Esiteri 9:27 - Buki Tabu Lowaenei 1919

²⁷ Ga me Iuda si sa‘uiaina, ta si ‘ewa ‘edia, ta tubudiao ‘edia, ta iauiaudi si egogona ma‘edi ‘edia, be ‘enega gea‘abo ‘i da gumwagumwara, ‘aene asiata ‘e rua getedi si da ‘ita‘i‘isi ‘ana ‘etoladi na‘ieana, ta ‘ana tuta ‘ai‘aila na‘ieana, iakwara ‘e bweuna ‘e bweuna;

Esiteri 9:27 ပူးပေါင်းရင်းမြစ်များ

Esiteri 8:17

Ta esena ‘e bweuna ‘e bweuna ‘enaia, ta ‘asa ‘e bweuna ‘ebweuna ‘enaia, ‘ena king ‘ina ona ta ‘ina loina ‘i mai, ‘ena me Iuda ‘idi uiawana be guausoara, sagari be asiata bobo‘ana. Ta esena nina ‘ina tomotaiao ‘ediega iauiaudi si e goma Iuda; me Iuda ‘adi matauta ‘edia ‘i be‘u ta ‘enega.

Esiteri 9:20

Ta Modekai iage getedi i ‘etoladi, ta leta ‘i etunedi me Iuda iauiaudi ‘edia taudi king Aasaberosa ‘ina esena iauiauna ‘edia si miami, serabenaia ta ‘edasora,

Esiteri 9:21

be ‘i da ‘emataruedi ‘aene nawarae Adara ‘ana asiata ‘e potini nina si da ‘ita‘i‘isi, ta tauna ‘ana asiata ‘e pipitini nina, iakwara ‘e bweuna ‘e bweuna.

Esiteri 9:28

ta ‘aene asiata getedi si da nua‘i‘isi ta si da ‘ita‘i‘isi epata tomota iauiauna ‘edia ‘ediega, susu iauiauna, esena iauiauna, ta ‘asa iauiauna; ta ‘aene asiata Purima getedi gea‘abo si da gumwagumwara me Iuda ‘ediega, nai ‘adi ‘ebenua‘i‘isi ‘i da gumwara tubudiao ‘ediega.

Salamo 78:7

Be ‘enega ‘idi nuaiaina si da sa‘u Eaubada ‘ena, Ta gea‘abo Eaubada ‘ina guinuao si da nuapupuredi, Ta ‘ina onao si da ‘itai‘isidi:

Isaia 2:3

Ta tomota iauiauna si da tauia ta si da ona, Wa da mai, be ta da tu‘e Ieoba ‘ina ‘oea ‘enaia, Iakobo ‘ina Eaubada ‘ina anua ‘enaia; ta ‘ina ‘edao manudi ‘i da e‘iteda, be ta da tautauia ‘ina ‘edao ‘edia: Sionega loina ‘i da apwesawa ta ‘enega, ta Ieoba ‘ina ona Ierusalemega.

Isaia 56:3

Ta to‘u‘umara, tauna Ieoba ‘ena ‘i miami, gea‘abo ‘i da ona, ‘i gwaegwae, Ieoba ‘i da weari‘ai‘ailigu ‘ina tomota ‘ediega: nai eunaka ‘i da ona, Wa ‘ita, ‘abo‘agu kaiwe mesomesona.

Isaia 56:6

Wate to‘u‘umara, taudi Ieoba ‘ena si miami, sabi guinua ‘enaia, ta sabi nuanuana sinabwana Ieoba ‘ana esana, be si da ‘ina to‐guinuao, ‘e bweuna ‘e bweuna sabate si ‘ita‘i‘isi ta nigea si li‘oena, ta ‘igu ona‘upa‘upa ‘enega si giiai: