Esiteri 7:9 - Buki Tabu Lowaenei 1919

⁹ Ga Abona, tauna eunaka ‘e bweuna king matanaia, ‘i gwae, Wate ‘ita, kaiwe nina ‘ana ‘etosora kiubita e pipiti, tauna Amana ‘i guinuena Modekai manuna, tauna ‘i ona bobo‘ana king manuna, kaiwe nina Amana ‘ina anuaia ‘i tooro. Ta king ‘i gwae, ‘Ena wa da loesanena.

Esiteri 7:9 ပူးပေါင်းရင်းမြစ်များ

Esiteri 1:10

Ga asiata ‘e sebeni nina, ‘ena king ‘atena ‘i guausoara oineiega, ga Meumana be, Bisita be, Abona be, Bigita be, Abagata be, Seta be, Kakasa be, taudi gete eunaka ‘e sebeni king Aasaberosa matanaia si guinua, ‘edia ‘i loina,

Esiteri 5:14

Ga mwanena Seresa ta gosenao iauiaudi ‘ena si gwae, Kaiwe ‘e bweu ‘ana kesorana kiubita ‘e pipiti si da guinuei, ta gonagonaia king ‘ena ‘u da ona be Modekai ‘ena si da loesane: ga ‘oio ma‘imu ‘uiawana king ma‘ieana wa da rugu ‘e‘ai ‘enaia. Ta iage nina Amana ‘i nuanuana; ta ‘i loina ga kaiwe si guinuena.

Esiteri 6:14

Ta ma‘enao si gwaegwae, ga king ‘ina eunakao si mai, ta si lomanini ga Amana si ‘au‘ewenama ‘e‘ai nina Esiteri ni‘atu ‘i sa‘u ‘enaia.

Esiteri 6:2

Ta ‘ena si loba ‘etoladi gete, ‘aene Modekai ‘i simana Bigatana ta Teresa manudi, king ‘ina eunaka ‘e rua, taudi ‘eberugu ‘adi to‐‘ita‘i‘itao ‘ediega, lowa ‘aene king Aasaberosa si ‘ebesa be si da ununa.

Esiteri 8:7

Ga king Aasaberosa Esiteri kuini ta Modekai goma Iuda ‘edia ‘i ona, Wa ‘ita, Amana ‘ina anua Esiteri ‘ena ia ‘ebwaea‘ena, ta tauna ni‘atu si loesanena kaiwe ‘enaia, me Iuda nimana ‘edia ‘i sa‘usa‘una ta ‘enega.

Esiteri 9:14

Ta king ‘i loina be si da guinua nadigega: ta loina si geiapwesena Susa ‘enaia: ta Amana natunao ‘e sanau si loesanedi.

Esiteri 9:25

Ta ni‘atu ‘i apwesa king matanaia, ga king ‘i ona leta ‘ediega ‘aene ‘ina wasegigi to‘umalina, tauna ‘i wasegigi me Iuda manudi, debana tauna ‘ena ‘i da ‘ila; ta ‘aene tauna ta natunao me‘olotodi si da loesanidi kaiwe ‘enaia.

Salamo 141:10

To to‘umalidi taudi ‘idi gomanao ‘edia si da be‘u, Tuta ‘enega ‘abo‘agu ia dena tugai.

Salamo 35:8

Saoora ‘i da mai ma‘ula ‘enaia; Ta gomana ‘i sa‘usa‘u kwaiena tauna tuga ‘i da ionina; Saoora ‘enega ‘i da be‘u ‘enaia.

Salamo 73:19

Tuta tomwana ‘e bweuna enega ni‘atu si waborebore! Si gumwara ‘ai‘aila ‘ebedidiga ‘ediega.