Yoni 17:5 - Loina Tabu Auwauna NT

⁵ Tamagu ye, gete tuga matamuya 'agu esana 'uda gitu'eye, nadigega tuga lowa 'oyo be 'abo'agu 'ida esaesa nina 'ena tamiyami, ga muliyega bale'u tamweluluina.

Yoni 17:5 ပူးပေါင်းရင်းမြစ်များ

Madiu 25:34

be 'enega toloina 'abo'agu taudi 'ataiguya yada eonadi be yada gwae, ‘'Omi Tamagu 'ina obobomega wada gwausowala, wamai be 'imi 'ebeloina nina bale'u 'ana mweluluwa'unu 'enega 'igibubunaya manumi wada 'ewa.

Yoni 1:18

Nigeya 'ebweu tuta Yaubada 'ana 'ita tomota sida 'itena, nate namo natu'ai'ailina selabenaya 'imiyami, 'enega tauna Tamana 'ana 'ita nina ni'atu 'ie'iteda.

Yoni 10:30

'Abo'agu be Tamagu 'ebweuna tuga.”

Yoni 14:9

'Enega Yesu Pilipi 'ena 'igwae, “Ni'atu tuta dudulana 'abo'agu ma'emi tamiyami, ta tuga nigeya 'umwalamwalatonigu. Ta yaisigedi 'omi ni'atu wa'iteguya, 'omi wate Tamagu ni'atu wa'itena ga wamwalatonina. 'Enega to'ase manuna 'ugwae 'aene ‘Tamamuna 'uda e'itama’?

Yoni 17:1

Ta ni'atu yage getedi Yesu 'i'inanedi ta galewa 'ena 'i'itatu'e, ga 'isidasida, 'igwae, “Tamagu, 'igu tuta ni'atu 'imai. 'Enega 'abo'agu natuyo 'agu esana 'uda gitu'eye, be 'enega 'abo'agu wate 'amu esana yada gitu'eye.

Yoni 17:24

“Tamagu ye, taudi ni'atu 'u'ebwayaedi 'eguya nuwanuwagu be ma'egwao 'ada miyami. Ta gote 'ena 'igu esaesa nina 'u'ebwa'eguya sida 'ita, manuna muliyega be bale'u 'ana mweluluwa ta 'oyo 'ugimi obobomegu.

Yoni 3:13

Manuna nigeya 'ebweu yaita galewaya 'itu'etu'e. Nate namo 'abo'agu Tomota Natuna, manuna 'abo'agu galewega yagimi mwa'utama.

Yoni 8:58

Ga gote 'inapwanao nidi 'ieonedi, 'igwae, “Yaona 'ai'aila 'emiya, 'aene muliyega be Ebelaamo 'itutubuwa ta 'abo'agu tuga yamiyami.”

Pilipai 2:6

Yesu nina Yaubada, ta geya nuwana be 'ietoloina,

Ibeliu 1:10

Ta 'ebweu wate 'ina ona natunana 'ena 'igwae, “'Inapwana ye, tuta nugana 'ena bale'u 'umweluluina ta nimamuyega galewa 'uguinuwena.

Ibeliu 1:3

Ta Yaubada natunana tamana 'ina maedana 'imaemaedanae ta tauna Yaubada 'ilowa'eluna. Ta 'ina ona waiwaina 'enega yage maibo'ana galewaya ta bale'uya 'igiyagiyaidi. Ta 'ida to'umalinao 'ediyega 'igie 'esaseda, ga muliyega Yaubada Toloetana sana 'atainaya 'imiyatowa.

1 Pita 1:20

Yaubada Keliso nina 'igimi esinuwena 'ina guinuwa gete manuna, ta muliyega bale'u 'imweluluina, ta ni'atu tuta 'ana 'ebe losalowa 'enaya Keliso nina 'iapwesama, 'abo'ada manuda.

1 Pita 1:21

Ga tauna Keliso nina 'enega Yaubada waemisena 'aene tauna mwawasega 'igietoolo limena ga 'ebemi esaesa 'ena 'isa'una, 'enega 'imi emisa be 'imi nuwayaina wasa'u 'ai'ailidi Yaubada 'enaya.

E'ita'ita 13:8

Ta me bale'u yauyaudi ma'etamo 'ena sibwabwago, nate taudi 'abo nigeya 'adi esanao simiyami yawasi bukina solanaya, buki nina Lami nina siloemwawasina 'ina buki, manuna buki gete solanaya taudi 'adi esanao lowaenei 'igimi 'etoladidi, 'enega muliyega bale'u 'imweluluina.

E'ita'ita 3:21

“Ta 'abo yaita 'omi 'iewaiwai, yada tagwala 'enaya be ma'iyagu 'ada miyatowa 'igu 'ebemi esaesa 'ena, nadigega tuga 'abo'agu yaewaiwai, ga Tamagu 'ina 'ebemi esaesa 'ena ma'iyagu 'amiyatowa.