Esiteri 7:4 - Buki Tabu Lowaenei 1919

⁴ ni‘atu si gimwaniema ta ‘enega, ‘abo‘agu ta ‘igu tomota, be ‘a da saoora, ‘a da esilae, be ‘a da mwawasa. Ta ‘abo si gimwaniema be ‘a da e ioniionina me‘olotoma ta ‘a da ‘e ioniionina me wainema, ‘abo ia da ‘ara enono, ta ‘ama tarauwara nigea kapekapeana iage king ‘i da loseena ‘i da e‘isa.

Esiteri 7:4 ပူးပေါင်းရင်းမြစ်များ

Esiteri 3:13

Ta leta si etunedi to piliiareiare ‘ediega king ‘ina esena iauiauna ‘edia, be ‘enega me Iuda iauiaudi si da loesawaridi, si da unudi, si da loemwawasidi, tubuau ta tai sinabwadi, gogama gidaridi ta iine, asiata ‘e bweuna ‘enega, nawarae e twelu nina ‘ana asiata e tatini nina, tauna nawarae Adara, ta ‘idi gwegwe ‘ediega si da ‘oaedi.

Esiteri 3:9

‘Abo king ‘i nuanuana, ta da ‘etoladi be si da saoora: ta ‘abo‘agu sileba taleni ‘e teni tausana taudi king ‘ina iage si ‘ita‘ita‘i‘isi nimadi ‘edia ia da sa‘u, be king ‘ina gwegwe ‘ana ‘ebesa‘u ‘ena si da me‘ena.

Esiteri 7:5

Ga king Aasaberosa ‘i gwae ta Esiteri kuini ‘ena ‘i ona, Iaita tauna, ta mwa‘o ‘i miami, tauna ‘atenega ‘i opa‘ara be ‘i guinua nadigega?

Esiteri 7:6

Ta Esiteri ‘i gwaegwae, Tarauwara ‘e bweuna ta tonua‐to‘umalina ‘e bweuna, tauna Amana to‘umalina gete. Ga Amana ‘i matauta king be kuini matadia.

Esiteri 8:11

‘Enega king ‘i tagwara me Iuda ‘asa iauiauna ‘edia si miamiana ‘aene si da egogonama, ta iawasidi manuna si da tooro, be tomota ta esena ‘aene si da unudi, ‘idi waiwai iauiauna si da loesawara, si da unudi, si da loemwawasidi, wate natudiao be ‘idi iineao, ta si da ‘oaedi,

Esiteri 8:6

mwa‘adega ia da e‘arama‘i‘itanegu be to‘umalina ‘i da mai ‘igu tomota ‘edia be ia da ‘itena? nai mwa‘adega ia da e‘arama‘i‘itanegu be ‘igu susu ‘idi saoora ia da ‘itena?

Esiteri 9:25

Ta ni‘atu ‘i apwesa king matanaia, ga king ‘i ona leta ‘ediega ‘aene ‘ina wasegigi to‘umalina, tauna ‘i wasegigi me Iuda manudi, debana tauna ‘ena ‘i da ‘ila; ta ‘aene tauna ta natunao me‘olotodi si da loesanidi kaiwe ‘enaia.