

U‘ita ta ‘enega, ‘amu tarauwarao, Ieoba ie, U ‘ita ta ‘enega, ‘amu tarauwarao si da saoora; Bubuna bokobokona ‘ana to guinua iauiaudi si da sawara.

Isaia 1:4

Ie ‘asa ma‘imi to‘umalina, tomota ‘imi ‘a‘ara bubuna bokobokona, to‐guinua to‘umalina tubudi, gogama to bubu geiogeioi: ni‘atu Ieoba si e‘idi‘idiena, Iseraela ‘ina Tabu Tebweuna ni‘atu si sinarina, si mia dumaduma ta si ‘ilawa.

Isaia 24:20

Bare‘u ‘i da gadogado tai numanumabolausina ‘atua, ta ‘i da loniu dadana ioeioe ‘atua; ta ‘ana li‘oaloina ‘i da mwau ‘enaia, ta ‘i da be‘u, ta gea‘abo ‘i da tooro limana.

Isaia 30:13

Ta ‘enega bubuna bokobokona gete ‘i da nadigega weara i ‘abe ‘i be‘u ‘emia, ‘i sinasinabwa ‘arigurewa ‘etosora ‘enaia, tauna ‘ina weara ‘i lomaninisanama.

Isaia 33:14

To to‘umalidi Siona ‘ena si matauta; taudi nigea si tapwaroro dedera ‘i unudi. Iaita nai gamwagamwanidaia ‘i da miami ‘awe ‘e‘enina ma‘ieana? Iaita gamwagamwanidaia ‘i da miami ‘awe ‘ara‘arata ‘ataia ma‘edi?

Isaia 50:1

Gete nadigega Ieoba ‘i gwae, Sinami ‘ina sa‘ila ‘ina ‘etoladi mane, tauna ‘enega ia sa‘ilena? nai to tai ‘igu to iotura ‘ediega ‘ena ia gimwaniemi? Wa ‘ita, ‘imi bubuna bokobokona manudi ia gimwaniemi, ta ‘imi li‘oa‐loina manudi sinami ia sa‘ilena.

Isaia 50:11

Wa ‘ita, iauiaumi ‘awe wa loe‘abia, wa logadiwanimi taumimo ‘ara‘arata ‘ediega: ‘imi awe meianao ‘edia wa da lopilidadana, ta gudara wa loe‘abi gamwagamwanidia. Gete wa da ‘ewa nimaguiega; wa da ‘eno‘eno dedoiega.

Isaia 58:2

Ta asiata iauna si ‘ebesegu tuga, ta si ‘uiawana ‘igu ‘eda si mwaratonidi manuna: ‘atua ‘asa bubuna paruparu si guinua, ta ‘idi Eaubada ‘ina loina nigea si e‘idi‘idia, loina paruparuiao si eonegu, si ‘uiawana ‘idi doro Eaubada serabenaia.

Isaia 64:6

Iauiauma ni‘atu nadigega ‘e bweu ‘i baila ta ‘enega, ta ‘ima bubuna paruparu iauiaudi nadigega ‘oama mabi‘ina: ta iauiauma ‘a medamedara kaiwe iawana ‘atua; ta ‘ima bubuna bokobokoiao, nadigega iagila, si tauieda.

Isaia 65:11

Ta ‘omi Ieoba wa e‘idi‘idia, ‘igu ‘oea tabu wa nuapupura, tebeli wa sa‘u ‘ai‘aili Simasimana manuna, ta oine wa ‘ili‘ilina wa loemaa Oba manuna;

Isaia 66:17

Taudi si etabudi taudi ta si gieesasedi taudi sabi tauia bagurao ‘edia, ‘e bweu gamwagamwanaia guauna, bawe esiona si ‘e‘ai, gadilulu be, kokolaka be; si da losaroni rererea, Ieoba ‘i gwaegwae.

Isaia 66:24

Ta si da apwesawa, ta tai si li‘oa loina ‘eguia ‘adi kokoa si da duneedi: ‘idi didimwana gea‘abo ‘i da mwawasa ta ‘enega, nai ‘idi awe‘ara‘arata ‘i da kweu; ta si da ‘ebegadilulu esio maibo‘ana ‘enaia.