Esiteri 8:17 - Buki Tabu Lowaenei 1919

¹⁷ Ta esena ‘e bweuna ‘e bweuna ‘enaia, ta ‘asa ‘e bweuna ‘ebweuna ‘enaia, ‘ena king ‘ina ona ta ‘ina loina ‘i mai, ‘ena me Iuda ‘idi uiawana be guausoara, sagari be asiata bobo‘ana. Ta esena nina ‘ina tomotaiao ‘ediega iauiaudi si e goma Iuda; me Iuda ‘adi matauta ‘edia ‘i be‘u ta ‘enega.

Esiteri 8:17 ပူးပေါင်းရင်းမြစ်များ

Nugana 35:5

Ta si tautauia: ta ‘asao si miasakowasiedi matauta sinabwana ‘edia ‘i miami, ta nigea si da pili Iakobo natunao me‘olotodi muridia.

Esiteri 9:17

Nawarae Adara ‘ana asiata ‘e tatini nina iage gete si guinua; ga tauna nawarae nina ‘ana asiata ‘e potini nina si eiawai‘ata, ta si bubuna asiata losagari be guausoara.

Esiteri 9:19

Ta ‘enega me Iuda ‘asa gidaridi ‘ana tomianao, ‘asa nigea ma‘idi ‘arigurewamo ‘edia si miami, nawarae Adara ‘ana asiata ‘e potini si bubuna ‘idi ‘ebeeguausoara be ‘ebelosagari, ta asiata bobo‘ana, ta masura si ‘ebwaea dadana ‘e bweuna ‘e bweuna ‘enaia.

Esiteri 9:2

me Iuda ‘idi ‘asa king Aasaberosa ‘ina esena iauiauna ‘edia si miamiana ‘edia si deriegogona, be ‘enega taudi si ‘ebesedi be si gieto ‘umaliedi si da giiaidi: ta nigea ‘e bweu ‘i ewaiwai ‘edia; ‘adi matauta tomota iauiaudi ‘edia ‘i be‘u ta ‘enega.

Esiteri 9:22

‘Atua asiata ‘ediega me Iuda ‘adi tarauwarao ‘ediega si eiawai‘ata, ta nawarae nina i ‘ebunina ‘edia dedoiega uiawana ‘enaia, ta ‘ewabamuiega asiata bobo‘ana ‘enaia: be ‘enega si da bubudi be si da e asiata ‘ebelosagari ta ‘ebe‘eguausoara, ta ‘ebwa‘ebwaea dadana ‘e bweuna ‘e bweuna ‘enaia, ta ‘ebwaeadaita gomabeso ‘edia.

Esiteri 9:27

Ga me Iuda si sa‘uiaina, ta si ‘ewa ‘edia, ta tubudiao ‘edia, ta iauiaudi si egogona ma‘edi ‘edia, be ‘enega gea‘abo ‘i da gumwagumwara, ‘aene asiata ‘e rua getedi si da ‘ita‘i‘isi ‘ana ‘etoladi na‘ieana, ta ‘ana tuta ‘ai‘aila na‘ieana, iakwara ‘e bweuna ‘e bweuna;

Esiteri 9:3

Ta esena ‘idi ‘inapwanao iauiaudi be, to‐lemeiao be, gabanao be, taudi king ‘ina guinua si guiguinue be, me Iuda si lemedi; Modekai ‘ana matauta ‘edia ‘i be‘u ta ‘enega.

Salamo 105:38

Aigupito ‘i guausoara tuta ‘enega si tauiawa; Matautedi ‘i be‘u ‘edia ta ‘enega.

Salamo 18:43

Tomota ‘idi e‘upwa ni‘atu ‘ediega u ‘etoseegu; ‘U bubugu be ia e‘ebeloina debadi: Tomota nigea ia mwaramwaratonidi ‘eguia si da guinua.

Si Apwesa 15:16

‘Atesa‘ara ta matauta ‘edia si be‘u; Nimaio ‘ina sinabwana ‘enega si miaenono gurewa ‘atua; Ga ‘imu tomota si taona, Ieoba Ie. Ga tomota taudi u ‘ewedi si da taona.