Yoni 8:59 - Loina Tabu Auwauna NT

⁵⁹ 'Enega me Yudia nidi gulewa si'ewedi be 'aene sida loemwawasi, ta Yesu 'ediyega 'iakwaiya ga Anuwa Tabuyega 'iapwesa.

Yoni 8:59 ပူးပေါင်းရင်းမြစ်များ

Madiu 12:14

'Enega Palisiyao ma idi gamwasowala siapwesa ga taudimo siloina mwa'adega Yesu sida loemwawasa'ese.

Luke 24:31

Gote 'ena nuwadi 'isabwalena ga Yesu nina si'inanena, ta 'ediyega 'ikwaiya.

Yoni 11:54

Gote 'enega Yesu nigeya me Yudia matadiya 'ida lopilidadana, 'enega 'ipilisinedi ga 'itauya mitawa tupitupinaya 'ebweu 'asa 'ana esana Epileimi 'enaya, ga nada ma ina tononoyao simiyami.

Yoni 11:8

Ga 'ina tononoyao nidi Yesu sieonena, “'Inapwana, geya'abo tatautauya sena nina 'ena, manuna me Yudia 'etamo tuga nuwanuwadi 'aene gulewega sida unuyo.”

Yoni 12:36

Ta 'abo maedana 'emiya 'imiyami, maedana nina 'ena wada emisa, be 'enega 'omi maedana natunao ga maemaedanimi. Yesu 'ina ona gete 'i'inanedi ga 'ipilisinedi ta 'ediyega 'ikwaiya.

Yoni 18:31

Ta Pailato wate 'ediya 'iona, “Bobo'ana 'eguma watauye be 'omi taumi 'imi loinega waetalae.” Ta me Yudia nidi sigwae, “'Abo'ama nigeya 'ama tagwala be tai 'ina mwawasa manuna 'ada loina.”

Yoni 5:13

Ta tai nina tauna 'ana le'oasa 'igumwalaya nigeya 'imwalamwalatoni to tai, manuna Yesu ni'atu 'itauya ta boda sinabwana sena nina 'enaya.

Yoni 9:1

'Enega mali tuta Yesu 'itautauya 'edaya ga tai 'ebweu 'ilobena matana kebokebona adelina 'itubuwenama.

Guinuwa 7:57

Ta Sitibeni 'ana talauwalao sibwaubwau toitoila, ga tenadi sigibodedi be 'aene Sitibeni 'ina ona geya'abo sinoono, ta maibo'adi sipili, ga sigiyaina,